- Home
- Cinema
- Thalapathy 67 update : தளபதி 67-ல் ஹீரோயினும் இல்ல.. பாட்டும் இல்லையா? முரட்டு சிங்கிளாக நடிக்கிறாரா விஜய்?
Thalapathy 67 update : தளபதி 67-ல் ஹீரோயினும் இல்ல.. பாட்டும் இல்லையா? முரட்டு சிங்கிளாக நடிக்கிறாரா விஜய்?
Thalapathy 67 update : மாநகரம், கார்த்தி நடித்த கைதி, விஜய்யின் மாஸ்டர் என ஹாட்ரிக் ஹிட் படங்களை கொடுத்த லோகேஷ் கனகராஜ் அடுத்ததாக மீண்டும் விஜய்யுடன் இணைய உள்ளாராம்.
லோகேஷின் அறிமுகம்
மாநகரம் படம் மூலம் தமிழ் திரையுலகில் இயக்குனராக அறிமுகமானவர் லோகேஷ் கனகராஜ். திரில்லர் கதையம்சம் கொண்ட இப்படம் விமர்சன ரீதியாக வரவேற்பை பெற்றதால், ரசிகர்கள் மத்தியில் முதல் படத்திலேயே கவனம் பெற்றார் லோகேஷ் கனகராஜ். இப்படம் தற்போது பாலிவுட்டில் மும்பைகார் என்ற பெயரில் ரீமேக் செய்யப்பட்டு உள்ளது.
கைதியின் வெற்றி
மாநகரம் வெற்றியை தொடர்ந்து லோகேஷ் கனகராஜ் இயக்கிய இரண்டாவது படம் கைதி. கார்த்தி ஹீரோவாக நடித்திருந்த இப்படம் பாடல்கள் மற்றும் ஹீரோயின் இன்றி உருவாக்கப்பட்டு இருந்தது. விஜய்யின் பிகில் படத்துக்கு போட்டியாக ரிலீசான இப்படம் பிளாக்பஸ்டர் வெற்றியை ருசித்தது. இப்படமும் இந்தியில் ரீமேக் செய்யப்பட்டு வருகிறது.
மாஸ்டர் மூலம் ஹாட்ரிக் ஹிட்
கைதி படத்தை பார்த்து இம்ப்ரஸ் ஆன விஜய், தனது மாஸ்டர் படத்தை இயக்கும் வாய்ப்பை லோகேஷ் கனகராஜுக்கு வழங்கினார். கொடுத்த வாய்ப்பை சரியாக பயன்படுத்திக் கொண்ட லோகேஷ் கனகராஜ், கில்லி மாதிரி சொல்லி அடித்தார். மாஸ்டர் படமும் பிளாக்பஸ்டர் ஹிட் ஆனது. இதன்மூலம் தமிழ் சினிமாவின் தவிர்க்க முடியாத இயக்குனராக உயர்ந்தார் லோகேஷ்.
அடுத்தது விக்ரம்
வரிசையாக ஹாட்ரிக் ஹிட் கொடுத்த லோகேஷ் அடுத்ததாக கமலின் விக்ரம் படத்தை இயக்கி உள்ளார். பிரம்மாண்ட பட்ஜெட்டில் தயாராகி உள்ள இப்படத்தில் விஜய் சேதுபதி, பகத் பாசில், நரேன் ஆகியோர் முக்கிய கதாபாத்திரத்தில் நடித்துள்ளனர். இப்படத்தின் ஷூட்டிங் முடிந்து ரிலீசுக்கு தயாராகி வருகிறது.
மீண்டும் விஜய்யுடன் கூட்டணி
இந்நிலையில், இயக்குனர் லோகேஷ் கனகராஜ் அடுத்ததாக விஜய்யுடன் கூட்டணி அமைக்க உள்ளதாகவும், விஜய்யின் 67-வது படத்தை அவர் இயக்க உள்ளதாகவும் கூறப்படுகிறது. மேலும் சமீபத்திய தகவல்படி இப்படம் ஹீரோயின் இல்லாமல், பாடல்கள் எதுவும் இல்லாமல் கைதி பட பாணியில் உருவாக உள்ளதாக தகவல்கள் தெரிவிக்கின்றன். விரைவில் இதுகுறித்த அறிவிப்பு வெளியாகும் என எதிர்பார்க்கப்படுகிறது.
இதையும் படியுங்கள்... Kamalhaasan new movie : விருமனும்... விருமாண்டியும் - பிக்பாஸ் விலகலுக்கு பின் கமல் அமைத்த சர்ப்ரைஸ் கூட்டணி
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.