sivakarthikeyan :சிவகார்த்திகேயனின் நீண்டநாள் ஆசையை நிறைவேற்றும் நெல்சன்! வேறமாரி சம்பவத்துக்கு ரெடியான எஸ்.கே

sivakarthikeyan : டோலிவுட் இயக்குனர் அனுதீப் இயக்கத்தில் உருவாகும் புதிய படத்தில் தற்போது நடித்து வருகிறார் சிவகார்த்திகேயன். தற்காலிகமாக எஸ்.கே.20 என அழைக்கப்படும் இப்படத்தின் படப்பிடிப்பு விறுவிறுப்பாக நடைபெற்று வருகிறது.

ரிலீசுக்கு ரெடியான டான்

தமிழ் திரையுலகில் முன்னணி ஹீரோவாக வலம் வருபவர் சிவகார்த்திகேயன். இவர் நடிப்பில் தற்போது டான், அயலான் போன்ற படங்கள் தயாராகி உள்ளன. இதில் டான் படம் படப்பிடிப்பு முடிந்து ரிலீசுக்கு தயாராக உள்ளது. இப்படம் வருகிற மே மாதம் திரைக்கு வர உள்ளது. இப்படத்தை புதுமுக இயக்குனர் சிபி சக்ரவர்த்தி இயக்கி உள்ளார். இப்படத்தில் சிவகார்த்திகேயனுக்கு ஜோடியாக பிரியங்கா மோகன் நடித்துள்ளார்.

பிரம்மாண்டமாக உருவாகும் அயலான்

அதேபோல் அயலான் படத்தின் படப்பிடிப்பு முடிந்து பின்னணி பணிகள் விறுவிறுப்பாக நடைபெற்று வருகிறது. ரவிக்குமார் இயக்கியுள்ள இப்படத்தில் ரகுல் ப்ரீத் சிங் நாயகியாக நடித்துள்ளார். மேலும் யோகிபாபு, கருணாகரன் ஆகியோர் முக்கிய கதாபாத்திரங்களில் நடித்துள்ளனர். இப்படத்திற்கு இசைப்புயல் ஏ.ஆர்.ரகுமான் இசையமைத்து உள்ளார்.

டோலிவுட்டில் அறிமுகமாகும் எஸ்.கே

இதுதவிர டோலிவுட் இயக்குனர் அனுதீப் இயக்கத்தில் உருவாகும் புதிய படத்திலும் நடித்து வருகிறார் சிவகார்த்திகேயன். தற்காலிகமாக எஸ்.கே.20 என அழைக்கப்படும் இப்படத்தின் படப்பிடிப்பு விறுவிறுப்பாக நடைபெற்று வருகிறது. இப்படத்தில் சத்யராஜ், பிரேம்ஜி ஆகியோர் முக்கிய கதாபாத்திரங்களில் நடித்து வருகின்றனர்.; இப்படம் மூலம் நடிகர் சிவகார்த்திகேயன் தெலுங்கில் அறிமுகமாக உள்ளார்.

ரஜினியின் மகனாக சிவகார்த்திகேயன்

இந்நிலையில், நடிகர் சிவகார்த்திகேயன் அடுத்ததாக ரஜினியின் தலைவர் 169 படத்தில் நடிக்க உள்ளதாக தகவல் வெளியாகி உள்ளது. நெல்சன் இயக்க உள்ள இப்படத்தில் நடிகர் ரஜினிகாந்த்தின் மகனாக சிவகார்த்திகேயன் நடிக்க உள்ளதாக கூறப்படுகிறது. ரஜினிகாந்த்தின் தீவிர ரசிகனான சிவகார்த்திகேயன் தற்போது அவருடனே நடிக்க உள்ளதாக வெளியாகி உள்ள தகவல் ரசிகர்களை குஷியாக்கி உள்ளது.

இதையும் படியுங்கள்... Ram charan : என்ன ஒரு தங்கமான மனசு! RRR படக்குழுவினருக்கு 10 கிராம் தங்கக்காசு பரிசளித்தார் ராம்சரண்