தீயாய் பரவிய வதந்தி.! சட்டுபுட்டுனு சர்வானந்த் - ரக்ஷிதா ரெட்டி திருமண தேதியை அறிவித்த குடும்பத்தினர்!

தெலுங்கு நடிகர் சர்வானந்த் நிச்சயதார்த்தம் முடிந்து, சில மாதங்கள் ஆன பிறகும் திருமண தேதி அறிவிக்கப்படாததால், இவருடைய திருமணம் நின்று போனதாக வதந்தி பரவிய நிலையில் தற்போது அவருடைய குடும்பத்தினர், சர்வானந்த் - ரக்ஷிதா ரெட்டி திருமண தேதியை அதிகாரப்பூர்வமாக அறிவித்துள்ளனர். 

தமிழ் மற்றும் தெலுங்கில் நடித்த பிரபலமான நடிகர் சர்வானந்த். இவருக்கும் ஐடி துறையில் வேலை செய்து வரும், இவரின் காதலி ரக்ஷிதா ரெட்டி என்பவருக்கும், கடந்த ஜனவரி மாதம் மிகப்பிரமாண்டமாக திருமண நிச்சயதார்த்தம் நடந்து முடிந்தது.

இவர்களின் திருமண நிச்சயதார்த்தத்தில், தெலுங்கு திரையுலகை சேர்ந்த ராம் சரண், அவரின் மனைவி உபாசனா, ராணா, சிரஞ்சீவி, அவரின் மனைவி, சித்தார்த், அதிதி ராவ், உள்ளிட்ட ஏராளமான பிரபலங்கள் கலந்து கொண்டு சிறப்பித்தனர்.

சர்வானந்த் திருமண நிச்சயதார்த்தம் முடிந்து, மூன்று மாதங்களுக்கு மேல் ஆன பிறகும், திருமணம் குறித்த எந்த ஒரு அறிவிப்பும் வெளியாகாத நிலையில், சர்வானந்த் மற்றும் அவருடைய காதலி ரக்ஷிதா ரெட்டியின் திருமணம் நின்று விட்டதாக சில வதந்திகள் பரவுது தொடங்கியது. இதற்க்கு சர்வானந்த் தரப்பில் இருந்து அவருடைய நண்பர் ஒருவர், தற்போது சர்வானந்த், ஸ்ரீராம் ஆதித்யாவுடன் தனது வரவிருக்கும் படத்தின் படப்பிடிப்பில் பிஸியாக இருக்கிறார். ஒரு மாதம் இந்த படத்தின் படப்பிடிப்பிற்காக லண்டலின் இருந்த அவர் தற்போது தான் வந்துள்ளார்.

எனவே கூடிய விரைவில், அவருடைய குடும்பத்தினர் திருமணம் தேதி குறித்து முடிவு செய்து அறிவிப்பை வெளியிடுவார்கள் என்றும், இது போல் பரவும் வதந்திகளை நம்ப வேண்டாம் என கேட்டுக்கொண்டார்.

இதைத்தொடர்ந்து, தற்போது சர்வானந்த் மற்றும் ரக்ஷிதா ரெட்டியின் திருமண தேதி அறிவிக்கப்பட்டுள்ளது. அதன்படி இவர்களுடைய திருமணம் ஜெய்ப்பூரில் உள்ள லீலா பேலஸில் ஜூன் மூன்றாம் தேதி நடைபெற உள்ளதாக தெரிவித்துள்ளனர். இதன் மூலம் சமூக வலைத்தளத்தில் தீயாக பரவி வந்த வதந்திக்கும் முற்றுப்புள்ளி வைக்கப்பட்டுள்ளது.

சர்வானந்த் திருமணம் செய்து கொள்ள உள்ள ரக்ஷிதா ரெட்டி, ஐடி துறையை சேர்ந்தவர் என்பதை தாண்டி... தெலுங்கு தேசம் கட்சி அரசியல்வாதி போஜல கோபாலகிருஷ்ணா ரெட்டியின் பேத்தி ஆவர். இவரது தந்தை மதுசூதனன் உயர் நீதிமன்ற வழக்கறிஞராக உள்ளார் என்பது குறிப்பிடத்தக்கது.

இவர்களுடைய திருமணம், அடுத்த மாதம் நடைபெற உள்ள நிலையில் திருமணத்திற்கான முன்னேற்பாடுகள் தற்போது தீவிரமடைந்து வருகிறது. விரைவில் இவர்களுடைய திருமண பத்திரிக்கையும் வெளியாகும் என கூறப்படுகிறது. திருமண நிச்சயதார்த்தமே மிகப் பிரமாண்டமாக நடந்த நிலையில், அதை விட பல மடங்கு பிரமாண்டமாக திருமணத்தை நடத்த சர்வானந்த் மற்றும் ரக்ஷிதா ரெட்டி குடும்பத்தினர் முடிவு செய்துள்ளதாக கூறப்படுகிறது.