பிப்ரவரி 20-ல் விஜய் படம் ரிலீஸ் ஆவது உறுதி... தியேட்டர்களில் குவியக் காத்திருக்கும் ரசிகர்கள்

நடிகர் விஜய் நடித்த ஜனநாயகன் திரைப்படம் பிப்ரவரி 20ந் தேதி வெளியாகும் என ரசிகர்கள் ஆவலோடு காத்திருக்கின்றனர். அன்றைய தினம் அவர்களுக்கு ஒரு இன்ப அதிர்ச்சி காத்திருக்கிறது.

Image Credit : KVN Productions

Vijay Movie Release on February 20

நடிகர் விஜய்யின் கடைசி படமான ஜனநாயகன் ரிலீஸ் ஆவதில் சிக்கல் நீடிக்கிறது. இப்படக்குழு நீதிமன்றத்தில் தொடர்ந்த வழக்குகளை வாபஸ் வாங்கியதால், தற்போது ஜனநாயகன் திரைப்படம் ரிவைசிங் கமிட்டிக்கு அனுப்பப்பட்டு உள்ளது. இதனால் பிப்ரவரி 20-ம் தேதி ஜனநாயகன் வெளியாகும் என எதிர்பார்க்கப்பட்டது. ஆனால், தற்போது வெளியாகி உள்ள லேட்டஸ்ட் தகவலின் படி ஜனநாயகன் திரைப்படம் இம்மாதம் வெளியாக வாய்ப்பில்லை என்றே கூறப்படுகிறது. இம்மாதம் ஜனநாயகன் ரிலீஸ் ஆகாவிட்டாலும் விஜய் ரசிகர்களை குஷிப்படுத்த மற்றுமொரு மாஸ் படம் திரைக்கு வருகிறது.

Image Credit : X

தெறி ரீ-ரிலீஸ்

அந்தப் படம் வேறெதுவுமில்லை விஜய்யின் தெறி. இப்படம் பிப்ரவரி 20-ம் தேதி ரீ ரிலீஸ் ஆக உள்ளதாக அறிவிக்கப்பட்டுள்ளது. இப்படத்தை கடந்த மாதம் பொங்கல் பண்டிகையை ஒட்டியே ரிலீஸ் செய்ய திட்டமிட்டு இருந்தனர். பொங்கல் ரிலீஸ் படங்களின் தயாரிப்பாளர்கள் கேட்டுக்கொண்டதால், தெறி ரீ-ரிலீஸை ஜனவ்ரி 23-ந் தேதிக்கு தள்ளி வைத்தனர். ஆனால் அப்போது வெளியாக இருந்த திரெளபதி 2 படக்குழுவினர் கேட்டுக் கொண்டதற்கு இணங்க ஜனவரி 23-ந் தேதி தெறி படம் வெளியாகாது என அறிவித்தார் அப்படத்தின் தயாரிப்பாளர் தாணு.

Image Credit : instagram

விஜய்யின் தெறி

இந்த நிலையில், அப்படத்தை இம்மாதம் 20ம் தேதி திரைக்கு கொண்டு வர உள்ளனர். 2016-ல் வெளியான தெறி படம், பத்து வருடங்கள் நிறைவடையும் தருவாயில் மறுவெளியீடு செய்யப்படுகிறது. டிசிபி விஜயகுமார் மற்றும் ஜோசப் குருவிளா ஆகிய கதாபாத்திரங்களில் விஜய் நடித்த இந்த ஆக்‌ஷன் த்ரில்லரை அட்லீ இயக்கியுள்ளார். சமந்தா, எமி ஜாக்சன் ஆகியோர் மற்ற முக்கிய வேடங்களில் நடித்திருந்தனர். தெறி ஏற்கனவே பல மொழிகளில் ரீமேக் செய்யப்பட்டுள்ளது. உலக பாக்ஸ் ஆபிஸில் தெறி படம் 158 கோடி ரூபாய் வசூலித்து இருந்தது.

Image Credit : X

அதிகரிக்கும் ரீ-ரிலீஸ்

தற்போது தமிழ் சினிமாவில் வார வாரம் புதுப்படங்கள் ரிலீஸ் ஆகிறதோ இல்லையோ, பழைய படங்கள் போட்டி போட்டு ரீ ரிலீஸ் ஆக தொடங்கி உள்ளன. குறிப்பாக நாளை காதலர் தினத்தை ஒட்டி நான்கு கிளாசிக் ஹிட் படங்கள் ரீ-ரிலீஸ் ஆக உள்ளன. அதில் ஒன்று டி ராஜேந்தர் இயக்கி நடித்த உயிருள்ளவரை உஷா திரைப்படம், மற்றொன்று, சூர்யாவின் மெளனம் பேசியது, மூன்றாவது படம் கெளதம் மேனன் இயக்கிய மின்னலே, நான்காவது படம் கதிர் இயக்கத்தில் வெளியாகி ஹிட் அடித்த காதலர் தினம். இப்படி தொடர்ச்சியாக பழைய படங்கள் ரீ-ரிலீஸ் ஆவது புதுப் படங்களின் வசூலை பாதிக்கும் என்பது குறிப்பிடத்தக்கது.