Suriya : கருப்பு ஹிட்டுக்கு பின் பிரம்மாண்ட படத்தில் கமிட்டான சூர்யா... இயக்கப்போவது யார் தெரியுமா?

Suriya Next Movie : கருப்பு படத்தின் மாபெரும் வெற்றிக்கு பின்னர் நடிகர் சூர்யா நடிக்க உள்ள புதிய படத்தை ஹோம்பாளே பிலிம்ஸ் நிறுவனம் தயாரிக்க உள்ளதாக அறிவிப்பு வெளியாகி உள்ளது.

Image Credit : X

Suriya Next Film

தமிழ் திரையுலகில் இந்த ஆண்டு அதிக வசூல் அள்ளிய படம் என்றால் அது சூர்யாவின் கருப்பு தான். அந்த மாபெரும் வெற்றிப் படத்துக்கு பின்னர் சூர்யாவுக்கு பட வாய்ப்புகள் குவிந்த வண்ணம் உள்ளன. அந்த வகையில் கேஜிஎஃப், காந்தாரா போன்ற தொடர் பிளாக்பஸ்டர் படங்கள் மூலம் இந்திய சினிமாவையே திரும்பிப் பார்க்க வைத்த தயாரிப்பு நிறுவனம் ஹோம்பாளே ஃபிலிம்ஸ் நிறுவனம் தான் சூர்யாவின் அடுத்த படத்தை தயாரிக்க உள்ளது. இந்த நிறுவனம் தற்போது அதனை அதிகாரப்பூர்வமாக அறிவித்து உள்ளது.

Image Credit : X

இயக்குநர் யார்?

சூர்யா நடித்த 'ஜெய் பீம்', ரஜினிகாந்த் நடித்த 'வேட்டையன்' ஆகிய படங்களை இயக்கிய டி.ஜே. ஞானவேல் தான் இந்தப் படத்தையும் இயக்கப் போகிறார். இந்தப் படத்தில் கயாடு லோஹர் ஹீரோயினாக நடிக்கிறார். சாய் அபயங்கர் இசையமைக்கிறார். எஸ்.ஏ. கதிர் ஒளிப்பதிவாளராகவும், ஃபிலோமின் ராஜ் எடிட்டராகவும் பணியாற்றுகின்றனர். தொடர் தோல்விகளுக்குப் பிறகு, சூர்யா மீண்டும் வெற்றிப் பாதைக்குத் திரும்பியுள்ளார். ஆர்.ஜே. பாலாஜி இயக்கத்தில் தியேட்டர்களில் வெளியான சூர்யாவின் 'கருப்பு' என்ற படம் மிகப்பெரிய வெற்றி பெற்றது. இந்தப் படம் 300 கோடி கிளப்பில் இடம்பிடித்தது.

Image Credit : X

சூர்யா கைவசம் உள்ள படங்கள்

ஹோம்பாளே ஃபிலிம்ஸ் படத்திற்கு முன்பு, சூர்யாவின் நடிப்பில் மேலும் இரண்டு முக்கிய படங்கள் வெளியாக உள்ளன. 'லக்கி பாஸ்கர்', 'வாத்தி' போன்ற படங்களை இயக்கிய வெங்கி அட்லூரி ஒரு படத்தை இயக்குகிறார். அந்தப் படத்திற்கு 'விஸ்வநாத் அண்ட் சன்ஸ்' என்று பெயரிடப்பட்டுள்ளது. இதில் மமிதா பைஜு ஹீரோயினாகவும், ராதிகா சரத்குமார் ஒரு முக்கிய கதாபாத்திரத்திலும் நடிக்கின்றனர். இந்தப் படத்தின் புரொமோஷனல் மெட்டீரியல்கள் ரசிகர்கள் மத்தியில் நல்ல வரவேற்பைப் பெற்றுள்ளன. இதற்குப் பிறகு, 'ஆவேஷம்' பட இயக்குநர் ஜித்து மாதவன் இயக்கத்தில் சூர்யா ஒரு படத்தில் நடிக்கிறார். இந்தப் படத்தில் நஸ்ரியா மற்றும் நஸ்லென் முக்கிய கதாபாத்திரங்களில் நடிக்கின்றனர். சுஷின் ஷ்யாம் இசையமைக்கிறார்.

Image Credit : our own

எகிறும் எதிர்பார்ப்பு

ஹோம்பாளே ஃபிலிம்ஸ் தயாரிப்பில் கடைசியாக 'காந்தாரா: சாப்டர் 1' திரைப்படம் திரையரங்குகளில் வெளியானது. பிரசாந்த் நீல் மற்றும் ரக்‌ஷித் ஷெட்டி இயக்கும் படங்கள் உட்பட பல திரைப்படங்கள் ஹோம்பாளே ஃபிலிம்ஸ் தயாரிப்பில் அடுத்தடுத்து வெளியாக இருக்கின்றன. அந்த லிஸ்ட்டில் லேட்டஸ்டாக சூர்யா படமும் இணைந்துள்ளது. ஏற்கனவே சூர்யா, ஞானவேல் கூட்டணியில் வெளிவந்த ஜெய் பீம் படம் நேரடியாக ஓடிடியில் வெளியாகி மாபெரும் வரவேற்பை பெற்றது. அதனால் இந்த படத்துக்கும் மிகப்பெரிய அளவில் எதிர்பார்ப்பு உருவாகி உள்ளது.