குருவை மிஞ்சிய சிஷியன்... ரஜினி படத்தின் ஆல்டைம் ரெக்கார்டை அடிச்சுதூக்கியது சிவகார்த்திகேயனின் டான்
Don vs Annaatthe : சிவகார்த்திகேயனின் கெரியரில் ரூ.100 கோடிக்கு மேல் வசூலித்த 2-வது படம் டான், இதற்கும் முன் டாக்டர் படம் அந்த மைல்கல்லை எட்டி இருந்தது.
டாக்டர் படத்தின் வெற்றியைத் தொடர்ந்து சிவகார்த்திகேயன் நடித்த படம் டான். இயக்குனர் அட்லீயிடம் உதவி இயக்குனராக பணியாற்றிய சிபி சக்ரவர்த்தி இப்படத்தை இயக்கி இருந்தார். இப்படத்தில் நடிகர் சிவகார்த்திகேயனுக்கு ஜோடியாக பிரியங்கா மோகன் நடித்திருந்தார். இவர்கள் இருவரும் ஏற்கனவே டாக்டர் படத்தில் ஜோடியாக நடித்திருந்தனர் என்பது குறிப்பிடத்தக்கது.
மேலும் சமுத்திரக்கனி, எஸ்.ஜே.சூர்யா, மனோபாலா, சிவாங்கி, பால சரவணன் என மிகப்பெரிய நட்சத்திர பட்டாளமே நடித்திருந்தது. சிவகார்த்திகேயனின் எஸ்.கே.புரொடக்ஷன்ஸ் நிறுவனமும், லைகா நிறுவனமும் இணைந்து தயாரித்திருந்த இப்படம் கடந்த மே மாதம் 13-ந் தேதி திரையரங்குகளில் ரிலீசானது.
வெளியானது முதல் அமோக வரவேற்பை பெற்ற இப்படம் பாக்ஸ் ஆபிஸிலும் பட்டைய கிளப்பியது. அதன்படி இப்படம் குறுகிய காலத்திலேயே ரூ.100 கோடிக்கு மேல் வசூலித்து சாதனை படைத்தது. சிவகார்த்திகேயனின் கெரியரில் ரூ.100 கோடிக்கு மேல் வசூலித்த 2-வது படம் இதுவாகும், இதற்கும் முன் டாக்டர் படம் அந்த மைல்கல்லை எட்டி இருந்தது.
இந்நிலையில், சிவகார்த்திகேயனின் டான் திரைப்படம் தமிழகத்தில் மட்டும் ரூ.80 கோடிக்கு மேல் வசூலித்து ரஜினியின் அண்ணாத்த படத்தின் ஆல்டைம் ரெக்கார்டை பீட் பண்ணி உள்ளது. ரஜினியை தனது குருவாகவும், ரோல்மாடலாகவும் கருதி வரும் சிவகார்த்திகேயன் தற்போது அவரது படத்தையே பாக்ஸ் ஆபிஸில் முந்தி உள்ளது திரையுலகினரை ஆச்சர்யத்தில் ஆழ்த்தி உள்ளது.
இதையும் படியுங்கள்... 3 நாளில் ரூ.150 கோடி கலெக்ஷன் அள்ளிய விக்ரம்! விஜய், அஜித்தை ஓரங்கட்டி பாக்ஸ் ஆபிஸில் வசூல் வேட்டையாடும் கமல்