ஹாஸ்டல் பாத்ரூமில் ரகசிய கேமரா... 60 பெண்களின் குளியல் வீடியோ லீக் - நெட்டிசன்களுக்கு சோனுசூட் வைத்த கோரிக்கை
Sonu sood : சண்டிகர் பல்கலைக்கழகத்தில் படிக்கும் மாணவி ஒருவர், கல்லூரி விடுதியில் உள்ள பாத்ரூமில் ரகசியமாக கேமரா வைத்து, அங்கு குளிக்கும் பெண்களை வீடியோ பதிவு செய்து அதனை தனது காதலனுக்கு அனுப்பி வந்துள்ள சம்பவம் பரபரப்பை ஏற்படுத்தி உள்ளது.
பஞ்சாப் மாநிலம் சண்டிகரில் அமைந்துள்ள சண்டிகர் பல்கலைக்கழகத்தில் ஏராளமான மாணவிகள் விடுதியில் தங்கி படித்து வருகின்றனர். அதில் MBA முதலாம் ஆண்டு படிக்கும் மாணவி ஒருவர், கல்லூரி விடுதியில் உள்ள பாத்ரூமில் ரகசியமாக கேமரா வைத்து, அங்கு குளிக்கும் பெண்களை வீடியோ பதிவு செய்து அதனை தனது காதலனுக்கு அனுப்பி வந்துள்ளார்.
பல நாட்களாக இந்த சம்பவம் அரங்கேறி வந்துள்ளது. இதுவரை 60க்கும் மேற்பட்ட பெண்களின் குளிக்கும் வீடியோவை படமாக்கி அதனை தனது காதலனுக்கு அனுப்பி வைத்துள்ளார் அந்த மாணவி. இந்த வீடியோக்கள் ஒவ்வொன்றாக சமூக வலைதளங்களில் லீக் ஆனதை பார்த்து சம்பந்தப்பட்ட மாணவிகள் அதிர்ச்சியடைந்தனர்.
இதையும் படியுங்கள்... நெட்டில் லீக்கான கல்லூரி மாணவிகளின் குளியல் வீடியோக்கள்.. போராட்டத்தில் குதித்த ஹாஸ்டல் மாணவிகள்.!!
இத்தகைய கேவலமான செயலில் ஈடுபட்ட மாணவி மீது நடவடிக்கை எடுக்கக் கோரி போராட்டமும் வெடித்துள்ளதால் சண்டிகரில் பரபரப்பு நிலவி வருகிறது. குளியல் வீடியோ பரவியதை அறிந்த சில மாணவிகள் தற்கொலைக்கு முயன்றதாகவும் கூறப்படுகிறது. இதனால் இச்சம்பவம் நாடு முழுவதும் பெரும் அதிர்வலைகளை ஏற்படுத்தி உள்ளது. வீடியோக்களை காதலனுக்கு அனுப்பிய மாணவியை போலீசார் கைது செய்துள்ளனர்.
இந்நிலையில், பிரபல பாலிவுட் நடிகர் சோனு சூட் இந்த விவகாரம் குறித்து டுவிட்டரில் பதிவிட்டுள்ளதாவது : “சண்டிகர் பல்கலைக்கழகத்தில் நடந்த சம்பவம் துரதிர்ஷ்டவசமானது. நாம் நம் சகோதரிகளுக்கு துணையாக நிற்க வேண்டிய நேரம் இது, அப்படி செய்தால் தான் சிறந்த முன்னுதாரனமாக இருக்கும். பாதிக்கப்பட்டவர்களுக்கு மட்டுமல்ல நமக்கும் இது சோதனையான காலம் தான். பொறுப்புடன் இருங்கள்” என வேண்டுகோள் விடுத்துள்ளார்.
இதையும் படியுங்கள்... கேரளாவில் நிழற்குடை சர்ச்சை: மடியில் அமர்ந்து போராட்டம் நடத்திய மாணவர்கள்: மேயர் ஆர்யா உறுதி
சேனலை கிளிக் செய்து பின்தொடரவும்
