"யார் இவன்? எனக்கா பாடப்போறான்?" - சிவாஜி கணேசனின் கர்ஜனை... நடுங்கிப்போன பாடகர் மனோ! என்ன நடந்தது தெரியுமா?

இளையராஜாவின் அறிவுறுத்தலின் பேரில், பாடகர் மனோ முதன்முதலில் நடிகர் திலகம் சிவாஜி கணேசனை சந்தித்தார். சிவாஜியின் கம்பீரத்தை கண்டு பயத்தில் நடுங்கிய மனோ, இளையராஜாவின் பரிந்துரையால் ஆசிர்வாதம் பெற்று பின்னாளில் அவருக்காக பல வெற்றி பாடல்களை பாடினார்.

Image Credit : Asianet News

சிங்கத்தை நேரில் சந்தித்த மனோ

தமிழ் திரையுலகில் 'சிம்மக்குரலோன்' என்று புகழப்படுபவர் நடிகர் திலகம் சிவாஜி கணேசன். அவரது கம்பீரமான குரலுக்குப் பொருத்தமாக பாடுவது என்பது எந்த ஒரு பாடகருக்கும் மிகப்பெரிய சவால். அப்படிப்பட்ட ஒரு ஜாம்பவான், இன்று 26,000 பாடல்களைப் பாடி சாதனை படைத்துள்ள பாடகர் மனோவை முதன்முதலில் சந்தித்தபோது நடந்த அந்தப் பரபரப்பான சம்பவத்தைப் பற்றிப் பார்ப்போம்.

Image Credit : Google

இளையராஜாவின் உத்தரவு.. கங்கை அமரனின் வருகை!

சினிமா உலகில் மனோ காலடி எடுத்து வைத்த ஆரம்பக் காலம் அது. ஒருமுறை இசையமைப்பாளர் இளையராஜா, கங்கை அமரனை அழைத்து, மனோவை நேராக சிவாஜி அண்ணனிடம் கூட்டிச் சென்று ஆசிர்வாதம் வாங்கி வா" என்று பணித்தார். ராஜாவின் சொல்லுக்கு மறுபேச்சு ஏது? கங்கை அமரன் உடனே மனோவை அழைத்துக்கொண்டு ஏ.வி.எம் ஸ்டுடியோவிற்குள் நுழைந்தார். அங்கே நாற்காலியில் அமர்ந்திருந்த நடிகர் திலகத்தைப் பார்த்ததுமே மனோவுக்கு அடிவயிறு கலங்கியது.

Image Credit : Asianet News

"யார் இவன்? எனக்கா பாடப்போறான்?"

சிவாஜி கணேசன் அருகே சென்றதும், கங்கை அமரன் மனோவை அறிமுகப்படுத்தி, "அண்ணே, இந்தப் பையன் தான் உங்கள் படத்தில் பாடிக்கொண்டிருக்கிறான், இவனை ஆசிர்வாதம் செய்யுங்கள்" என்றார்.

சிவாஜி கணேசன் தனது கூர்மையான கண்களால் மனோவை உற்றுப் பார்த்தார். அந்தப் பார்வையின் வீச்சைத் தாங்க முடியாமல் மனோ சட்டென்று அவர் காலில் விழுந்து சாஷ்டாங்கமாக ஆசிர்வாதம் வாங்கினார். அப்போது சிவாஜி கணேசன் தனது கணீரென்ற குரலில், "வாடா அமரு... யார் இவன்? என்ன விஷயம்? இவனா... எனக்கா பாடப்போறான்?" என்று கேட்டார்.

சிங்கத்தின் கர்ஜனையைக் கேட்டது போல மனோவுக்குக் கை, கால்கள் நடுங்கத் தொடங்கிவிட்டன. "விட்டா போதும் ஓடிவிடலாம்" என்ற மனநிலையில் மனோ தவித்துக் கொண்டிருந்தார்.

Image Credit : our own

இளையராஜாவுக்காகக் கிடைத்த ஆசிர்வாதம்!

சிவாஜியின் கேள்விக்கு பதிலளித்த கங்கை அமரன், இளையராஜா தான் இவரைப் பரிந்துரைத்தார் என்று கூறினார். உடனே சிவாஜி, "சரி, ராஜா சொன்னா சரியாகத்தான் இருக்கும்... பொழச்சிப் போ!" என்று மனதார ஆசிர்வதித்தார். "சிவாஜி சாரை நேரில் பார்த்தபோது ஒரு சிங்கத்தைப் பார்த்தது போலவே இருந்தது. பராசக்தி போன்ற படங்களில் அவரைப் பார்த்து வியந்த எனக்கு, அவர் முன்னால் நின்றபோது பயத்தில் உடல் நடுங்கியது" என மனோ அந்த நெகிழ்ச்சியான நிமிடத்தைப் பகிர்ந்துள்ளார்.

Image Credit : our own

மனோ கொடுத்த 'மாஸ்' ஹிட் பாடல்கள்!

சிவாஜி கணேசன் முதலில் தயங்கினாலும், மனோவின் குரல் அவருக்கு மிகச்சரியாகப் பொருந்தியது. குறிப்பாக இரண்டு பாடல்கள் காலத்தால் அழியாதவை.'ஹே ராஜா': 1987-இல் வெளியான 'ஜல்லிக்கட்டு' படத்தில் சிவாஜி மற்றும் சத்யராஜுக்காக இந்தப் பாடலை மனோ பாடினார்.'போற்றிப் பாடடி பொண்ணே': 'தேவர் மகன்' திரைப்படத்தில் சிவாஜி கணேசன் முன்னிலையில் பாடப்படும் இந்தப் பாடல் மனோவின் திரைப்பயணத்தில் ஒரு மைல்கல்லாகும்.

26,000 பாடல்களுக்குச் சொந்தக்காரர்! 

சிவாஜி கணேசன் ஆசிர்வதித்தது போலவே, மனோ திரையுலகில் மிகப்பெரிய வெற்றியைப் பெற்றார். தமிழ், தெலுங்கு, இந்தி எனப் பல மொழிகளில் 26,000-க்கும் மேற்பட்ட பாடல்களைப் பாடியுள்ள அவர், தமிழக அரசின் விருதுகளையும் வென்றுள்ளார்.நடிகர் திலகத்தின் அந்த ஒரு ஆசிர்வாதம், ஒரு சாதாரண இளைஞனை இன்று இந்தியாவே வியக்கும் பாடகர் மனோவாக மாற்றியுள்ளது என்பதுதான் உண்மை!