இயக்குனர் பாலாவையே கதறி அழ வைத்த... 'வாழை' படத்தின் OTT ரிலீஸ் தேதி அறிவிப்பு!

இயக்குனர் மாரி செல்வராஜ் இயக்கத்தில் ஆகஸ்ட் 23-ஆம் தேதி வெளியான, 'வாழை' திரைப்படத்தின் ஓடிடி ரிலீஸ் தேதி குறித்த தகவலை ஹாட் ஸ்டார் நிறுவனம் அதிகார பூர்வமாக அறிவித்துள்ளது.  

Vaazhai Movie

எந்த ஒரு சினிமா பில்டப்பும் இல்லாமல், எதார்த்தமான கதைகளை இயக்கி ரசிகர்கள் மத்தியில் தனக்கென தனி இடம் பிடித்தவர் இயக்குனர் மாரி செல்வராஜ். 'பரியேறும் பெருமாள்' படத்தின் மூலம் இயக்குனராக அறிமுகமான இவருக்கு, முதல் படமே மிகப்பெரிய வெற்றி படமாக அமைந்தது. இதைத் தொடர்ந்து நடிகர் தனுஷை வைத்து மாரி செல்வராஜ் இயக்கிய 'கர்ணன்' படமும் விமரிசன ரீதியாகவும், வசூல் ரீதியாகவும் மிகப்பெரிய வெற்றி பெற்றது. அடுத்தடுத்து இரண்டு படங்களின் வெற்றியை தொடர்ந்து நடிகரும் - அரசியல்வாதியுமான உதயநிதி ஸ்டாலினின் கடைசி திரைப்படம் என அறிவிக்கப்பட்ட, 'மாமன்னன்' படத்தை இயக்கினார்.

ஆகவே சிறிய அளவிலான நடிகர் நடிகைகள் மற்றும் எளிமையான பட்ஜெட் இருந்து பல படங்கள் சூப்பர் ஹிட் படங்களாக மாறி வருகின்றது. அதற்கு மாரி செல்வராஜின் வாழை ஒரு சாட்சி. அதுமட்டுமல்ல, கடந்த வாரம் கோலிவுட்டில் வெளியான சில படங்கள், குறைந்த பட்ஜெட்டில், தயாரிப்பாளருக்கு நிறைவான வெற்றியை கொடுத்துள்ளது. அதற்கு காரணம் படத்தின் கதையே.

Vaazhai Collection Report

சில விமர்சனங்களுக்கு இந்த படம் ஆளான போதிலும், மாரி செல்வராஜ் ஹார்டிக் வெற்றியை பதிவு செய்தார். இதை தொடர்ந்து, மாரி செல்வராஜ் தன்னுடைய நான்காவது படமாக 'வாழை' படத்தை இயக்கி இருந்தார். திருநெல்வேலி மாவட்டத்தில் வாழை குலையை சுமந்து செல்லும், தாழ்த்தப்பட்ட மக்களின் வலி வேதனைகளை பேசி இருந்தது இப்படம். இப்படம் படம் மாரி செல்வராஜ், சிறு வயதில் பட்ட கஷ்டங்களை மக்களுக்கு தெரிய படுத்தும் விதத்தில் இயக்கி இருந்தார். 

Mari Selvaraj Vaazhai total collection report out

தன்னுடைய முந்தைய மூன்று படங்களிலுமே எப்படி,  ஒடுக்கப்படும் மக்களின் குரலாய் இவரது படங்கள், ஒலித்ததோ...  அதே பாணியில் தான் 'வாழை' படமும் இருந்தது. வழக்கம் போல், இவரது படம் சில ரசிகர்கள் மத்தியில், விமர்சனங்களுக்கு ஆளானாலும்... இயக்குனர் பாலா, சூரி, போன்ற பிரபலங்கள் பலர் இந்த படத்தின் கதைக்களத்தை கண்ணீர் விட்டு பாராட்டி இருந்தனர். மேலும் இப்படம் 5 கோடி பட்ஜெட்டில் எடுக்கப்பட்டு, சுமார் 15 முதல் 20 கோடி வரை வசூல் செய்தது.

Vaazhai Movie Ott Re

கலையரசன், நிகிலா விமல், திவ்யா துரைசாமி, ஆகியோர் இந்த படத்தில் நடித்திருந்தாலும் இரண்டு சிறுவர்கள் கதாபாத்திரம் தான் ரசிகர்கள் மனதை உலுக்கியது. இப்படம் வெளியாகி ஒரு மாதத்திற்கு மேல் ஆகும் நிலையில் தற்போது இந்த படத்தின் ஓடிடி ரிலீஸ் தேதியை படக்குழு அறிவித்துள்ளது. அதன்படி இப்படம், கோட் படத்திற்கு போட்டியாக... அக்டோபர் 11-ஆம் தேதி வெளியாக உள்ளது. தசராவை முன்னிட்டு இப்படம் வெளியாக உள்ளதால்... ஓடிடி ரசிகர்கள் குஷியாகி உள்ளனர்.