ஜன நாயகன் முதல் நாள் வசூலை அசால்ட்டாக தட்டி தூக்கிய ஸ்பைடர்மேன்: பிராண்ட் நியூ டே.. எவ்வளவு தெரியுமா?

Vijay vs Spider-Man: தற்போது வெளியாகியுள்ள 'ஸ்பைடர்மேன்: பிராண்ட் நியூ டே, இந்திய பாக்ஸ் ஆபிஸில் முதல் நாளிலேயே பெரிய வசூல் செய்து சாதனையை படைத்துள்ளது. விஜயின் ஜன நாயகன் முதல் நாள் வசூலை மிஞ்சியுள்ளது.

Image Credit : Asianet News

ஸ்பைடர்மேன் பிராண்ட் நியூ டே செய்த சாதனை

உலகம் முழுவதும் சூப்பர் ஹீரோ திரைப்படங்களுக்கு தனி ரசிகர் வட்டம் உள்ளது. அதில் ஸ்பைடர்மேன் கதாபாத்திரம் பல தலைமுறைகளாக ரசிகர்களின் மனதில் இடம்பிடித்த ஒன்றாகும். 2002-ஆம் ஆண்டு தொடங்கிய இந்தத் திரைப்பட வரிசை, இந்தியாவிலும் தொடர்ந்து நல்ல வரவேற்பைப் பெற்றது. அந்த வரிசையில் தற்போது வெளியாகியுள்ள 'ஸ்பைடர்மேன்: பிராண்ட் நியூ டே' திரைப்படம், முதல் நாளிலேயே இந்தியாவில் 73 கோடி ரூபாய் மொத்த வசூலைக் குவித்து புதிய வரலாறு படைத்துள்ளது. இந்தியாவில் வெளியான வெளிநாட்டு திரைப்படங்களில் முதல் நாள் அதிக வசூல் ஈட்டிய படமாக இது பதிவாகியுள்ளது.

Image Credit : others

ஸ்பைடர்மேன் வசூல்

தமிழ், தெலுங்கு, இந்தி, மலையாளம், கன்னடம் மற்றும் ஆங்கிலம் என பல மொழிகளில் வெளியான இந்த திரைப்படத்திற்கு அனைத்து தரப்பு ரசிகர்களிடமிருந்தும் சிறப்பான வரவேற்பு கிடைத்துள்ளது. தயாரிப்பு நிறுவனம் வெளியிட்ட தகவலின்படி, முதல் நாளில் இந்தியாவில் மட்டும் 73 கோடி ரூபாய் மொத்த வசூல் பதிவாகியுள்ளது. மேலும், இணையவழி முன்பதிவு தளங்களிலும் ரசிகர்கள் அதிக ஆர்வம் காட்டியுள்ளனர். ஒரு மணி நேரத்தில் 46 ஆயிரத்திற்கும் மேற்பட்ட டிக்கெட்டுகள் விற்பனையானதாக கூறப்படுவது, இந்த திரைப்படத்தின் மீதான எதிர்பார்ப்பை வெளிப்படுத்துகிறது.

Image Credit : Getty

ஸ்பைடர்மேன் பிராண்ட் நியூ டே

இந்த படத்தை கொலம்பியா பிக்சர்ஸ், மார்வெல் ஸ்டுடியோஸ் மற்றும் பாஸ்கல் பிக்சர்ஸ் இணைந்து தயாரித்துள்ளனர். இயக்குநர் டெஸ்டின் டேனியல் கிரெட்டன் இயக்கியுள்ள இந்த திரைப்படத்தில் டாம் ஹாலண்ட் மீண்டும் ஸ்பைடர்மேனாக நடித்துள்ளார். அவருடன் ஜெண்டயா, ஜேக்கப் பெட்டாலன், ஜான் பெர்ந்தால், புளோரன்ஸ் பியூ, மரிசா டோமி, மார்க் ரஃபலோ உள்ளிட்ட பல முன்னணி நடிகர்கள் முக்கிய கதாபாத்திரங்களில் நடித்துள்ளனர். பிரம்மாண்டமான காட்சிகள், அதிரடி சண்டைக் காட்சிகள் மற்றும் உணர்ச்சிகரமான திரைக்கதை ஆகியவை ரசிகர்களின் பாராட்டைப் பெற்று வருகின்றன.

Image Credit : X

ஜன நாயகன் முதல் நாள் வசூல்

மறுபுறம், விஜய் நடித்த 'ஜன நாயகன்' திரைப்படம் முதல் நாளிலேயே உலகளவில் சுமார் 80.28 கோடி ரூபாய் வசூல் செய்து வலுவான தொடக்கத்தைப் பதிவு செய்தது. இந்தியாவில் மட்டும் சுமார் 50.28 கோடி ரூபாய் மொத்த வசூல் கிடைத்ததாக கூறப்பட்டது. இதனால் சமூக வலைதளங்களில் 'ஸ்பைடர்மேன்: பிராண்ட் நியூ டே' மற்றும் 'ஜன நாயகன்' ஆகிய இரண்டு படங்களின் முதல் நாள் வசூல் குறித்து ரசிகர்கள் தீவிரமாக விவாதித்து வருகின்றனர். இருப்பினும், இந்தியாவில் வெளியான வெளிநாட்டு திரைப்படங்களில் முதல் நாள் வசூல் சாதனையை தற்போது ஸ்பைடர்மேன் திரைப்படம் தனதாக்கியுள்ளது.

Image Credit : X

ஸ்பைடர்மேன் பாக்ஸ் ஆபிஸ் வசூல்

முதல் நாளிலேயே கிடைத்துள்ள இந்த பிரம்மாண்ட வரவேற்பு காரணமாக, வார இறுதி வசூலிலும் 'ஸ்பைடர்மேன்: பிராண்ட் நியூ டே' மேலும் புதிய சாதனைகளைப் படைக்கும் என்ற எதிர்பார்ப்பு அதிகரித்துள்ளது. இந்தியாவில் வெளிநாட்டு திரைப்படங்களுக்கு ஆதரவு வரும் ஆண்டுதோறும் உயர்ந்து வரும் நிலையில், இந்த படம் அந்த வளர்ச்சியை மேலும் வலுப்படுத்தியுள்ளது. வரும் நாட்களில் இந்த திரைப்படத்தின் வசூல் எவ்வளவு உயர்கிறது என்றும், புதிய சாதனைகள் உருவாகிறதா என்றும் ரசிகர்கள் ஆவலுடன் கவனித்து வருகின்றனர்.