அண்ணே வரார் வழி விடுங்கோ... சுடசுட வெளியான 'GOAT' சென்சார் அப்டேட்!

தளபதி விஜய், அப்பா - மகன் என இரட்டை வேடத்தில் தன்னுடைய மிரட்டலான நடிப்பை வெளிப்படுத்தியுள்ள திரைப்படம் 'கோட்'. இயக்குனர் வெங்கட் பிரபு இயக்கியுள்ள இந்த படத்தை, AGS நிறுவனம் சுமார் 300 முதல் 350 கோடி பட்ஜெட்டில் உருவாக்கி உள்ளதாக கூறப்படுகிறது. இந்த படத்திற்காக விஜய்க்கு மட்டுமே சுமார் 200 கோடி சம்பளமாக வழங்கப்பட்டுள்ளது.

மிகப்பெரிய எதிர்பார்ப்புக்கு மத்தியில் உருவாகியுள்ள இந்த படத்தில், அப்பா விஜய்க்கு ஜோடியாக நடிகை சினேகாவும், மகன் விஜய்க்கு ஜோடியாக மீனாட்சி சவுத்திரியும் நடித்துள்ளனர். மேலும் பிரஷாந்த், அஜ்மல் அமீர், பிரபு தேவா, பிரேம்ஜி அமரன், லைலா, பார்வதி நாயர், போன்ற மிகப்பெரிய நட்சத்திர பட்டாளமே இந்த படத்தில் இணைந்து நடித்துள்ளது.

நாளை முதல் நாடெங்கும் நமது கொடி பறக்கும்; தளபதி விஜய் பரபரப்பு அறிக்கை!

இந்த படத்தின் ட்ரைலர் கடந்த வாரம் வெளியாகி நல்ல வரவேற்பை பெற்ற நிலையில்... ஆடியோ வெளியீட்டு விழா குறித்த அறிவிப்பு வெளியாகுமா என் எதிர்பார்த்து கார்த்திருக்கின்றனர் தளபதிரசிகர்கள். ஆனால் ஆடியோ ரிலீசுக்கு முன்னரே அடுத்தடுத்த பாடல்கள் வெளியானதால்... அஜித் படத்தை போல் இந்த படத்திற்கும் ஆடியோ வெளியீட்டை விழா இல்லையா என்கிற சந்தேகமும் எழுந்துள்ளது.

இந்நிலையில், சற்று முன்னர் 'GOAT' படத்தின் சென்சார் சான்று குறித்த தகவலை படக்குழு வெளியிட்டுள்ளது. அதன்படி, தளபதி நடித்துள்ள இந்த படத்திற்கு U /A சான்றிதழ் கிடைத்துள்ளது என்பது புதிய போஸ்டருடன் வெளியிட்டுள்ளனர்.

விஜயகாந்த் மகன் திருமணம் நிறுத்தப்பட்டது ஏன்? விஜய பிரபாகரன் கல்யாணம் எப்போது வெளியான தகவல்!