நிர்வாகிகள் காலில் விழும் வீடியோவால் டென்ஷன் ஆன விஜய்... புஸ்ஸி ஆனந்தை நேரில் அழைத்து தளபதி கொடுத்த வார்னிங்!

நடிகர் விஜய் கடந்த ஞாயிற்றுக்கிழமை தனது ரசிகர்களை சந்தித்தார். சென்னை பனையூரில் உள்ள அவரது அலுவலகத்தில் இந்த சந்திப்பு நிகழ்ந்தது. அப்போது அவரைக் காண குவிந்திருந்த ரசிகர்களுடன் சிறிது நேரம் கலந்துரையாடிய விஜய், அதன்பின்னர் அவர்களுடன் புகைப்படங்கள் எடுத்துக்கொண்டார்.

ரசிகர்களுடனான நடிகர் விஜய்யின் இந்த திடீர் சந்திப்பு அரசியல் வட்டாரத்திலும் சலசலப்பை ஏற்படுத்தியது. ஏனெனில் நடந்து முடிந்த உள்ளாட்சி தேர்தலில் விஜய் மக்கள் இயக்கத்தினர் பல்வேறு இடங்களில் வெற்றி வாகை சூடி பரபரப்பை ஏற்படுத்தினர். இந்த வெற்றி நடிகர் விஜய்யின் அரசியல் பிரவேசத்தின் ஆரம்பம் என்றெல்லாம் அந்த சமயத்தில் கூறப்பட்டு வந்தது. 

இதையும் படியுங்கள்... சிங்கப்பூர் அதிபரின் இறுதிச் சடங்கில் ஒலித்த தேவாவின் பாட்டு... பலரும் அறிந்திடாத ஆச்சர்ய தகவலை சொன்ன ரஜினி

தற்போது வாரிசு படத்துக்கு பிரச்சனை ஏற்பட்டுள்ள நிலையில், தன் பலத்தை காட்ட தான் விஜய் இப்படி ஒரு கூட்டத்தை நடத்தியதாகவும் ஒரு பக்கம் தகவல் பரவி வர, மறுபுறம் விஜய் மக்கள் இயக்க தலைமை நிர்வாகியான புஸ்ஸி ஆனந்த், இந்த கூட்டத்தின் போது தன்னை வரவேற்க வந்த நிர்வாகிகளை தன் காலில் விழ வைத்த வீடியோ காட்சிகள் வெளியாகி பரபரப்பை ஏற்படுத்தியது.

நடிகர் விஜய் அரசியலில் எண்ட்ரி கொடுக்கும்பட்சத்தில் அவரிடம் சீட் வாங்குவதற்காக புஸ்ஸி ஆனந்தின் உதவியும் தேவைப்படும் என்பதால் நிர்வாகிகள் இவ்வாறு செய்ததாக் கூறப்பட்டது. சமூக வலைதளங்களில் வைரலாக பரவிய இந்த வீடியோவை பார்த்து நடிகர் விஜய் டென்ஷனாகிப் போனாராம். வீடியோ பார்த்த உடன் புஸ்ஸி ஆனந்தை நேரில் அழைத்து விஜய் வார்னிங் கொடுத்ததாகவும் கூறப்படுகிறது. 

இதையும் படியுங்கள்... நாமினேஷனில் சிக்காமல் தப்பித்து வந்தவரை பிளான் போட்டு மாட்டிவிட்ட ஹவுஸ்மேட்ஸ்.. அப்போ இந்தவார எலிமினேஷன் இவரா?