என்னுடைய இன்னொரு அம்மா... மாமியாரின் நெற்றியில் முத்தமிட்டு விக்னேஷ் சிவன் சொன்ன எமோஷனல் வாழ்த்து

7 ஆண்டுகளுக்கு மேலாக காதலித்து வந்த இயக்குனர் விக்னேஷ் சிவன் - நயன்தாரா ஜோடி கடந்த ஜூன் மாதம் திருமணம் செய்துகொண்டனர். மகாபலிபுரத்தில் உள்ள நட்சத்திர விடுதியில் கோலாகலமாக நடைபெற்ற இவர்களது திருமண விழாவில் ஏராளமான திரையுலக பிரபலங்கள் கலந்துகொண்டு மணமக்களுக்கு வாழ்த்துக்களை தெரிவித்தனர்.

இதையடுத்து இருவரும் ஜோடியாக கேரளாவுக்கு சென்றனர். அங்குள்ள நயன்தாராவின் குடும்பத்தினர் இவர்களுக்கு விருந்தும் வைத்தனர். அப்போது இன்னொரு தகவலும் வெளியாகி இருந்தது. நடிகை நயன்தாராவின் பெற்றோருக்கு உடல்நலம் சரியில்லாத காரணத்தால் அவர்கள் இருவரும் திருமணத்தில் கலந்துகொள்ளவில்லை, அவர்களிடம் ஆசி பெறுவதற்காக நயன் - விக்கி ஜோடி திருமணம் முடிந்ததும் கேரளா சென்றதாக கூறப்பட்டது.

இதையும் படியுங்கள்... ராஜா ராணி 2 சீரியலை விட்டு விலகியது ஏன்? பிக்பாஸ் வாய்ப்பால் இந்த முடிவா? உண்மையை ஓப்பனாக போட்டுடைத்த அர்ச்சனா

இந்நிலையில், அந்த வதந்திக்கெல்லாம் ஒரே ஒரு புகைப்படத்தின் மூலம் முற்றுப்புள்ளி வைத்துள்ளார் விக்னேஷ் சிவன். அவர் தனது திருமணத்தின் போது நடிகை நயன்தாராவின் அம்மா ஓமனா குரியனை பாசத்துடன் கட்டியணைத்து நெற்றியில் முத்தமிடுவது போன்ற புகைப்படத்தை தனது இன்ஸ்டாகிராம் பக்கத்தில் பதிவிட்டு அவருக்கு பிறந்தநாள் வாழ்த்து கூறி உள்ளார்.

அந்த பதிவில் விக்னேஷ் சிவன் குறிப்பிட்டுள்ளதாவது : “அன்புள்ள ஓமனா குரியனுக்கு இனிய பிறந்தநாள் வாழ்த்துக்கள். என்னுடைய இன்னொரு அம்மா. நான் எப்போது நேசிக்கும் பெண் அவர். அழகிய மனதுடையவர். அவர்களுக்கு நல்ல ஆரோக்யம், அமைதி, மகிழ்ச்சி மற்றும் ஆசிர்வாதத்தை வழங்குமாறு கடவுளை வேண்டிக்கொள்கிறேன்” என பதிவிட்டுள்ளார்.

இதையும் படியுங்கள்...  டுவிட்டரில் ‘ஆதித்த கரிகாலன்’ விக்ரம் உடன் சேர்ந்து ‘குந்தவை’ திரிஷா செய்த வேலையை பார்த்தீர்களா...!