ஓடிடியில் அதிக வியூஸ் அள்ளி கெத்துகாட்டிய டாப் 5 படங்கள் மற்றும் வெப் தொடர்கள் என்னென்ன?

ஓடிடியில் அதிக பார்வைகளை பெற்ற டாப் 5 திரைப்படங்கள் மற்றும் வெப் தொடர்களின் பட்டியலை ஓர்மேக்ஸ் தளம் வெளியிட்டு உள்ளது. அதனைப் பற்றி பார்க்கலாம்.

Image Credit : instagram

Top 5 Most Watched Movies and Web Series

உலகில் எந்த மொழியில் வெளிவந்த படமாக இருந்தாலும் அதை வீட்டில் இருந்தபடியே பார்க்கும் வசதியை கொண்டு வந்தது ஓடிடி தளங்கள் தான். இதனால் அதன் மீதான கிரேஸ் ரசிகர்கள் மத்தியில் நாளுக்கு நாள் அதிகரித்த வண்ணம் உள்ளது. ஓடிடியில் விஸ்வரூப வளர்ச்சியால் தியேட்டருக்கு சென்று படம் பார்ப்போர் எண்ணிக்கை கணிசமாக குறைந்திருக்கிறது. இது பெரிய நடிகர்களின் படங்களில் தாக்கத்தை ஏற்படுத்தாவிட்டாலும், சிறு பட்ஜெட் படங்களுக்கு பெரும் சவாலாக இருந்து வருகிறது. இந்த நிலையில், ஓடிடியில் கடந்த வாரம் அதிகம் பார்க்கப்பட்ட படங்கள் மற்றும் வெப் தொடர்களின் பட்டியல் வெளியாகி உள்ளது.

Image Credit : Asianet News

டாப் 5 படங்கள்

ஓடிடியில் அதிக வியூஸ் அள்ளிய டாப் 5 படங்கள் பட்டியலில் ஐந்தாவது இடத்தில் பவன் கல்யாணின் ஹரிஹர வீர மல்லு திரைப்படம் உள்ளது. அமேசான் பிரைம் வீடியோவில் ஸ்ட்ரீம் ஆகி வரும் இப்படம் கடந்த வாரம் மட்டும் 20 லட்சம் வியூஸ்களை பெற்றிருக்கிறது. இதற்கு அடுத்தபடியாக மா என்கிற இந்திப் படம் உள்ளது. கஜோல் நடிப்பில் உருவான மா திரைப்படம் நேரடியாக நெட்பிளிக்ஸ் ஓடிடி தளத்தில் வெளியான நிலையில், அப்படம் கடந்த வாரத்தில் மட்டும் 22 லட்சம் பார்வைகளை பெற்று நான்காம் இடத்தில் உள்ளது.

Image Credit : X//thinkmusicindia

அதிக வியூஸ் அள்ளிய தமிழ் படங்கள்

இந்தப் பட்டியலில் நடிகர் விஜய் ஆண்டனி நடித்த மார்கன் திரைப்படம் மூன்றாம் இடத்தை பிடித்திருக்கிறது. இப்படம் ஜியோ ஹாட்ஸ்டார் ஓடிடி தளத்தில் ஸ்ட்ரீம் ஆகி வரும் நிலையில், கடந்த வாரத்தில் மட்டும் இப்படத்திற்கு 24 லட்சம் வியூஸ் கிடைத்துள்ளது. இதற்கு அடுத்தபடியாக இரண்டாவது இடத்தையும் தமிழ் படம் தான் ஆக்கிரமித்து உள்ளது. அது வேறெதுவுமில்லை, மக்கள் செல்வன் விஜய் சேதுபதி ஹீரோவாக நடித்த தலைவன் தலைவி தான். பாண்டிராஜ் இயக்கிய இப்படம் அமேசான் பிரைம் வீடியோவில் ஸ்ட்ரீம் ஆகி வருகிறது. இப்படத்திற்கு கடந்த வாரத்தில் 26 லட்சம் வியூஸ் கிடைத்திருக்கிறது.

Image Credit : Asianet News

முதலிடம் யாருக்கு?

அதிக வியூஸ் அள்ளிய படங்களின் பட்டியலில் முதலிடத்தை கிங்டம் திரைப்படம் தட்டிதூக்கி இருக்கிறது. விஜய் தேவரகொண்டா ஹீரோவாக நடித்த இப்படத்தில் அவருக்கு ஜோடியாக பாக்கியஸ்ரீ போர்ஸ் நடித்திருக்கிறார். இப்படத்தை கெளதம் இயக்கி இருந்தார். இப்படத்திற்கு அனிருத் இசையமைத்து இருந்தார். நெட்பிளிக்ஸ் ஓடிடி தளத்தில் ஸ்ட்ரீம் ஆகி வரும் இப்படம், கடந்த வாரத்தில் மட்டும் 28 லட்சம் பார்வைகளைப் பெற்று முதலிடத்தை பிடித்துள்ளது.

Image Credit : Jiohotstar

ஓடிடியில் அதிக வியூஸ் அள்ளிய வெப் தொடர்கள்

அதிக பார்வைகளை பெற்ற டாப் 5 வெப் தொடர்கள் பட்டியலில் Sena என்கிற வெப் தொடர் 5ம் இடத்தில் உள்ளது. அமேசான் எம்.எக்ஸ் பிளேயரில் ஸ்ட்ரீம் ஆகும் இந்த வெப் தொடர் 12 லட்சம் பார்வைகளை பெற்றிருக்கிறது. ஜியோ ஹாட்ஸ்டாரில் ஸ்ட்ரீம் ஆகும் சலாகார் வெப் தொடர் 13 லட்சம் வியூஸ் உடன் நான்காம் இடத்தில் உள்ளது. நெட்பிளிக்ஸில் ஸ்ட்ரீம் ஆகும் தி கிரேட் இந்தியன் கபில் ஷோ நிகழ்ச்சி 18 லட்சம் பார்வைகளுடன் மூன்றாம் இடத்தில் உள்ளது. Saare Jahan Se Accha என்கிற இந்தி வெப் தொடர், நெட்பிளிக்ஸில் 26 லட்சம் வியூஸ் உடன் இரண்டாம் இடத்தில் உள்ளது. அமேசான் பிரைமில் உள்ள Half CA வெப் தொடரின் இரண்டாவது சீசன் 35 லட்சம் வியூஸ் உடன் முதலிடத்தில் உள்ளது.