The Raja Saab box office Day 2: ரூ.100 கோடியை தட்டித் தூக்கும் பிரபாஸ்.! பாக்ஸ் ஆபீஸை ஆட்டிப்படைக்கும் 'தி ராஜா சாப்.!

பிரபாஸின் 'தி ராஜா சாப்' திரைப்படம் முதல் நாளில் பிரம்மாண்ட வசூலைப் பெற்றாலும், இரண்டாம் நாளில் சிறிய சரிவைச் சந்தித்தது. இருந்த போதிலும் கலவையான விமர்சனங்களுக்கு மத்தியிலும் பிரபாஸின் நட்சத்திர செல்வாக்கை மீண்டும் நிரூபித்துள்ளது இந்தப்படம்.

Image Credit : Film Scene

பிரபாஸ் படம் மீண்டும் வசூல் சாதனை

இந்தியத் திரையுலகின் 'பாக்ஸ் ஆபீஸ் சுல்தான்' என்று அழைக்கப்படும் பிரபாஸ், மீண்டும் ஒருமுறை தனது வசூல் வலிமையை நிரூபித்துள்ளார். பெரும் எதிர்பார்ப்புகளுக்கு மத்தியில், சுமார் 400 கோடி ரூபாய் பிரம்மாண்ட பட்ஜெட்டில் உருவான 'தி ராஜா சாப்' திரைப்படம் கடந்த வெள்ளிக்கிழமை உலகமெங்கும் வெளியானது. ஹாரர்-காமெடி பாணியில் உருவான இந்தப் படம், முதல் நாளிலேயே அதிரடி வசூலைப் பெற்று சினிமா வர்த்தக உலகை வியப்பில் ஆழ்த்தியது. இதோ, இந்தப் படத்தின் இரண்டாம் நாள் வசூல் மற்றும் தற்போதைய நிலை குறித்த ஒரு முழுமையான பார்வை.

Image Credit : Film Scene

இரண்டாம் நாளில் ஒரு சிறு சரிவு - வசூல் நிலவரம்

வெளியான முதல் நாளில் இந்தியா முழுவதும் ரூ.53.75 கோடி வசூலித்து மாபெரும் தொடக்கத்தைப் பெற்ற 'தி ராஜா சாப்', இரண்டாம் நாளான சனிக்கிழமை ஒரு குறிப்பிடத்தக்க சரிவைச் சந்தித்தது. இரண்டாம் நாளில் இந்திய அளவில் இதன் வசூல் ரூ.27.83 கோடி ஆக பதிவாகியுள்ளது. ஆயினும், இரண்டு நாட்களின் மொத்த இந்திய நிகர வசூல் ரூ.90.73 கோடி எட்டியுள்ளது. இதன் மூலம் இந்தப் படம் மிக எளிதாக 100 கோடி ரூபாய் மைல்கல்லை எட்டும் என்று எதிர்பார்க்கப்படுகிறது.

Image Credit : instagram

உலகளாவிய சாதனை

இந்தியாவைத் தாண்டி சர்வதேச சந்தையிலும் பிரபாஸின் செல்வாக்கு குறையவில்லை. வெளிநாடுகளில் மட்டும் சுமார் ரூ.30 கோடி வசூலைப் பெற்றுள்ள இந்தப் படம், இரண்டு நாட்களின் முடிவில் உலக அளவில் மொத்தம் ரூ.138.4 கோடி மொத்த வசூலைஈட்டி சாதனை படைத்துள்ளது.

தி ராஜா சாப்' திரைப்படம் ஒரு பான்-இந்தியா படைப்பாக பல மொழிகளில் வெளியானாலும், அதன் வசூல் வேட்டைக்குத் தெலுங்குத் திரையுலகமே முதுகெலும்பாகத் திகழ்கிறது. இரண்டாம் நாள் வசூலில் மட்டும் தெலுங்கு பதிப்பு சுமார் ரூ.22.38 கோடி ஈட்டி, இரண்டு நாட்களில் மொத்தம் ரூ.78.68 கோடி என்ற பிரம்மாண்ட நிலையை எட்டியுள்ளது. இதற்கு நேர்மாறாக, இந்தி பதிப்பு இரண்டு நாட்களில் ரூ.11.20 கோடியும், தமிழ் பதிப்பு ரூ.55 லட்சமும் மட்டுமே வசூலித்துள்ளன. கன்னடம் மற்றும் மலையாள மொழிகளில் வசூல் முறையே ரூ.16 லட்சம் மற்றும் ரூ.14 லட்சம் என மிகக் குறைவாகவே உள்ளது. இந்தத் தரவுகளின்படி, தெலுங்கு ரசிகர்கள் இந்தப் படத்தைக் கொண்டாடி வரும் வேளையில், மற்ற மொழிகளில் படம் மெதுவான வேகத்திலேயே நகர்கிறது என்பது தெளிவாகிறது. 

Image Credit : instagram

விமர்சனப் பார்வையும் சவால்களும்

வசூல் ரீதியாகப் படம் முன்னேறினாலும், விமர்சகர்கள் மத்தியில் இந்தப் படம் கடுமையான சவால்களைச் சந்தித்து வருகிறது. 400 கோடி ரூபாய் பட்ஜெட்டில் உருவாக்கப்பட்டிருந்தாலும், திரைக்கதையில் இன்னும் கூடுதல் தெளிவு இருந்திருக்கலாம் என்பது பலரது கருத்து. குறிப்பாக, கதை ஒரு ஜானரிலிருந்து மற்றொரு ஜானருக்குத் திடீர் திடீரென மாறுவது ரசிகர்களிடையே சலசலப்பை ஏற்படுத்தியுள்ளது. இருப்பினும், பிரபாஸின் 'மாஸ்' அந்தத் குறைகளை மறைத்து வசூலை வாரி குவித்து வருகிறது.

கலவையான விமர்சனங்கள் ஒருபுறம் இருந்தாலும், பிரபாஸ் என்ற ஒற்றைப் பெயருக்காகவே மக்கள் திரையரங்குகளை நோக்கிப் படையெடுத்து வருகின்றனர். வார இறுதி விடுமுறையான ஞாயிற்றுக்கிழமை முடிவில் இந்தப் படம் மிகப்பெரிய வசூல் சாதனையைப் படைக்கும் என எதிர்பார்க்கப்படுகிறது. 'தி ராஜா சாப்' வசூல் ராஜா என்பதை மீண்டும் ஒருமுறை நிரூபித்து வருகிறான்!