வடம் முதல் வித் லவ் வரை... மார்ச் 06ந் தேதி தியேட்டர் & OTTயில் ஒரு டஜன் படங்கள் ரிலீஸ்

விமல் நடித்த வடம், ஏ.எல்.விஜய் இயக்கிய காதல் ரீசெட் ரிப்பீட் உள்பட இந்த வாரம் தியேட்டர் மற்றும் ஓடிடியில் என்னென்ன படங்கள் ரிலீஸ் ஆகுது என்பதை இந்த தொகுப்பில் பார்க்கலாம்.

Image Credit : X

This Week Theatre and OTT Release Movies

வார வாரம் புதுப்படங்கள் தியேட்டரில் ரிலீஸ் ஆவது வழக்கம். அந்த வகையில் வருகிற மார்ச் 6ந் தேதி தமிழில் 10 புதிய படங்கள் ரிலீஸ் ஆகிறது. இதுமட்டுமின்றி ஓடிடியில் இந்த வாரம் நான்கு தமிழ் படங்கள் ரிலீஸ் ஆகின்றன. அது என்னென்ன படங்கள், எந்தெந்த ஓடிடியில் ரிலீஸ் ஆகும் என்பதை இந்த தொகுப்பில் பார்க்கலாம்.

தியேட்டர் ரிலீஸ் படங்கள்

Image Credit : X

காதல் ரீசெட் ரிப்பீட்

ஏ.எல்.விஜய் இயக்கத்தில் அர்ஜுன் அசோகன் மற்றும் ஜியா சங்கர் நடிப்பில் உருவாகி உள்ள படம் காதல் ரீசெட் ரிப்பீட். இப்படத்திற்கு ஹாரிஸ் ஜெயராஜ் இசையமைத்துள்ளார். இது ஒரு ரொமாண்டிக் காமெடி திரைப்படம். இப்படம் வருகிற மார்ச் 6-ந் தேதி திரையரங்குகளில் ரிலீஸ் ஆக உள்ளது.

Image Credit : X

வடம்

நடிகர் விமல் நாயகனாக நடித்துள்ள திரைப்படம் வடம். இப்படத்தை கேந்திரன் இயக்கி உள்ளார். இப்படத்தில் நட்டி நட்ராஜ் வில்லனாக நடித்துள்ளார். இப்படத்திற்கு டி இமான் இசையமைத்துள்ளார். ஒளிப்பதிவு பணிகளை பிரசன்ன குமார் மேற்கொண்டுள்ளார். இப்படமும் மார்ச் 6ந் தேதி திரைக்கு வருகிறது.

Image Credit : X

முஸ்தபா முஸ்தபா

நகைச்சுவை நடிகர் சதீஷ் ஹீரோவாக நடித்துள்ள படம் முஸ்தபா முஸ்தபா. இப்படத்தில் நாயகியாக மோனிகா நடித்துள்ளார். இப்படத்தை பிரவீன் சரவணன் இயக்கி உள்ளார். விஷ்ணு ஒளிப்பதிவு செய்துள்ள இப்படத்திற்கு ஜோன்ஸ் இசையமைத்துள்ளார். இப்படம் மார்ச் 6-ந் தேதி திரைகாண உள்ளது.

Image Credit : X

தியேட்டருக்கு வரும் சிறு பட்ஜெட் படங்கள்

மேற்கண்ட படங்களுடன் 7 சிறு பட்ஜெட் படங்களும் ரிலீஸ் ஆக உள்ளன. அவை, யார்ரா அந்த பையன்.. நான் தான் அந்த பையன், வசூல் மன்னன், ஓ பட்டர்ஃபிளை, மூரி, செல்லமடா நீ எனக்கு, 99/66, அனோமி ஆகிய படங்களும் மார்ச் 6-ந் தேதி திரைக்கு வருகின்றன. இதில் வசூல் மன்னன் திரைப்படத்தில் சிறகடிக்க ஆசை சீரியலில் மனோஜாக நடிக்கும் நடிகர் ஸ்ரீதேவா ஹீரோவாக நடிக்கிறார். அதேபோல் 99-66 திரைப்படத்தில் நடிகை ரச்சிதா மகாலட்சுமி நாயகியாக நடித்துள்ளார்.

Image Credit : X

ஓடிடியில் என்னென்ன படங்கள் ரிலீஸ்?

வருகிற மார்ச் 06-ந் தேதி நான்கு தமிழ் படங்கள் ஓடிடிக்கு வருகின்றன. அதில் ஒன்று, செளந்தர்யா ரஜினிகாந்த் தயாரிப்பில் அபிஷன் ஜீவிந்த் நடித்து பிளாக்பஸ்டர் ஹிட்டான வித் லவ். அப்படம் நெட்பிளிக்ஸ் ஓடிடி தளத்தில் ரிலீஸ் ஆகிறது. இதுதவிர விஜய் சேதுபதி நடித்த மெளனப் படமான காந்தி டாக்ஸ் திரைப்படம் ஜீ 5 ஓடிடியில் ஸ்ட்ரீம் ஆக உள்ளது. மேலும் பிக்பாஸ் பிரபலம் சரவணன் நாயகனாக நடித்துள்ள டியர் ரதி திரைப்படம் சன் நெக்ஸ்ட் ஓடிடியில் ரிலீஸ் ஆக உள்ளது. இதுதவிர விஜயகுமரன் இயக்கத்தில் உருவான க்ரானி திரைப்படமும் இந்த வாரம் சன் நெக்ஸ்ட் ஓடிடியில் ரிலீஸ் ஆக இருக்கிறது.