RRR event : ஆர்.ஆர்.ஆர் படத்திற்கும் எனக்கும் ஒரு கனெக்‌ஷன் இருக்கு... அது என்னென்னா? - மாஸாக அறிவித்த உதயநிதி

ஆர்.ஆர்.ஆர் படம் ஜனவரி மாதம் 7 ஆம் தேதி திரையரங்குகளில் ரிலீசாக நிலையில், படத்தின் புரொமோஷன் பணிகளும் தற்போது விறுவிறுப்பாக நடைபெற்று வருகிறது.

ராஜமௌலி (Rajamouli) இயக்கத்தில், ராம் சரண் (Ram Charan), ஜூனியர் என்.டி.ஆர் ( Junior NTR), ஆலியா பட் (Alia Bhatt) உள்ளிட்ட பல நட்சத்திரங்கள் இணைந்து நடித்துள்ள திரைப்படம் ஆர்.ஆர்.ஆர் (RRR). சுதந்திர போராட்ட வீரர்களின் கதையை மையமாக கொண்டு இப்படம் உருவாக்கப்பட்டு உள்ளது. 

இந்த படத்தில் ராம் சரண், ஜூனியர் என்.டி.ஆர். உடன் அஜய் தேவ்கன், சமுத்திரக்கனி, ராகுல் ராமகிருஷ்ணா, அலிசான் டூடி உள்பட ஏராளமானோர் நடித்துள்ளனர். 

பாகுபலி படத்திற்கு இசையமைத்த கீரவாணி இந்த படத்திற்கும் இசையமைத்துள்ளார். செந்தில்குமார் ஒளிப்பதிவு செய்துள்ள இப்படத்திற்கு ஸ்ரீகர் பிரசாத் படத்தொகுப்பு பணிகளை மேற்கொள்கிறார். 

ஜனவரி மாதம் 7 ஆம் தேதி இந்த படத்தை திரையரங்குகளில் ரிலீஸ் செய்ய படக்குழு திட்டமிட்டுள்ள நிலையில், படத்தின் புரொமோஷன் பணிகளும் தற்போது விறுவிறுப்பாக நடைபெற்று வருகிறது.

இந்நிலையில், இன்று சென்னையில் ஆர்.ஆர்.ஆர் படத்தின் ரிலீஸ் ஈவண்ட் நடைபெற்றது. இதில் ஆர்.ஆர்.ஆர் படக்குழுவினர் கலந்து கொண்டனர். அதேபோல் சிறப்பு விருந்தினர்களாக சிவகார்த்திகேயனும், உதயநிதியும் கலந்துகொண்டனர்.

இந்த விழாவில் உதயநிதி ஸ்டாலின் பேசுகையில், ஆர்.ஆர்.ஆர் படத்துக்கும் தனக்கு இருக்கும் ஒரு கனெக்‌ஷனை வெளியிட்டு ரசிகர்களை ஆச்சர்யப்படுத்தினார்.

அது என்னவெனில், ஆர்.ஆர்.ஆர் படத்தை தமிழகத்தில் 3 மாவட்டங்களில் உதயநிதி ஸ்டாலினின் ரெட் ஜெயண்ட் மூவீஸ் நிறுவனம் விநியோக உரிமையை கைப்பற்றி உள்ளதாக தெரிவித்தார்.