- Home
- Cinema
- பத்து தல படத்துக்கு அனுமதி தர மறுத்த தமிழக அரசு... அரசின் முடிவால் கடும் அப்செட்டில் சிம்பு ரசிகர்கள்
பத்து தல படத்துக்கு அனுமதி தர மறுத்த தமிழக அரசு... அரசின் முடிவால் கடும் அப்செட்டில் சிம்பு ரசிகர்கள்
ஒபிலி என் கிருஷ்ணா இயக்கத்தில் சிம்பு நடித்துள்ள பத்து தல திரைப்படம் நாளை ரிலீஸ் ஆக உள்ள நிலையில், அப்படத்தின் சிறப்பு காட்சிக்கு அரசு அனுமதி தர மறுத்துள்ளது.
உடல் எடையை குறைத்த பின் நடிகர் சிம்பு நடித்த மாநாடு மற்றும் வெந்து தணிந்தது காடு ஆகிய திரைப்படங்கள் பிளாக்பஸ்டர் ஹிட் ஆகின. இந்த இரு படங்களின் வெற்றிக்கு பின்னர் அவர் நடிப்பில் உருவாகி உள்ள திரைப்படம் பத்து தல. இப்படத்தை ஒபிலி என் கிருஷ்ணா இயக்கி உள்ளார். இதில் நடிகர் சிம்புவுக்கு ஜோடி இல்லை. மேலும் முக்கிய கதாபாத்திரங்களில் கவுதம் கார்த்திக், பிரியா பவானி சங்கர், டிஜே அருணாச்சலம், கவுதம் மேனன் ஆகியோர் நடித்துள்ளனர்.
பத்து தல படத்துக்கு ஏ.ஆர்.ரகுமான் இசையமைத்துள்ளார். இப்படத்துக்காக அவர் இசையமைத்த அனைத்து பாடல்களும் வேறலெவலில் ஹிட் அடித்துள்ளன. கன்னடத்தில் வெளியாகி பிளாக்பஸ்டர் ஹிட் ஆன மஃப்டி என்கிற படத்தை தழுவி தான் பத்து தல படத்தை எடுத்துள்ளார் இயக்குனர் கிருஷ்ணா. மணல் கொள்ளையை மையமாக வைத்து உருவாகி இருக்கும் இப்படத்தில் ஏஜிஆர் என்கிற கேங்ஸ்டர் கதாபாத்திரத்தில் நடித்துள்ளார் சிம்பு.
இதையும் படியுங்கள்... விஜய் டிவிக்கு டாடா காட்டிவிட்டு வேறு சேனலுக்கு தாவிய மிர்ச்சி செந்தில்... அவர் நடிக்கும் புது சீரியல் அப்டேட்
பத்து தல திரைப்படம் நாளை மார்ச் 30-ந் தேதி ரிலீஸ் ஆக உள்ளது. ஏற்கனவே மாநாடு, வெந்து தணிந்தது காடு என இரண்டு பிளாக்பஸ்டர் ஹிட் படங்களை கொடுத்த சிம்பு, பத்து தல படத்தின் மூலம் ஹாட்ரிக் ஹிட் கொடுப்பார் என்கிற எதிர்பார்ப்புடன் ரசிகர்கள் ஆவலோடு காத்திருக்கின்றனர். வழக்கமாக சிம்பு படம் ரிலீஸ் ஆகிறது என்றால் இறுதி நேரம் வரை பரபரப்பு இருக்கும். அந்த பரபரப்பு தற்போதும் நிலவி வருகிறது.
சிம்பு நடித்து பிரச்சனையே இல்லாமல் ரிலீஸ் ஆன படம் என்றால் அது வெந்து தணிந்தது காடு தான். ஏனெனில் அப்படத்தை ரெட் ஜெயண்ட்ஸ் வெளியிட்டது. தற்போது பத்து தல படத்தின் ரிலீசுக்கு பிரச்சனை இல்லை என்றாலும், அப்படத்தின் சிறப்பு காட்சிக்கு தமிழக அரசு அனுமதி தர மறுத்துள்ளது. இதனால் பத்து தல படத்தின் அதிகாலை காட்சிகள் ரத்து செய்யப்பட்டு உள்ளன. அதிகாலை காட்சிக்கு அனுமதி கிடைக்காததால் 8 மணிக்கே பத்து தல படத்தின் முதல் காட்சி திரையிடப்பட வாய்ப்பு உள்ளதாக கூறப்படுகிறது. இதனால் சிம்பு ரசிகர்கள் அப்செட் ஆகி உள்ளனர்.
இதையும் படியுங்கள்... அட்ஜெஸ்மெண்ட்டுக்கு வரச்சொல்லி டார்ச்சர் பண்ணிய பிரபல நடிகை... ஷாக்கிங் தகவலை வெளியிட்ட பிக்பாஸ் நடிகர்
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.