Vijay : லக்சுரி கார்களின் ராஜா விஜய்... லெக்ஸஸ் முதல் ஸ்விஃப்ட் வரை; தளபதியின் தரமான கார் கலெக்‌ஷன் இதோ

Vijay Car Collection : முதல்வர் விஜய் கார்களின் மீது அலாதி பிரியம் கொண்டவராக இருக்கிறார். அவரிடம் உள்ள கார்களின் பட்டியலையும் அதன் விலையையும் இந்த தொகுப்பில் பார்க்கலாம்.

Image Credit : X

Vijay Car Collection

2026 சட்டமன்றத் தேர்தலில் தமிழக வெற்றிக் கழகம் (TVK) கட்சியை வெற்றிப் பாதைக்கு அழைத்துச் சென்று தமிழகத்தின் முதலமைச்சராக பொறுப்பேற்றுள்ள தளபதி விஜய், அரசியல் மட்டுமல்லாமல் ஆடம்பர கார்களின் மீதான தனது காதலாலும் கவனம் ஈர்த்து வருகிறார். கோடிக்கணக்கான ரூபாய் மதிப்புள்ள சொகுசு கார்கள் முதல் அன்றாடப் பயன்பாட்டுக்கான எளிய வாகனங்கள் வரை, அவரது கார் சேகரிப்பு பலரையும் ஆச்சரியப்படுத்துகிறது.

Image Credit : X

லெக்ஸஸ் LM 350h

விஜய்யின் கார் பட்டியலில் மிகவும் விலையுயர்ந்த வாகனமாக லெக்ஸஸ் LM 350h உள்ளது. சுமார் ரூ.2.20 கோடி முதல் ரூ.2.75 கோடி வரையிலான மதிப்புடைய இந்த அல்ட்ரா-லக்சுரி எம்பிவி, 48 அங்குல பெரிய பின்புற திரை, 23 ஸ்பீக்கர்கள் கொண்ட பிரீமியம் சவுண்ட் சிஸ்டம், நான்கு மண்டல கிளைமேட் கண்ட்ரோல், மினி ஃபிரிட்ஜ் மற்றும் தானியங்கி கதவுகள் போன்ற வசதிகளுடன் வருகிறது. 2.5 லிட்டர் ஹைப்ரிட் இன்ஜின் இதற்கு சக்தி அளிக்கிறது.

Image Credit : X

BMW i7

முழுமையாக மின்சாரத்தில் இயங்கும் BMW i7, விஜய்யின் கார் சேகரிப்பில் இடம்பெற்றுள்ள மற்றொரு பிரீமியம் வாகனம். சுமார் ரூ.2 கோடி முதல் ரூ.2.5 கோடி வரை மதிப்பிடப்படும் இந்த எலக்ட்ரிக் செடான், பெரிய தியேட்டர் ஸ்கிரீன், ஆம்பியன்ட் லைட்டிங் மற்றும் உயர் தர கேபின் அனுபவத்திற்காக அறியப்படுகிறது. 101.7 kWh பேட்டரியுடன் வரும் இந்த கார், அமைதியான மற்றும் சௌகரியமான பயணத்தை வழங்குகிறது.

Image Credit : X

டொயோட்டா வெல்ஃபயர்

சுமார் ரூ.1.19 கோடி மதிப்புடைய டொயோட்டா வெல்ஃபயர், இந்தியாவின் பிரபலங்கள் மற்றும் தொழிலதிபர்கள் மத்தியில் மிகவும் விரும்பப்படும் எம்பிவி வாகனமாகும். 2.5 லிட்டர் ஹைப்ரிட் பெட்ரோல் இன்ஜின், விசாலமான உட்புறம் மற்றும் சொகுசான இருக்கைகள் ஆகியவை இதன் சிறப்பம்சங்களாகும்.

Image Credit : X

விஜய் கார் கலெக்‌ஷன்

AUDI A8 L

ஆடி நிறுவனத்தின் முன்னணி சொகுசு செடானான A8 L, ரூ.1.34 கோடி முதல் ரூ.1.63 கோடி வரையிலான விலையில் கிடைக்கிறது. 3.0 லிட்டர் டர்போ பெட்ரோல் இன்ஜின், பல டிஜிட்டல் டிஸ்ப்ளேக்கள், பிரீமியம் சவுண்ட் சிஸ்டம் மற்றும் ஆம்பியன்ட் லைட்டிங் உள்ளிட்ட வசதிகளால் இது தனித்துவம் பெறுகிறது.

BMW 5 சீரிஸ்

ரூ.74.80 லட்சம் மதிப்புடைய BMW 5 சீரிஸ், செயல்திறன் மற்றும் சொகுசின் சிறந்த கலவையாக பார்க்கப்படுகிறது. 2.0 லிட்டர் மைல்ட்-ஹைப்ரிட் பெட்ரோல் இன்ஜினுடன் வரும் இந்த கார், நீண்ட பயணங்களிலும் வசதியான ஓட்டுநர் அனுபவத்தை வழங்குகிறது.

மினி கூப்பர் எஸ்

விஜய்யின் கார் சேகரிப்பில் ஸ்போர்ட்டியான தோற்றத்தால் தனி இடம் பிடித்திருப்பது மினி கூப்பர் எஸ். 2.0 லிட்டர் டர்போ பெட்ரோல் இன்ஜினுடன் வரும் இந்த கார், 201 bhp சக்தியை வெளிப்படுத்துகிறது. வெறும் 6.6 வினாடிகளில் 100 கி.மீ வேகத்தை எட்டும் திறன் கொண்டது. இதன் விலை ரூ.44 லட்சம் முதல் ரூ.56 லட்சம் வரை உள்ளது.

Image Credit : X

மாருதி சுசுகி ஸ்விஃப்ட்

விஜய்யின் கார் கலெக்ஷனில் மிகவும் குறைந்த விலையுடைய வாகனமாக மாருதி சுசுகி ஸ்விஃப்ட் உள்ளது. சுமார் ரூ.5.79 லட்சம் மதிப்புடைய இந்த ஹேட்ச்பேக் கார், 1.2 லிட்டர் Z-சீரிஸ் பெட்ரோல் இன்ஜினுடன் வருகிறது. எளிமை, நம்பகத்தன்மை மற்றும் அன்றாட பயன்பாட்டிற்கான வசதி காரணமாக இது இந்திய மக்களிடையே பெரும் வரவேற்பைப் பெற்றுள்ளது.

Image Credit : X

டொயோட்டா லேண்ட் குரூசர்

விஜய்யின் கார் கலெக்‌ஷனில் லேட்டஸ்டாக இணைந்துள்ள கார் தான் இந்த டொயோட்டா லேண்ட் குரூசர். அவர் முதல்வராக பதவியேற்ற பின்னர் இந்த கருப்பு நிற காரை வாங்கினார். இந்த காரின் விலை 2.25 கோடிக்கு மேல் இருக்கும் என கூறப்படுகிறது. தளபதியின் ஃபேவரைட் கார் ஆக இது மாறி உள்ளது.