சூரியின் அடுத்த படம்; ஹீரோயினாக நடிக்க ஓகே சொன்ன பொன்னியின் செல்வன் நாயகி

Soori Next Movie Heroine : விடுதலை படத்துக்கு பின் நாயகனாக பிசியாகி உள்ள சூரி, அடுத்ததாக நடிக்க உள்ள படத்தில் அவருக்கு ஜோடியாக பொன்னியின் செல்வன் பட நடிகை நடிக்க உள்ளாராம்.

Soori Next Movie Heroine

ஹீரோ சூரி

தமிழ் திரையுலகில் காமெடியனாக கலக்கி வந்தவர் சூரி, அவர் வெற்றிமாறன் இயக்கிய விடுதலை திரைப்படத்தின் மூலம் ஹீரோவாக உருவெடுத்தார். விடுதலை படத்தின் வெற்றிக்கு பின்னர் அவருக்கு ஹீரோ வாய்ப்புகள் அடுத்தடுத்து குவிந்து வருகின்றன. அதை நன்றாக பயன்படுத்திக்கொள்ளும் சூரி, கருடன், கொட்டுக்காளி என இரண்டு ஹிட் படங்களை கொடுத்துவிட்டார். அதிலும் கொட்டுக்காளி திரைப்படம் உலகளவில் திரைப்பட விழாக்களில் விருதுகளை வென்று வருகிறது.

Viduthalai soori

விடுதலை 2

தற்போது அவர் விடுதலை படத்தின் இரண்டாம் பாகத்தில் நடித்து வருகிறார். இப்படத்தை வெற்றிமாறன் இயக்கி உள்ளார். இப்படம் வருகிற டிசம்பர் 20ந் தேதி திரையரங்குகளில் ரிலீஸ் ஆக உள்ளது. விடுதலை 2 படத்திற்கான புரமோஷன் பணிகளில் பிசியாக உள்ளார் சூரி. இதைத் தொடர்ந்து பிரசாந்த் பாண்டியராஜ் இயக்கத்தில் சூரி ஒரு படத்தில் நாயகனாக நடிக்க உள்ளார். இயக்குனர் பிரசாந்த் பாண்டியராஜ், விமல் நடித்த விலங்கு என்கிற வெப் தொடரை இயக்கியவர் ஆவார்.

இதையும் படியுங்கள்... வசூல் வேட்டையில் 'புஷ்பா 2'! 4 நாட்களில் 2.0 லைப் டைம் வசூலை காலி செய்த அல்லு அர்ஜுன்!

Soori Next Movie

சூரியின் அடுத்த பட ஹீரோயின்

இப்படத்திற்காக அதிகளவில் தாடி வளர்த்து ஆளே அடையாளம் தெரியாத அளவுக்கு மாறி இருக்கிறார் சூரி. இந்நிலையில், இப்படத்தில் சூரிக்கு ஜோடியாக நடிக்க உள்ளது யார் என்கிற அப்டேட் வெளியாகி உள்ளது. அதன்படி மணிரத்னம் இயக்கிய பொன்னியின் செல்வன் திரைப்படத்தில் சமுத்திரக்குமாரி பூங்குழலியாக நடித்திருந்த நடிகை ஐஸ்வர்யா லட்சுமி தான் இதில் நடிகர் சூரிக்கு ஜோடியாக நடிக்க உள்ளாராம். இப்படத்தின் மூலம் முதன்முறையாக சூரியும் ஐஸ்வர்யாவும் ஜோடி சேர்ந்துள்ளனர்.

Aishwarya Lekshmi

சூரிக்கு ஜோடியாகும் ஐஸ்வர்யா லட்சுமி

நடிகை ஐஸ்வர்யா லட்சுமி, சுந்தர் சி இயக்கிய ஆக்‌ஷன் படம் மூலம் தமிழ் திரையுலகில் ஹீரோயினாக அறிமுகமானார். இதையடுத்து தனுஷுக்கு ஜோடியாக ஜகமே தந்திரம் படத்தில் நடித்த அவருக்கு பொன்னியின் செல்வன் படம் தான் திருப்புமுனையாக அமைந்தது. தற்போது மணிரத்னம் - கமல்ஹாசன் கூட்டணியில் உருவாகி இருக்கும் தக் லைஃப் படத்திலும் நடித்து முடித்துள்ளார் ஐஸ்வர்யா லட்சுமி. இப்படம் வருகிற 2025ம் ஆண்டு ஜூன் மாதம் திரைக்கு வர உள்ளது.

இதையும் படியுங்கள்... புஷ்பா 2-வை புரட்டி எடுக்க; இந்த வாரம் இத்தனை தமிழ் படங்கள் ரிலீஸ் ஆகிறதா?