ரோலெக்ஸ் கேரக்டர் பார்த்து மெர்சலாகிப் போன விஜய் சேதுபதி... சூர்யா குறித்து என்ன சொல்லியிருக்கார் தெரியுமா?

vijay sethupathi : விக்ரம் படத்தில் சந்தனம் கேரக்டரில் நடித்து அசத்திய நடிகர் விஜய் சேதுபதி, சூர்யாவின் ரோலெக்ஸ் கேரக்டர் குறித்து சமீபத்திய பேட்டியில் புகழ்ந்து பேசி உள்ளார்.  

கமல் நடிப்பில் கடந்த மாதம் வெளியான விக்ரம் படம் அமோக வரவேற்பை பெற்றதோடு, பாக்ஸ் ஆபிஸிலும் ரூ.400 கோடிக்கு மேல் வசூலித்து பிளாக்பஸ்டர் வெற்றியை ருசித்தது. இதன் வெற்றிக்கும் பெரும் பலமாக இருந்தது இப்படத்தின் கதாபாத்திரங்களின் தேர்வு தான். விஜய் சேதுபதி, பகத் பாசில், செம்பன் வினோத் என அனைவரது கதாபாத்திரமும் மக்கள் மனதில் நிற்கும்படி இருந்தது.

இதையும் படியுங்கள்... தீபிகா படுகோனே - ரன்வீர் சிங் ஜோடி ரூ.119 கோடிக்கு வாங்கியுள்ள குவாட்ரப்ளக்ஸ் அப்பார்ட்மெண்ட்! என்ன ஸ்பெஷல்?

குறிப்பாக சூர்யாவின் ரோலெக்ஸ் கதாபாத்திரத்தை மக்கள் கொண்டாடி மகிழ்ந்தனர். அவர் இப்படத்தில் கடைசி 5 நிமிடங்கள் மட்டுமே வந்தாலும், அவரது கதாபாத்திரம் மக்களிடையே ஈஸியாக ரீச் ஆகிவிட்டது. இதற்கு காரணம் அவரது நடிப்பு தான் என்றே சொல்லாம். பல்வேறு திரையுலக பிரபலங்களும் சூர்யாவின் கேரக்டரை வியந்து பாராட்டினர்.

இதையும் படியுங்கள்... லவ் லெட்டர் எழுதி பெற்றோரிடம் செமத்தியாக அடிவாங்கிய சாய் பல்லவி... அதுவும் யாருக்கு எழுதிருக்காங்க தெரியுமா?

இந்நிலையில், விக்ரம் படத்தில் சந்தனம் கேரக்டரில் நடித்து அசத்திய நடிகர் விஜய் சேதுபதி, சூர்யாவின் ரோலெக்ஸ் கேரக்டர் குறித்து சமீபத்திய பேட்டியில் வியந்து பேசி உள்ளார். அவர் கூறியதாவது : “ரோலெக்ஸ் கேரக்டர் நடிக்கும் காட்சிகள் படமாக்கப்படுவதற்கு ஒரு வாரத்திற்கு முன்னாடி தான் அந்த ரோலில் சூர்யா நடிக்கப்போற விஷயமே எனக்கு தெரியும். கேட்டதும் எனக்கு ஆச்சர்யமாக இருந்தது.

இதையும் படியுங்கள்... தி க்ரே மேன் படம் குறித்து ஓப்பனாக பேசிய தனுஷ்.. வாய்ப்பை கேட்டதும் துள்ளி குதித்ததாக பேட்டி

ஏனென்றால் இவ்ளோ பெரிய மாஸ் ஹீரோ, அதுவும் நல்ல பெயர் எடுத்த ஒரு ஹீரோ எப்படி இந்த நெகடிவ் ரோலில் நடிக்க சம்மதித்தார் என வியப்பாக இருந்தது. சூர்யா தனக்கு இருக்கு நட்சத்திர அந்தஸ்தை எல்லாம் ஓரங்கட்டி வைத்துவிட்டு இப்படி ஒரு கேரக்டரில் நடித்ததெல்லாம் பெரிய விஷயம். இதுவும் நன்றாக தான் இருக்கிறது” என புகழ்ந்து தள்ளியுள்ளார் விஜய் சேதுபதி.