Velpari: பாலிவுட் தயாரிப்பில் வேள்பாரி.! இந்திய திரையுலகையே திரும்பிப் பார்க்க வைக்கும் ஷங்கரின் அடுத்த மூவ்! ஹீரோ யார் தெரியுமா?

Velpari: பிரம்மாண்ட இயக்குநர் ஷங்கர், சு. வெங்கடேசனின் ‘வேள்பாரி’ நாவலை சுமார் 1000 கோடி ரூபாய் பட்ஜெட்டில் திரைப்படமாக எடுக்கவுள்ளார். இந்த பான்-இந்தியா படைப்பின் மூலம் ராஜமௌலியின் சாதனைகளை முறியடிக்க ஷங்கர் திட்டமிட்டுள்ளார்.

Image Credit : Google

அதிரவைக்கும் ஒரு மெகா அப்டேட்.!

பிரம்மாண்ட இயக்குநர் ஷங்கரின் திரைப்பயணத்தில் 'இந்தியன் 2' மற்றும் 'கேம் சேஞ்சர்' ஏற்படுத்திய சலசலப்புகளுக்குப் பிறகு, ஒட்டுமொத்த இந்தியத் திரையுலகையும் அதிரவைக்கும் ஒரு மெகா அப்டேட் வெளியாகியுள்ளது. தமிழின் ஆகச்சிறந்த வரலாற்றுப் புதினமான சு. வெங்கடேசனின் ‘வேள்பாரி’யைக் கையில் எடுத்திருக்கும் ஷங்கர், அதனைச் சுமார் 1000 கோடி ரூபாய் பட்ஜெட்டில் உருவாக்கத் திட்டமிட்டுள்ளார்.

Image Credit : Google

பிரம்மாண்ட முயற்சிக்குத் தோள் கொடுக்கும் ‘பென் மீடியா ஸ்டூடியோஸ்

இந்த பிரம்மாண்ட முயற்சிக்குத் தோள் கொடுக்க மும்பையின் முன்னணி நிறுவனமான ‘பென் மீடியா ஸ்டூடியோஸ்’ முன்வந்திருப்பது கோலிவுட் முதல் பாலிவுட் வரை பெரும் எதிர்பார்ப்பைக் கிளப்பியுள்ளது. 

Image Credit : Google

பாலிவுட் நட்சத்திரம் ஒருவரின் பங்களிப்பு அவசியம்

இருப்பினும், இந்த 1000 கோடி முதலீடு என்பது சாதாரணமானதல்ல என்பதால், தயாரிப்பு நிறுவனம் ஷங்கருக்குச் சில கிரிஸ்பான நிபந்தனைகளை விதித்துள்ளது. குறிப்பாக, இந்தப் படம் உலகளாவிய சந்தையைச் சென்றடைய வேண்டும் என்றால், பாலிவுட் நட்சத்திரம் ஒருவரின் பங்களிப்பு அவசியம் என வலியுறுத்தப்பட்டுள்ளது.

Image Credit : our own

பக்கா 'பான்-இந்தியா' படைப்பாக இருக்கும்.!

இதற்காக ஷங்கர், பாலிவுட் எனர்ஜி ஸ்டார் ரன்வீர் சிங்கை பாரி கதாபாத்திரத்திற்குத் தேர்வு செய்துள்ளதாகத் தகவல்கள் கசிகின்றன. அவருடன் இணைந்து சீயான் விக்ரம் முக்கிய வேடத்தில் நடிக்கவிருப்பது, இது ஒரு பக்கா 'பான்-இந்தியா' படைப்பாக இருக்கும் என்பதை உறுதிப்படுத்துகிறது.

Image Credit : our own

கலை நுணுக்கமும், கமர்ஷியல் லாபமும்.!

கடந்த சில படங்கள் விமர்சன ரீதியாகச் சறுக்கினாலும், 'வேள்பாரி' படத்தின் மூலம் தனது பழைய ஃபார்முக்குத் திரும்ப ஷங்கர் முழு வீச்சில் தயாராகி வருகிறார். 'இந்தியன் 3' பற்றிய தகவல்கள் தற்காலிகமாக மௌனம் காக்கும் வேளையில், தொழில்நுட்ப ரீதியாகவும் கதை ரீதியாகவும் ராஜமௌலியின் 'RRR' சாதனைகளை முறியடிக்கும் முனைப்பில் ஷங்கர் இந்த 'மகா சூதாட்டத்தில்' இறங்கியுள்ளார்.

கலை நுணுக்கமும், கமர்ஷியல் லாபமும் சரிவிகிதத்தில் இணையுமா? ஷங்கரின் இந்த அடுத்த 'மூவ்' தமிழ் சினிமாவின் எல்லையை உலகத் தரத்திற்கு உயர்த்துமா என்பதைப் பொறுத்திருந்துதான் பார்க்க வேண்டும்.