Bipasha Basu: 43 வயதில் நிறைமாத வயிற்றை காட்டியபடி புகைப்படம் வெளியிட்டு.. விஜய் பட நடிகை போட்ட சூப்பர் பதிவு!

பிரபல பாலிவுட் நடிகை பிபாஷா பாசு சமீபத்தில் கர்ப்பமாக இருக்கும் தகவலை வெளியிட்ட நிலையில், தற்போது நிறைமாத வயிற்றை காட்டியபடி, இவர் வெளியிட்டுள்ள புகைப்படம் வைரலாக பார்க்கப்பட்டு வருகிறது. 

43 வயதை எட்டியுள்ள, பாலிவுட் நடிகை பிபாஷா பாசு... நடிகர் கரண் சிங் குரோவரை காதலித்து கடந்த 2016 ஆம் ஆண்டு திருமணம் செய்து கொண்டார். இந்நிலையில் இவர்கள் தங்களுடைய முதல் குழந்தையை வரவேற்க தயாராகியுள்ள நிலையில், அவ்வப்போது பிபாஷா தன்னுடைய தாய்மையை வெளிப்படுத்தும் விதமாக, கர்ப்பகால புகைப்படங்கள் சிலவற்றை வெளியிடுவதை வழக்கமாக வைத்துள்ளார்.

அந்த வகையில், தற்போது மிகவும் உருக்கமான கருத்துகளுடன்... தங்க நிற டவல் போன்ற உடையில், மிகவும் போல்டான மெர்டினிட்டி போட்டோ ஷூட் புகைப்படம் ஒன்றை வெளியிட, அது சமூக வலைத்தளத்தில் அதிகம் பார்க்கப்பட்டு வருகிறது.

மேலும் இந்த புகைப்படத்தை வெளியிட்டு அவர் கூறியுள்ளதாவது... 'உன்னையும் நேசி, உன் உடலையும் நேசி' என்கிற கேப்ஷன் கொடுத்துள்ளார். இந்த பதிவு வைரலாகி வருகிறது.

பாலிவுட் திரையுலகில் பல படங்களில், கவர்ச்சி வேடத்தில் நடித்து ஹார்ட் பீட்டை எகிற வைத்துள்ள பிபாஷா, தமிழில் நடிகர் விஜய் நடித்த சச்சின் படத்தில் மிகவும் முக்கிய கதாபாத்திரத்தில் நடித்திருந்தார் என்பது குறிப்பிடத்தக்கது.