விடுமுறை நாட்களிலும் வசூலில் காத்துவாங்கிய ஏஸ்; 3 நாட்களில் இம்புட்டு தான் கலெக்ஷனா?
ஆறுமுக குமார் இயக்கத்தில் விஜய் சேதுபதி, ருக்மிணி வசந்த் நடிப்பில் வெளியாகி இருக்கும் ஏஸ் திரைப்படத்தின் வசூல் நிலவரத்தை பற்றி பார்க்கலாம்.
Ace Movie Box Office Collection
நடிகர் விஜய் சேதுபதி நடிப்பில் இந்த ஆண்டு ரிலீஸ் ஆன முதல் படம் ஏஸ். இப்படத்தை ஆறுமுக குமார் இயக்கி உள்ளார். இவர் ஏற்கனவே ‘ஒரு நல்ல நாள் பார்த்து சொல்றேன்’ என்கிற திரைப்படத்தை இயக்கினார். அதிலும் விஜய் சேதுபதி நடித்திருந்தார். இந்த கூட்டணி இரண்டாவது முறையாக இணைந்த படம் தான் ஏஸ். இப்படத்தை இயக்குனர் ஆறுமுக குமார் தான் தயாரித்து இருந்தார். இப்படத்தில் நடிகர் விஜய் சேதுபதிக்கு ஜோடியாக கன்னட நடிகை ருக்மிணி வசந்த் நடித்திருந்தார்.
ஏஸ் படத்திற்கு வரவேற்பு எப்படி?
ஏஸ் திரைப்படம் கடந்த மே 23ந் தேதி திரைக்கு வந்தது. இப்படத்தில் விஜய் சேதுபதி - யோகிபாபு இடையேயான காமெடி காட்சிகள் நன்கு ஒர்க் அவுட் ஆகி இருந்தாலும், படத்தின் திரைக்கதை வலுவாக இல்லாததால் ரசிகர்களை பெரியளவில் ஈர்க்கவில்லை. இதனால் இப்படத்திற்கு கலவையான விமர்சனங்களே கிடைத்தன. அதுமட்டுமின்றி திரையரங்குகளில் சூரி நடித்த மாமன் திரைப்படம் வெற்றிநடைபோட்டு வருவதால் அதற்கு ஏஸ் படத்தால் டஃப் கொடுக்க முடியவில்லை.
ஏஸ் பாக்ஸ் ஆபிஸ் வசூல்
கலவையான விமர்சனம் காரணமாக ஏஸ் திரைப்படம் பாக்ஸ் ஆபிஸிலும் மந்தமான நிலையிலேயே உள்ளது. இப்படம் தமிழ்நாட்டில் ரிலீஸ் ஆன முதல் நாள் வெறும் ரூ.75 லட்சம் தான் வசூலித்திருந்தது. பின்னர் இரண்டாம் நாளில் ரூ.96 லட்சம் வசூலித்த இப்படம் மூன்றாம் நாளில் அதைவிட 7 லட்சம் மட்டுமே கூடுதலாக வசூலித்து 1.03 கோடி வசூலித்துள்ளது. இதன்மூலம் ஒட்டுமொத்தமாக தமிழ்நாட்டில் 3 நாட்களில் ஏஸ் திரைப்படம் 2.75 கோடி மட்டுமே வசூலித்து உள்ளது.
ஏஸ் திரைப்படத்துன் வசூல் சரிவுக்கு காரணம் என்ன?
விமர்சனங்கள் ஒருபுறம் இருக்க, மறுபுறம் ஏஸ் படத்தின் வசூல் சரிவுக்கான முக்கிய காரணம் சூரியின் மாமன் படம் தான். அப்படம் இரண்டாம் வாரத்திலும் பேமிலி ஆடியன்ஸிடம் அமோக வரவேற்பை பெற்று வருவதால் ஏஸ் படத்தால் அதற்கு ஈடு கொடுக்க முடியவில்லை. ஏஸ் படம் தமிழ்நாட்டில் மூன்று நாட்களில் 2.75 கோடி தான் வசூலித்து இருந்தது. ஆனால் சூரி நடித்துள்ள மாமன் திரைப்படம் நேற்று மட்டும் தமிழ்நாட்டில் ரூ.3.13 கோடி வசூலித்து மாஸ் காட்டி இருக்கிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
