அஜித்தை போல் சூர்யாவுக்கும் V சென்டிமெண்டை கையிலெடுத்த இயக்குனர் சிவா! சூர்யா 42 படத்துக்கு இப்படி ஒரு தலைப்பா
சிறுத்தை சிவா இயக்கத்தில் சூர்யா நடித்து வரும் படத்தின் தலைப்பு குறித்த தகவல் சமூக வலைதளங்களில் பரவி வருகிறது.
சூர்யாவின் 42-வது படத்தை சிறுத்தை சிவா இயக்கி வருகிறார். இவர் இருவரும் முதன்முறையாக இணைந்து பணியாற்றும் இப்படத்திற்கு நாளுக்கு நாள் எதிர்பார்ப்பு எகிறிக்கொண்டே செல்கிறது. இந்த எதிர்பார்ப்புக்கு காரணம் இப்படம் குறித்து வெளியாகும் தகவல்கள் தான். இது பேண்டஸி கதையம்சம் கொண்ட படமாக தயாராகி வருவதாகவும், இப்படத்திற்காக சூர்யா கடுமையாக உழைத்து வருகிறாராம்.
அதுமட்டுமின்றி இதில் சூர்யா 13 கெட் அப்களில் நடிப்பதாகவும் கூறப்படுகிறது. இப்படத்தில் சூர்யாவுக்கு ஜோடியாக பாலிவுட் நடிகை தீஷா பதானி நடித்து வருகிறார். ஸ்டூடியோ கிரீன் நிறுவனம் சார்பாக கே.இ.ஞானவேல் ராஜா பிரம்மாண்டமாக தயாரிக்கும் இப்படத்திற்கு தேவி ஸ்ரீ பிரசாத் இசையமைத்து வருகிறார். இப்படத்தின் படப்பிடிப்பு தற்போது சென்னையில் விறுவிறுப்பாக நடைபெற்று வருகிறது.
இதையும் படியுங்கள்... ராக்கி பாயின் அடுத்த சம்பவம்.. யாஷ் பிறந்தநாளில் கே.ஜி.எஃப் 3 குறித்த வெறித்தனமான அப்டேட்டை வெளியிட்ட படக்குழு
இந்நிலையில், சூர்யா 42 என அழைக்கப்பட்டு வரும் இப்படத்தின் தலைப்பு குறித்த தகவல் கசிந்துள்ளது. இயக்குனர் சிவாவுக்கு V என்கிற எழுத்தில் பெயர் வைப்பது மிகவும் பிடித்தமான ஒன்று. இதன் காரணமாகத் தான் அவர் அஜித்தை வைத்து இயக்கிய 4 படங்களுக்கும் வீரம், வேதாளம், விவேகம், விஸ்வாசம் என V-ல் தொடங்கும் டைட்டில்களை வைத்தார்.
தற்போது சூர்யா படத்துக்கு அதே V சென்டிமெண்டை பின்பற்ற முடிவெடுத்துள்ளாராம் இயக்குனர் சிவா. அந்த வகையில் சூர்யா 42 படத்துக்கு வீர் என பெயரிடப்பட்டு உள்ளதாக தகவல் வெளியாகி உள்ளன. சோசியல் மீடியாவில் இதுதான் தலைப்பு என ஏராளமானோர் பதிவிட்டு வருகின்றனர். ஆனால் சூர்யா 42 படக்குழு இதற்கு எந்தவித மறுப்பும் தெரிவிக்காமல் மவுனம் காத்து வருகிறது.
இதையும் படியுங்கள்... பிக்பாஸ் மீது அவ்ளோ காதலா... எலிமினேஷனுக்கு பின் தனலட்சுமி செய்த வேலையை பார்த்து வாயடைத்து போன ரசிகர்கள்