சுந்தரி சீரியலை தொடர்ந்து முடிவுக்கு வரும் சன் டிவியின் சூப்பர் ஹிட் சீரியல்..! அதிர்ச்சியில் ரசிகர்கள்..!

சன் டிவியில் பாசமலர் படத்திற்கு நிகராக அண்ணன் - தங்கை பாசத்தை மையமாக வைத்து ஒளிபரப்பாகி வந்த சீரியல் 'வானத்தைப் போல'. இந்த சீரியல் விரைவில் முடிவுக்கு வர உள்ளதாக வெளியாகி உள்ள தகவல், ரசிகர்களை அதிர்ச்சியில் ஆழ்த்தியுள்ளது.

நடிகர் ஸ்ரீகுமார் கதாநாயகனாக நடிக்கும் இந்த தொடரில், மான்யா ஆனந்த் அவருடைய தங்கச்சியாக லீடு ரோலில் நடித்து வருகிறார். 2020 ஆம் ஆண்டு முதல் ஒளிபரப்பாகி வரும் இந்த தொடர், துவங்கிய போது ஸ்ரீகுமார் நடித்து வரும் சின்னராசு கதாபாத்திரத்தில், நடிகர் தமன் குமார் நடித்து வந்தார். அவருடைய தங்கை துளசி கதாபாத்திரத்தில் ஸ்வேதா நடித்து வந்தார். இருவருமே ஒரே நேரத்தில் இந்த சீரியலில் இருந்து விலக, ஸ்ரீ குமார் மற்றும் மான்யா ஆனந்த் இந்த தொடரில் இணைந்தனர்.

கொசுவலையில் தைத்த கிக்கான உடையில்... கடற்கரையில் பிக்பாஸ் ஜனனி எடுத்து கொண்ட மிடுக்கான போட்டோஸ் ஷூட்!

2020 ஆம் ஆண்டு முதல் ஒளிபரப்பாகி வரும் இந்த தொடருக்கு என மிகப் பெரிய ரசிகர்கள் கூட்டம் உள்ளது. விறுவிறுப்பான கதைகளத்தில் எமோஷன், துரோகம், பழிவாங்குதல், என யூகிக்க முடியாத ட்விஸ்ட் அண்ட் டர்ன்ஸுடன் இந்த தொடர் ஒளிபரப்பாகி வருகிறது. சமீபத்தில் இந்த தொடரில் நீலிமா ராணி மற்றும் அருண்குமார் ராஜன் ஆகியோர் இணைந்தனர். இவர்கள் இணைந்த பின்னர் புதிய கோணத்தில் சீரியல் நகர்ந்து வருகிறது.

தற்போது வரை, சுமார் 1100 எபிசோடுகளை கடந்து ஒளிபரப்பாகி வரும் இந்த சீரியல், முடிவுக்கு வர உள்ளதாக புதிய தகவல் வெளியாகி உள்ளது.  அதன்படி ஆகஸ்ட் 18ஆம் தேதி இந்த சீரியலில் கிளைமேக்ஸ் காட்சி ஒளிபரப்ப திட்டமிட்டு இருப்பதாகவும், வெளியாகியுள்ள தகவல் வானத்தைப்போல சீரியலுக்கான ரசிகர்களை அதிர்ச்சியில் ஆழ்த்தியுள்ளது. இந்த சீரியலை, ராமச்சந்திரன் என்பவர் இயக்கி வருகிறார். ஏற்கனவே சுந்தரி சீரியல் முடிவுக்கு வருவதால் , தங்களின் வருத்தத்தை வெளிப்படுத்தி வந்த ரசிகர்கள் இந்த தொடரும் முடிவடைய உள்ளது குறிப்பிடத்தக்கது.  

கையில் சரக்குடன் பார்ட்டி பண்ணும் மணமகள்! மாடர்ன் உடையில் ரொமான்டிக் போட்டோ ஷூட்.. களைகட்டிய ஷாரிக் வெட்டிங்!