- Home
- Cinema
- Alia Bhatt: இந்திய திரையுலகை அதிர வைத்த ஆலியா பட்.. 780 கோடி முதல் 120 கோடி வரை! டாப் 5 மிரட்டல் மூவிகள்!
Alia Bhatt: இந்திய திரையுலகை அதிர வைத்த ஆலியா பட்.. 780 கோடி முதல் 120 கோடி வரை! டாப் 5 மிரட்டல் மூவிகள்!
Alia Bhatt Top 5 Movies: நடிகை ஆலியா பட் இந்தியாவில் அதிக நெட் கலெக்ஷன் செய்த அவரது டாப் 5 படங்களைப் பற்றி இங்கே பார்க்கலாம்.
ஆலியா பட் டாப் 5 கலெக்ஷன் படங்கள்
பாலிவுட்டின் முன்னணி மற்றும் மிகவும் திறமையான நடிகைகளில் ஒருவரான ஆலியா பட். இவர் சிறப்பான நடிப்பின் மூலம் பாலிவுட்டில் தனக்கென ஒரு தனி இடத்தைப் பிடித்துள்ளார். அவரது பல படங்கள் பாக்ஸ் ஆபிஸில் பட்டையை கிளப்பி வசூல் சாதனை படைத்துள்ளன. இந்தியாவில் அதிக கலெக்ஷன் செய்த அவரது டாப் 5 படங்களை பற்றி இங்கே பார்க்கலாம்.
RRR (ரூ. 782.20 கோடி)
ஆலியா பட்டின் திரைப்பயணத்திலேயே இந்திய அளவில் அதிக நெட் வசூல் செய்த திரைப்படம் என்ற பெருமை 'RRR' படத்தையே சேரும். மாஸ்டர்பீஸ் இயக்குநர் எஸ்.எஸ்.ராஜமௌலி இயக்கத்தில் வெளியான இந்தப் பிரம்மாண்ட படம், இந்திய பாக்ஸ் ஆபிஸில் மட்டும் நிகரமாக ரூ. 782.20 கோடி வசூலித்து வரலாற்றுச் சாதனை படைத்தது.
பிரம்மாஸ்திரா (ரூ. 257.44 கோடி)
இயக்குநர் அயன் முகர்ஜி இயக்கத்தில் ஃபேண்டஸி அதிரடித் திரைப்படமாக உருவான 'பிரம்மாஸ்திரா' வெளியான சமயத்தில் பாக்ஸ் ஆபிஸில் பெரும் அதிர்வலைகளை ஏற்படுத்தியது. ஆலியா பட் மற்றும் ரன்பீர் கபூர் கூட்டணியில் வெளியான இப்படம் இந்தியாவில் நிகரமாக ரூ. 257.44 கோடி வசூல் செய்தது.
ராக்கி அவுர் ராணி கி பிரேம் கஹானி (ரூ. 153.60 கோடி)
இயக்குநர் கரண் ஜோஹர் இயக்கத்தில், ஆலியா பட் மற்றும் ரன்வீர் சிங் நடிப்பில் கலர்ஃபுல்லான குடும்பக் கதையாக வெளியான திரைப்படம் 'ராக்கி அவுர் ராணி கி பிரேம் கஹானி'. இந்தத் திரைப்படம் இந்திய பாக்ஸ் ஆபிஸில் நிகரமாக ரூ. 153.60 கோடி வசூலை அள்ளியது.
கல்லி பாய் (ரூ. 140.25 கோடி)
ஆலியா பட்டின் நடிப்புத் திறமைக்கு மற்றுமொரு சான்றாக அமைந்த திரைப்படம் 'கல்லி பாய்' . இயக்குநர் ஜோயா அக்தர் இயக்கிய இந்தப் படம், இந்தியாவில் நிகரமாக ரூ. 140.25 கோடி வசூலித்து, ஆலியா பட்டின் அதிக வசூல் செய்த படங்களின் பட்டியலில் முக்கிய இடத்தைப் பிடித்தது.
கங்குபாய் கத்தியவாடி (ரூ. 129.10 கோடி)
ஆலியா பட்டிற்குச் சிறந்த நடிகைக்கான தேசிய விருதைப் பெற்றுத் தந்த திரைப்படம் 'கங்குபாய் கத்தியவாடி'. மிரட்டலான கதாபாத்திரத்தில் ஆலியா பட் நடித்த இத்திரைப்படத்தைச் சஞ்சய் லீலா பன்சாலி இயக்கியிருந்தார். பாக்ஸ் ஆபிஸில் பெரும் வரவேற்பைப் பெற்ற இப்படம் இந்தியாவில் நிகரமாக ரூ. 129.10 கோடி வசூல் செய்தது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
