விஜய் டிவியை விட்டு வெளியேறும் பிரியங்கா தேஷ்பாண்டே? - காரணம் என்ன?

விஜய் டிவியின் முன்னணி தொகுப்பாளினியாக வலம் வரும் பிரியங்கா தேஷ்பாண்டே, திடீரென அந்த சேனலை விட்டு வெளியேற உள்ளதாக தகவல் பரவி வருகிறது.

Priyanka Deshpande out from Vijay TV : தமிழ் நாட்டை பொருத்தவரை சக்கைப்போடு போட்டு வரும் தொலைக்காட்சிகளில் சன் டிவிக்கு அடுத்த இடத்தில் இருப்பது விஜய் டிவி தான். இதில் ஒளிபரப்பாகும் சிறகடிக்க ஆசை, சின்ன மருமகள், பாக்கியலட்சுமி, பாண்டியன் ஸ்டோர்ஸ் ஆகிய தொடர்களுக்கு மிகப்பெரிய ரசிகர் பட்டாளமே உள்ளது. அதுமட்டுமின்றி ரியாலிட்டி ஷோக்களிலும் சன் டிவியை விட அதிக டிஆர்பி அள்ளி வருவது விஜய் டிவியின் சூப்பர் சிங்கர், பிக் பாஸ், குக் வித் கோமாளி போன்ற நிகழ்ச்சிகள் தான்.

Makapa Anand

கைமாறும் Vijay TV

இப்படி மக்களின் மனம் கவர்ந்த தொலைக்காட்சியாக இருந்து வரும் விஜய் டிவி, விரைவில் கைமாற உள்ளதாம். அண்மையில் ஹாட்ஸ்டார் ஓடிடி தளத்தை ஜியோ நிறுவனம் வாங்கி, தற்போது ஜியோ ஹாட்ஸ்டார் என மாற்றப்பட்டுள்ள நிலையில், தற்போது விஜய் டிவியையும் அம்பானிக்கு சொந்தமான வியாகாம் நிறுவனம் நடத்தும் கலர்ஸ் டிவி கைப்பற்ற உள்ளதாக தகவல் வெளியாகி உள்ளது. விரைவில் விஜய் டிவியின் லோகோவையும் மாற்ற இருப்பதாக தகவல் கசிந்துள்ளது.

இதையும் படியுங்கள்... Priyanka Deshpande: திருமணத்திற்கு பின் வாழ்க்கை எப்படி இருக்கு? மனம் திறந்த பிரியங்கா தேஷ்பாண்டே!

Priyanka deshpande

விஜய் டிவியில் இருந்து வெளியேறும் Priyanka Deshpande?

விஜய் டிவியை பெரும் தொகை கொடுத்து கலர்ஸ் டிவி வாங்கி உள்ளதாம். இதனால் அதில் அதிரடியாக சில மாற்றங்களை செய்யவும் கலர்ஸ் டிவி முடிவு செய்துள்ளதாக கூறப்படுகிறது. அதன்படி விஜய் டிவியில் ஒளிபரப்பாகி வந்த ரியாலிட்டி ஷோக்கள் அரைத்த மாவையே அரைத்து வருவதால், அதற்கெல்லாம் மூடுவிழா நடத்திவிட்டு, புத்தம் புது ரியாலிட்டி ஷோக்களை களமிறக்க திட்டமிட்டு உள்ளதாம். அதேபோல் பழைய தொகுப்பாளர்களான பிரியங்கா தேஷ்பாண்டே, மாகாபா மற்றும் கோபிநாத் ஆகியோர் நீக்கப்படவும் வாய்ப்பு உள்ளதாம்.

Neeya Naana Gopinath

விஜய் டிவியை கைப்பற்றிய Colors TV?

பிரியங்கா தேஷ்பாண்டே விஜய் டிவியில் சூப்பர் சிங்கர், ஸ்டார்ட் மியூசிக் போன்ற ரியாலிட்டி ஷோக்களை தொகுத்து வழங்கி வந்தார். அதேபோல் கோபிநாத், நீயா நானா என்கிற நிகழ்ச்சியை 18 ஆண்டுகளுக்கு மேலாக நடத்தி வருகிறார். இந்த பேவரைட் நிகழ்ச்சிகளை எல்லாம் முடிவுக்கு கொண்டுவர உள்ள தகவல் ரசிகர்களுக்கு பேரதிர்ச்சியாக அமைந்துள்ளது. 90ஸ் கிட்ஸின் பேவரைட் தொலைக்காட்சியாக இருந்து வந்த விஜய் டிவி விரைவில் கைமாற உள்ளதால் அதுகுறித்த நினைவுகளையும் ரசிகர்கள் பகிர்ந்து வருகிறார்கள்.

இதையும் படியுங்கள்... Pandian Stores: மீண்டும் சிக்கிய மயிலு... ஆப்பு கன்ஃபாம்; மகிழ்ச்சியில் துள்ளி குதிக்கும் ராஜு!