அமரன் தந்த தெம்பு; தல அஜித்துடன் நேருக்கு நேர் மோதுகிறாரா சிவகார்த்திகேயன்? பிரபலம் பகிர்ந்த தகவல்!

Ajith Vs Sivakarthikeyan : பிரபல நடிகர் சிவகார்த்திகேயனின் அமரன் திரைப்படம் உலக அளவில் வெற்றி திரைப்படமாக மாறி 300 கோடி ரூபாய் வசூலை நோக்கி நகர்ந்து கொண்டிருக்கிறது.

Sivakarthikeyan

தமிழ் சினிமாவில் சிறு சிறு கதாபாத்திரங்கள் ஏற்று நடிக்க தொடங்கி, அதன் பிறகு நகைச்சுவை நாயகனாக தமிழ் மக்கள் மத்தியில் மிகப்பெரிய வரவேற்பை பெற்று. இப்பொழுது சூப்பர் ஸ்டார் ரஜினிகாந்தின் திரைப்படத்தின் வசூலையே முறியடிக்கும் அளவிற்கு மிகப்பெரிய வெற்றிய நாயகனாக மாறியிருக்கிறார் சிவகார்த்திகேயன் என்றால் அது மிகையல்ல. பிரபல இயக்குனர் ராஜ்குமார் பெரியசாமி இயக்கத்தில், உலகநாயகன் கமல்ஹாசனின் ராஜ்கமல் நிறுவனத்தின் தயாரிப்பில் வெளியான "அமரன்" என்கின்ற திரைப்படத்தில் மறைந்த ராணுவ வீரர் முகுந்த் வரதராஜனின் கதாபாத்திரத்தில் நடித்து தமிழ் மக்களின் ஏகோபித்த பாராட்டுகளை பெற்று வருகிறார் சிவகார்த்திகேயன்.

Amaran

உலக அளவில் சிவகார்த்திகேயனின் அமரன் திரைப்படம் தற்பொழுது 250 கோடி ரூபாய் என்கின்ற இலக்கை கடந்து, 300 கோடி என்கின்ற இலக்கை நோக்கி பயணிக்க தொடங்கி இருக்கிறது. பிரபல நடிகை சாய் பல்லவி இந்த திரைப்படத்தில் சிவகார்த்திகேயனின் மனைவியாக நடித்து அசத்தியிருக்கின்றார். சிவகார்த்திகேயனின் திரை வாழ்க்கையிலேயே மிகப்பெரிய வசூல் சாதனை படைத்த படமாகவும், அவருடைய கேரியர் பெஸ்ட் படமாகவும் மாறியிருக்கிறது அமரன். தமிழகத்தை சேர்ந்த மறைந்த ராணுவ வீரர் முகுந்த் வரதராஜனின் கதாபாத்திரத்தை தான் அவர் இந்த திரைப்படத்தில் ஏற்று நடித்திருக்கிறார். தொடக்கத்தில் சில சர்ச்சைகளை இந்த திரைப்படம் சந்தித்து வந்தாலும் தற்போது வெற்றிகரமாக திரையரங்குகளில் இந்த திரைப்படம் ஓடி வருகிறது.

Vidaamuyarchi

இந்நிலையில் பிரபல சினிமா விமர்சகர் அந்தணன் ஒரு புதிய தகவல் ஒன்றை வெளியிட்டு இருக்கிறார் அதாவது கடந்த சில ஆண்டுகளாகவே படபிடிப்பு பணிகளில் இருந்து வரும் தல அஜித்தின் விடாமுயற்சி திரைப்படம் இந்த ஆண்டு இறுதியில் வெளியாகும் என்று எதிர்பார்க்கப்பட்டது. அதேபோல ஆதிக் ரவிச்சந்திரன் இயக்கத்தில் தல அஜித் நடித்துவரும் "குட் பேட் அக்லி" திரைப்படம் 2025 ஆம் ஆண்டு பொங்கலுக்கு வெளியாகும் என்ற அதிகாரப்பூர்வ அறிவிப்புகளோடு அப்படத்தின் அறிவிப்பு வந்தது.ஆனால் தொடர்ச்சியாக விடாமுயற்சி படத்தின் படப்பிடிப்பு பணிகள் நீண்டு கொண்டே போவதால், அந்த படம் 2025ம் ஆண்டு பொங்கலுக்கும், ஆதிக் ரவிச்சந்திரன் குட் பேட் அக்லி மே 1ம் தேதி 2025 ஆம் ஆண்டு வெளியாக வாய்ப்புகள் இருப்பதாகவும் கூறியிருக்கிறார்.

Good Bad Ugly

இந்த சூழலில் தற்பொழுது சிவகார்த்திகேயன் தன்னுடைய 23வது திரைப்படத்தை பிரபல இயக்குனர் ஏ ஆர் முருகதாஸ் இயக்கத்தில் நடித்திருக்கிறார். மிகப்பெரிய பட்ஜெட்டில் பான் இந்தியா நடிகர்களை கொண்டு இந்த படம் உருவாகி வருகிறது. சூப்பர் ஸ்டார் ரஜினிகாந்தின் தர்பார் திரைப்படத்திற்கு பிறகு இந்த திரைப்படத்தை தான் ஏ ஆர் முருகதாஸ் இயக்கி வருவது குறிப்பிடத்தக்கது. மிகப்பெரிய எதிர்பார்ப்புகளை அந்த திரைப்படம் ஏற்படுத்தி உள்ள நிலையில் தல அஜித்தின் குட் பேட் அக்லி திரைப்படம் வெளியாகும் அதை மே 1ம் தேதி சிவகார்த்திகேயனின் இந்த புதிய திரைப்படமும் வெளியாக அதிக வாய்ப்புகள் இருப்பதாக கூறியிருக்கிறார்.