தங்கலான் - கங்குவா; இந்த படங்களின் காம்போ உருவாக வாய்ப்பு இருக்கா? சூர்யா சொன்ன பதில் என்ன?

தமிழ் சினிமா வரலாற்றில் இதுவரை யாரும் கையாண்டிராத ஒரு புதிய கதைகளத்தோடு நாளை நவம்பர் 14ஆம் தேதி உலக அளவில் சுமார் 11 ஆயிரத்து 500 திரையரங்குகளில் சூர்யாவின் கங்குவா திரைப்படம் வெளியாகிறது. சிறுத்தை சிவா இந்த திரைப்படத்தை இயக்குகிறார், சுமார் 450 கோடி ரூபாய்க்கு மேல் மெகா பட்ஜெட்டில் இந்த திரைப்படம் உருவாகி இருக்கிறது. நடிகர் சூர்யாவின் திரை வரலாற்றிலேயே இவ்வளவு பெரிய பட்ஜெட்டில் உருவாகும் முதல் திரைப்படம் இதுவென்றால் அது மிகையல்ல. பிரபல ஸ்டுடியோ கிரீன் நிறுவனத்தின் சார்பில் ஞானவேல் ராஜா இந்த திரைப்படத்தை தயாரித்துள்ளார். தமிழகத்தில் அதிகாலை 4 மணி காட்சிகளுக்கு அனுமதி அளிக்கப்பட்டுள்ள நிலையில், கேரளா மற்றும் தமிழகத்தில் கங்குவா திரைப்படத்திற்கான புக்கிங் பெரிய அளவில் நடந்து வருகிறது.

'அமரன்' ஓடிடி ரிலீசுக்கு வந்த புதிய சிக்கல்! கமல் - சிவகார்த்திகேயனிடம் வைக்கப்பட்ட கோரிக்கை!

கடந்த ஒரு மாத காலமாகவே இந்த திரைப்படத்திற்கான ப்ரமோஷன் பணிகளில் நடிகர் சூர்யா, நடிகை திஷா பாட்னி நடிகர் பாபி தியோல், இயக்குனர் சிறுத்தை சிவா மற்றும் தயாரிப்பாளர் ஞானவேல் ராஜா உள்ளிட்டவர்கள் பிஸியாக இருந்து வருகின்றனர். கிட்டத்தட்ட மூன்று மாத காலமாக பெரிய அளவில் உறக்கம் இல்லாமல் இயக்குனர் சிறுத்தை சிவா செயல்பட்டு வருவதாகவும், இந்த திரைப்படத்திற்காக உடல் ரீதியாகவும் மனரீதியாகவும் மிகப் பெரிய சவால்களை சூரியா ஏற்று திரைப்படத்தை நடித்துள்ளதாகவும் தயாரிப்பாளர் ஞானவேல் ராஜா கூறியிருக்கிறார். அது மட்டுமல்ல தமிழக சினிமா வரலாற்றில் 2000 கோடி வசூல் செய்ய போகும் முதல் திரைப்படமாக கங்குவா இருக்கும் என்றும் அவர் நம்பிக்கையை தெரிவித்திருக்கிறார்.

இந்நிலையில் நேற்று மும்பை நகரில் நடைபெற்ற கங்குவா திரைப்படத்திற்கான பிரமோஷன் பணிகளில், நடிகர் சூர்யாவை நோக்கி பல கேள்விகள் முன்வைக்கப்பட்டது. அப்போது ஏற்கனவே ஸ்டுடியோ க்ரீன் நிறுவனத்தின் சார்பில் வெளியான தங்கலான் திரைப்படமும் இப்போது ஸ்டூடியோ கிறீன் நிறுவனத்தின் தயாரிப்பில் வெளியாக உள்ள கங்குவா திரைப்படமும் ஒன்றாக இணைந்து ஒரே திரைப்படமாக எடுக்க வாய்ப்புகள் இருக்கிறதா? என்று கேட்கப்பட்டது. கிட்டத்தட்ட இரண்டுமே பீரியட் ஃபிலிம்ஸ் என்பதால் இந்த கேள்வியை முன்வைக்கப்பட்டது. 

ஆனால் அப்படி ஒன்று நடக்க சாத்தியம் இல்லை, காரணம் கங்குவா படத்தின் இரண்டாம் பாகம் இதைவிட பிரம்மாண்டமாக இருக்கும். முதல் பாகமும் அதற்கு ஏற்றார் போல பல சர்ப்ரைஸ் எலிமெண்ட்களுடன் தான் முடிவடையும் என்றும் கூறியிருக்கிறார் சூர்யா.

மேலும் பேசிய அவர் "அது மட்டும் அல்லாமல் தங்கலான் திரைப்படம் பிரிட்டிஷ் காலத்தில் நடக்கும் ஒரு கதை அம்சத்தை கொண்ட படம். நண்பர் விக்ரம் மிக நேர்த்தியாக அந்த திரைப்படத்தில் நடித்திருந்தார். ஆனால் கங்குவா என்பது பல ஆயிரம் வருடங்களுக்கு முன்பு தமிழக மண்ணில் வாழ்ந்த சில இன கூட்டங்கள் பற்றிய கதைகளம் ஆகவே அந்த திரைப்படம் இந்த திரைப்படத்தோடு இணைந்து எடுக்கப்பட மாட்டாது என்று திட்டவட்டமாக கூறியிருக்கிறார்.

நடிச்ச எல்லாமே பயோ பிக் படங்கள்; வித்தியாசமான சிந்தனையோடு வலம்வந்த தமிழ் நடிகர் பற்றி தெரியுமா?