விஜய்யின் அரசியல் பிரச்சாரத்திற்காக அசுர வேகத்தில் நடக்கும் தளபதி 69 ஷூட்டிங், எப்போ முடியும் தெரியுமா?

Thalapathy 69 Shooting : வரும் 2025 ஆம் ஆண்டு விஜய் அரசியல் பிரச்சாரம் மேற்கொள்ள உள்ள நிலையில் தளபதி 69 படத்தை விரைந்து முடிக்க படக்குழுவினர் திட்டமிட்டுள்ளதாக கூறப்படுகிறது.

Thalapathy 69 Shooting

Thalapathy 69 Shooting : தளபதி விஜய்யின் அரசியல் மாநாடு தான் தற்போது தமிழகத்தில் ஹாட் டாப்பிக். இந்த மாநாட்டில் விஜய் பேசியது அரசியல் வட்டாரத்தில் பேசு பொருளாக மாறியுள்ளது. மேலும், தமிழகத்தில் ஒரு மாற்றத்தை கொண்டு வரும் என்று இளைஞர்கள் மத்தியில் ஆணிவேராக உருவெடுத்துள்ளது. அரசியலில் களமிறங்கிய நிலையில் தளபதி 69 படத்தை விரைந்து முடிக்க படக்குழுவினர் தீவிரமாக இறங்கியுள்ளனர்.

Thalapathy Vijay, Thalapathy 69 Shooting Wrap

இயக்குநர் ஹெச் வினோத் இயக்கத்தில் விஜய் தனது கடைசி படமான தளபதி 69 படத்தில் நடித்து வருகிறார். தளபதி 69 படத்தின் படப்பிடிப்பு ஏற்கனவே பூஜையுடன் தொடங்கி விறுவிறுப்பாக நடைபெற்று வருகிற்து. கேரளாவில் நடைபெற்ற முதல்கட்ட படப்பிடிப்பைத் தொடர்ந்து தற்போது சென்னையில் அடுத்தகட்ட படப்பிடிப்பு நடைபெற்று வருகிறது.

Thalapathy Vijay TVK Maanaadu

முழுக்க முழுக்க அரசியல் கதையை மையப்படுத்திய இந்தப் படம் ஆக்‌ஷன் த்ரில்லரில் உருவாகி வருகிறது. இந்தப் படத்தில் விஜய்யின் அரசியல் வசனங்கள் இடம் பெறும் என்று எதிர்பார்க்கப்படுகிறது. இது விஜய்யின் அரசியல் பயணத்திற்கு ஒரு ஆயுதமாக இருக்கும் என்று கூறப்படுகிறது. 2026ல் தமிழகத்தில் சட்டமன்ற தேர்தல் நடைபெற உள்ள நிலையில் தளபதி 69 படம் 2025ஆம் ஆண்டு திரைக்கு வர இருக்கிறது. சட்டமன்ற தேர்தலுக்கான அரசியல் பிரச்சாரத்தை பேசும் படமாக தளபதி 69 இருக்கும் என்று சொல்லப்படுகிறது.

Thalapathy69 to be wrapped up by April

தளபதி 69 படத்தில் விஜய்யுடன் இணைந்து பூஜா ஹெக்டே, கவுதம் வாசுதேவ் மேனன், பிரகாஷ் ராஜ், நரைன், பாபி தியோல், மோனிஷா பிளெசி, மமிதா பைஜூ, பிரியாமணி ஆகியோர் பலர் நடித்து வருகின்றனர். கேவிஎன் புரோடக்‌ஷன்ஸ் நிறுவனம் தயாரிக்கிறது. அனிருத் இந்தப் படத்திற்கு இசையமைக்கிறரர். தமிழக வெற்றிக் கழகத்தின் தலைவர் தளபதி விஜய் வரும் 2025 ஆம் ஆண்டு மாவட்டந்தோறும் பிரச்சாரம் மேற்கொள்ளும் நிலையில் தளபதி 69 படத்தை முன்கூட்டியே முடிக்க படக்குழுவினர் திட்டமிட்டுள்ளனர்.

Thalapathy 69 Movie

அதுவும் இன்னும் 3 மாதங்களில் படத்தை முடிக்க இருப்பதாக கூறப்படுகிறது. இந்தப் படத்தில் விஜய்க்கு சம்பளமாக ரூ.275 கோடியும், பூஜா ஹெக்டேவிற்கு ரூ.6 கோடியும் கொடுக்கப்பட்டுள்ளதாக கூறப்படுகிறது. விஜய்யின் கடைசி படம் என்பதால் இந்தப் படம் ரூ.1000 கோடி வசூல் குவித்த சாதனை படங்களின் பட்டியலில் இடம் பெறும் என்று எதிர்பார்க்கப்படுகிறது.