Vijay : ஜிம் முதல் தியேட்டர் வரை... சகல வசதியும் இருக்கு! நீலாங்கரை வீட்டை விஜய் ஹாலிவுட் ஸ்டைலில் கட்டியது ஏன்?

Vijay Neelankarai House : தமிழக முதல்வர் விஜய், சென்னை நீலாங்கரையில் பிரம்மாண்ட வீட்டில் வசித்து வருகிறார். அந்த வீட்டில் என்னென்ன வசதிகள் இருக்கிறது என்பதை பார்க்கலாம்.

Image Credit : X

Vijay House

தமிழ் சினிமாவில் ஏற்ற இறக்கங்களை கடந்து, இன்று மில்லியன் கணக்கான ரசிகர்களின் இதயத்தில் இடம் பிடித்திருக்கிறார் விஜய். குழந்தை நட்சத்திரமாக வெள்ளிதிரையில் அடியெடுத்து வைத்த இவர், தந்தை எஸ்.ஏ.சந்திரசேகர் இயக்கத்தில் நாயகனாக அறிமுகமானார். அதன் பிறகு மெர்சல், பிகில், வாரிசு, லியோ போன்ற திரைப்படங்கள் மூலம் தமிழகம் தாண்டி கேரளம், ஆந்திரம், கர்நாடகம் என தென்னிந்தியா முழுவதும் தன் ரசிகர் வட்டத்தை விரிவுபடுத்தினார் விஜய். சினிமாவில் உச்ச நடிகராக வலம் வந்த விஜய், தற்போது அதிலிருந்து முற்றிலுமாக விலகி இருக்கிறார்.

அவரின் முழு கவனமும் தற்போது அரசியலில் தான் உள்ளது. கடந்த 2024-ம் ஆண்டு தமிழக வெற்றிக் கழகம் என்கிற அரசியல் கட்சியை தொடங்கிய விஜய், கடந்த ஏப்ரல் மாதம் நடந்து முடிந்த சட்டமன்ற தேர்தலில் போட்டியிட்டு, தமிழ்நாட்டின் தனிப்பெரும் கட்சியாக 108 இடங்களில் வெற்றி பெற்றது மட்டுமின்றி, தமிழ்நாட்டின் முதலமைச்சராகவும் பொறுப்பேற்றார். தற்போது விஜய்யின் தலைமையில் தமிழ்நாட்டில் ஆட்சி நடைபெற்று வருகிறது. தமிழக மக்களுக்கு தேவையான பல்வேறு திட்டங்களையும் செயல்படுத்தி வருகிறார் விஜய்.

Image Credit : our own

விஜய்யின் நீலாங்கரை வீடு

முதல்வர் விஜய், நீலாங்கரை கடற்கரை அருகே பிரம்மாண்ட வீடு கட்டி அதில் வசித்து வருகிறார். அந்த வீட்டை பற்றிய தகவல்கள், சமூக வலைதளங்களில் வைரலாகி வருகிறது. விஜய் அந்த வீட்டை ஒரு ஹாலிவுட் நடிகரின் வீட்டை போல் கட்டி இருக்கிறார் என்று சொன்னால் நம்ப முடிகிறதா... அது தான் உண்மையும் கூட. சில ஆண்டுகளுக்கு முன்பு விஜய் அமெரிக்கா சென்றிருந்தபோது, ஹாலிவுட் நட்சத்திரம் டாம் குரூஸின் பீச் ஹவுஸ் ஒன்றை கண்டு வியந்துபோனாராம். அதே வடிவமைப்பில் தன் இல்லத்தை அமைக்க முடிவு செய்த அவர். இதற்காக முன்பிருந்த கட்டிடத்தை இடித்து, புதிய வடிவில் கட்டினாராம்.

Image Credit : our own

விஜய் வீட்டில் இத்தனை வசதிகளா?

இந்த மாளிகையில் கதவுகள் முதல் விளக்குகள் வரை அனைத்தும் ரிமோட் கண்ட்ரோல் மூலம் இயங்குகின்றன. உள்ளே நுழைய பயோமெட்ரிக் அனுமதி கட்டாயம். விருந்தினர்களுக்காக தனி தங்கும் அறைகளும் உண்டு. அதுமட்டுமல்ல, மகள் ஷாஷாவிற்காக வீட்டுக்குள்ளேயே ஒரு பேட்மிண்டன் மைதானமும் அமைத்திருக்கிறார் தளபதி. மகன் சினிமாவில் ஆர்வமாக இருப்பதால் அவருக்காக வீட்டிற்குள் ஒரு மினி தியேட்டரும் வைத்து கட்டியிருக்கிறாராம் விஜய். அதேபோல் வீட்டிலேயே ஒர்க் அவுட் செய்ய தனி ஜிம்மும் இருக்கிறதாம். தற்போது இந்த கனவு மாளிகையின் மதிப்பு சுமார் 80 கோடி ரூபாய் இருக்கும் என கூறப்படுகிறது. இவ்வளவு பெரிய வீட்டை தன்னுடைய மனைவி, பிள்ளைகளுக்காக ஆசை ஆசையாய் கட்டிய விஜய், தற்போது அந்த வீட்டில் தனியாக வசித்து வருகிறார்.

Image Credit : Asianet News

தனியாக வசிக்கும் விஜய்

நடிகர் விஜய்யும் அவரது மனைவி சங்கீதாவும் தற்போது தனியாக வசித்து வருகிறார்கள். விஜய் உடன் ஏற்பட்ட கருத்து வேறுபாடு காரணமாக அவரது மனைவி சங்கீதா தற்போது லண்டனில் வசித்து வருகிறார். அவருடன் தான் அவரது மகளும் இருக்கிறார். விஜய்யின் மகன் ஜேசன் சஞ்சய் தற்போது இயக்குனராகிவிட்டதால், அவரும் படப்பிடிப்பில் பிசியாக இருக்கிறார். அதனால் விஜய் மட்டுமே தற்போது நீலாங்கரை வீட்டில் தனியாக வசிக்கிறார்.