குறும்பா என் உலகே நீதான்டா! கியூட் போட்டோஸுடன் செல்ல மகன் குகனுக்கு பிறந்தநாள் வாழ்த்து சொன்ன சிவகார்த்திகேயன்

சின்னத்திரையில் இருந்து சினிமாவுக்கு வந்து தனது கடின உழைப்பால் முன்னேறி இன்று டாப் ஹீரோவாக வலம் வந்துகொண்டிருப்பவர் சிவகார்த்திகேயன். அவர் நடிப்பில் தற்போது மாவீரன் திரைப்படம் தயாராகி இருக்கிறது. இப்படம் வருகிற ஜூலை 14-ந் தேதி திரையரங்குகளில் ரிலீஸ் ஆக உள்ளது. மடோன் அஸ்வின் இயக்கியுள்ள இப்படத்தின் புரமோஷன் பணிகள் தற்போது முழுவீச்சில் நடைபெற்று வருகின்றது. அதில் சிவகார்த்திகேயன் பிசியாக உள்ளார்.

இந்நிலையில், நடிகர் சிவகார்த்திகேயன் தனது மகன் குகன் தாஸிற்கு பிறந்தநாள் வாழ்த்துக்களை தெரிவித்து இன்ஸ்டாகிராமில் பதிவிட்டுள்ள புகைப்படங்கள் செம்ம வைரல் ஆகி வருகின்றன. சிவகார்த்திகேயனுக்கு ஏற்கனவே ஆராத்யா என்கிற மகள் உள்ள நிலையில், கடந்த 2021-ம் ஆண்டு அவரது மனைவி ஆர்த்திக்கு இரண்டாவதாக ஆண் குழந்தை பிறந்தது. அந்த குழந்தைக்கு தன் தந்தையின் நினைவாக குகன் தாஸ் என பெயர் சூட்டினர்.

இதையும் படியுங்கள்... ஐஸ்வர்யா ரஜினிகாந்த், இளம் நடிகரை 2-வது திருமணம் செய்ய உள்ளாரா? வெளியான Exclusive தகவல்..

மகன் குகன் தாஸ் பிறந்து 2 ஆண்டுகள் ஆகும் நிலையில், இன்று அவரது இரண்டாவது பிறந்தநாளை கொண்டாடி வருகிறார். மகனின் பிறந்தநாளுக்கு வாழ்த்து தெரிவிக்கும் விதமாக, ‘ஹாப்பி பர்த்டே டா தம்பி’ என குறிப்பிட்டு, தன் மனைவி, மகள் மற்றும் மகனுடன் எடுத்த கியூட்டான பேமிலி போட்டோக்கள் சிலவற்றை இன்ஸ்டாகிராமில் பதிவிட்டுள்ளார் சிவகார்த்திகேயன். அந்த புகைப்படத்தை பார்த்த ரசிகர்கள் செம்ம கியூட்டாக இருப்பதாக கமெண்ட் செய்து வருகின்றனர்.

அதில் மகனுடன் சிவகார்த்திகேயன் கொஞ்சி விளையாடும் போது எடுக்கப்பட்ட கேண்டிட் புகைப்படமும் இடம்பெற்றுள்ளது. சிவகார்த்திகேயன் பதிவிட்ட இந்த சர்ப்ரைஸ் போட்டோஸ் பார்த்து ஷாக் ஆன ரசிகர்கள் குகன் தாஸிற்கு பிறந்தநாள் வாழ்த்துக்களை தெரிவித்த வண்ணம் உள்ளனர். அந்த புகைப்படத்தை சிவகார்த்திகேயன் பதிவிட்ட 30 நிமிடத்தில் 3 லட்சத்திற்கும் அதிகமான லைக்குகளை குவித்து இன்ஸ்டாகிராமில் படு வைரலாகி வருகிறது.

இதையும் படியுங்கள்... லால் சலாம் ரஜினியை தத்ரூபமாக சிலையாக வடித்து அசத்திய இளைஞர்; வைரல் வீடியோ!!