‘வாரிசு’ விஜய்யை விட மிகவும் கம்மியாக சம்பளம் வாங்கிய ‘துணிவு’ அஜித்... காரணம் என்ன?
விஜய் நடித்து வாரிசு படமும் அஜித் நடித்துள்ள துணிவு படமும் பொங்கல் ரிலீசுக்கு தயாராகி வரும் நிலையில், அந்த இரு படங்களுக்காக அவர்கள் வாங்கிய சம்பளம் குறித்த தகவல் வெளியாகி உள்ளது.
நடிகர் விஜய்யும், அஜித்தும் தமிழ்சினிமாவில் சமகால நடிகர்களாக பார்க்கப்படுகிறார். பொது வாழ்வில் இவர்கள் இருவரும் நண்பர்களாக இருந்தாலும், சினிமாவைப் பொறுத்தவரை இவர்கள் இருவரும் போட்டியாளர்கள் தான். இருவருக்கு மிகப்பெரிய அளவில் ரசிகர் பட்டாளமே உள்ளது. தற்போது விஜய் நடித்துள்ள வாரிசு படமும் அஜித் நடித்துள்ள துணிவு படமும் ஒரே நாளில் ரிலீசாக உள்ளது.
இருவரின் படங்களும் 9 ஆண்டுகளுக்கு பின்னர் ஒரே நாளில் ரிலீசாக உள்ளதால் கோலிவுட் முழுக்க இந்த படங்களைப் பற்றிய பேச்சு தான் அடிபட்டு வருகின்றன. சமீபத்தில் இந்திய சினிமாவே வியக்கும் அளவுக்கு மிகவும் பிரம்மாண்டமாக வாரிசு படத்தின் இசை வெளியீட்டு விழாவை நடத்தி மாஸ் காட்டினார் விஜய். அதற்கு போட்டியாக துணிவு பட போஸ்டரை ஸ்கை டைவிங் மூலம் வானில் பறக்கவிட்டு ரசிகர்களை மெர்சலாக்கினார் அஜித்.
இதையும் படியுங்கள்... கேப்டன் ஆகியும் நாமினேட் ஆன அமுதவாணன்! இந்தவார நாமினேஷனில் இருந்து தப்பிய ஒரே ஒரு அதிர்ஷ்டசாலி யார் தெரியுமா?
இவ்வாறு இரு நடிகர்களுக்கு இடையேயான போட்டி சூடுபிடித்துள்ள இந்த வேலையில், இருவரும் வாங்கிய சம்பள விவரம் வெளியாகி உள்ளது. அதன்படி நடிகர் விஜய் வாரிசு படத்துக்காக முதல் ரூ.120 கோடி வரை சம்பளம் வாங்கி உள்ளதாக கூறப்படுகிறது. இவருக்கு போட்டியான நடிகராக அஜித் கருதப்பட்டாலும், அவரின் சம்பளம் விஜய்யுடன் ஒப்பிடும் போது மிகவும் கம்மி தானாம்.
அதன்படி துணிவு படத்துக்காக நடிகர் அஜித் ரூ.70 கோடி சம்பளமாக வாங்கி உள்ளதாக தகவல்கள் தெரிவிக்கின்றன. அஜித் இந்த அளவு கம்மியாக சம்பளம் வாங்கியதற்கு காரணம் அவர் நேர்கொண்ட பார்வை படம் முடித்த பின் வலிமை மற்றும் துணிவு படங்களில் நடிப்பதை உறுதி செய்துவிட்டாராம். 3 ஆண்டுகளுக்கு முன்னரே இந்த படத்தின் சம்பளம் உறுதி செய்யப்பட்டுவிட்டதாம். ஆனால் தற்போது அஜித் அடுத்ததாக நடிக்க உள்ள ஏகே 62 படத்துக்காக ரூ.105 கோடி சம்பளமாக வாங்கி உள்ளார் என்பது குறிப்பிடத்தக்கது.
இதையும் படியுங்கள்... நல்ல படத்துக்கு புரமோஷனே தேவையில்லனு சொன்னீங்க... அப்போ இது என்ன? - துணிவு படத்தை வச்சு செய்யும் நெட்டிசன்கள்
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.