ரவீந்தருக்கு சிபாரிசு செய்ததே நான் தான்! முத்துக்குமரன் செம்ம கேடி.. பிரபலம் பகிர்ந்த தகவல்!

பிக் பாஸ் சீசன் 8 நிகழ்ச்சியில் கலந்து கொண்டுள்ள, ரவீந்தருக்கு சிபாரிசு செய்தது நான் தான் என்றும், மற்றொரு போட்டியாளரான முத்துக்குமரன் கேடி என வனிதா விஜயகுமார் பேட்டி ஒன்றில் கூறியுள்ளார். 

Ravinder Chandrasekar

பிக்பாஸ் சீசன் 8 நிகழ்ச்சி, அக்டோபர் 6-ஆம் தேதி பிரமாண்டமாக துவங்கியது. இந்த நிகழ்ச்சியை கமலஹாசனுக்கு பதிலாக தற்போது தொகுத்து வழங்கி வருகிறார் விஜய் சேதுபதி. பிக் பாஸ் வீட்டின் உள்ளே முதல் போட்டியாளராக தயாரிப்பாளர் ரவீந்தர் சந்திரசேகரன் நுழைந்த நிலையில், அடுத்தடுத்து சாச்சனா, தீபக், பவித்ரா ஜனனி, ஜாக்குலின், முத்துக்குமரன், அருண் பிரசாத், ஜெஃப்ரி, சௌந்தர்யா நஞ்சுட்டன், அர்னவ், அக்ஷிதா, போன்ற போட்டியாளர்கள் நுழைந்தனர்.

Bigg Boss Tamil season 8 first elimination

மொத்தம் 18 போட்டியாளர்கள் பிக்பாஸ் வீட்டுக்குள் போட்டியாளர்களாக சென்ற நிலையில்... இவர்களில் இருந்து முதல் 24 மணி நேரத்திலேயே ஹவுஸ் மேட்ஸ் நாமினேஷன் செய்து ஒரு போட்டியாளரை எலிமினேட் செய்தனர். எனவே தற்போது 17 போட்டியாளர்கள் கலந்து கொண்டு விளையாடி வருகின்றனர். சாச்சனா வெளியேறியது ரசிகர்களுக்கே மிகவும் அதிர்ச்சி தான் என்றாலும்.. இது ஒரு விளையாட்டு என்பதால் இதனை கடந்து செல்லும் சூழலிலேயே, மற்ற போட்டியாளர்களும், பிக்பாஸ் ரசிகர்களும் உள்ளது.

Bigg Boss tamil season 8 Contestant

முதல் வாரத்தின் கேப்டனாக தர்ஷிகா தேர்வான நிலையில்...  6 பேர் இந்த வார நாமினேஷனில் சிக்கி உள்ளனர். அதில் ரவீந்தர் சந்திரசேகர், முத்துக்குமரன், செளந்தர்யா, ஜாக்குலின், அருண் பிரசாத், ரஞ்சித் ஆகியோர் உள்ளனர். முதல் வாரத்தில் ரஞ்சித் அல்லது ரவீந்தர் சந்திரசேகர் வெளியேறவே அதிக வாய்ப்புள்ளதாக கூறப்படுகிறது. ரவீந்தர் சந்திரசேகரின் அதீத எடை காரணமாக பிக்பாஸ் வீட்டில் டாஸ்குகளை அவர் மிகவும் சிரமத்துடன் எதிர் கொண்டு வருவதால் அவர் இந்த வாரம் வெளியேற வாய்ப்புள்ளதாக தெரிகிறது.

Vanitha Vijayakumar

இந்நிலையில் பிக்பாஸ் நிகழ்ச்சி குறித்து, ஒவ்வொரு வருடமும் விமர்சனம் செய்து வரும் வனிதா விஜயகுமார் இந்த முறையும் வழக்கம் போல் தன்னுடைய பணியை மேற்கொண்டுள்ளார். மேலும் பிக் பாஸ் நிகழ்ச்சியில் கலந்து கொண்டுள்ள ரவீந்தருக்கு சிபாரிசு செய்தது நான் தான் என இந்தியா கிளிட்ஸ் சேனலுக்கு கொடுத்த பேட்டியில் வனிதா விஜயகுமார் கூறியுள்ளார். கடந்த இரண்டு சீசன்களாகவே அவர் பெயர் பிக்பாஸ் நிகழ்ச்சியில் அடிபட்டு வந்தது. நான் தான் அவரை சிபாரிசு செய்து உள்ளே அனுப்பினேன் என கூறியுள்ளார்.

அதே போல் இந்த முறை கலந்து கொண்டுள்ள, மற்றொரு பிக்பாஸ் போட்டியாளரான முத்துக்குமரன், ஒரு முறை தன்னை பேட்டி கொண்டுள்ளதாகவும் அவர் தன்னிடம் உங்களுக்கு எப்போது அடுத்த திருமணம்... என கேட்டு கொண்டே இருந்தார். நானும் நடக்கும் போது சொல்கிறேன் என கூறினேன். அவன் செம்ம கேடி என சிரித்து கொண்டே கிண்டல் செய்துள்ளார். இந்த வீடியோ தற்போது வைரலாகி வருகிறது.