முதன்முறையாக இரட்டை குழந்தைகளின் புகைப்படங்களை வெளியிட்ட சின்மயி... எவ்ளோ கியூட்டா இருக்காங்க பாருங்க

சன் டிவியில் ஒளிபரப்பான சப்தஸ்வரங்கள் எனகிற இசை நிகழ்ச்சியில் பங்கேற்று அதில் டைட்டில் வின்னர் ஆனவர் சின்மயி. அந்நிகழ்ச்சியின் மூலம் சின்மயியின் திறமையை பார்த்து வியந்து போன இசைப்புயல் ஏ.ஆர்.ரகுமான், அவரை தன் இசையில் பின்னணி பாடகியாக அறிமுகப்படுத்தினார். 

கன்னத்தில் முத்தமிட்டால் திரைப்படத்தில் இடம்பெற்ற ‘ஒரு தெய்வம் தந்த பூவே’ என்கிற பாடல் தான் சின்மயி பாடிய முதல் பாடலாகும். இதையடுத்து டி.இமான், தேவா, ஹாரிஸ் ஜெயராஜ், இளையராஜா, ஜிவி பிரகாஷ் என தமிழ் சினிமாவில் உள்ள முன்னணி இசையமைப்பாளர்கள் அனைவருடன் பணியாற்றி புகழ்பெற்ற பின்னணி பாடகி ஆனார் சின்மயி. 

பின்னணி பாடகியாக மட்டுமின்றி புகழ்பெற்ற டப்பிங் ஆர்ட்டிஸ்ட் ஆகவும் திகழ்ந்து வந்தார் சின்மயி. தமிழில் சில்லுனு ஒரு காதல் படத்தில் தொடங்கிய இவரது டப்பிங் பயணம், தொடர்ந்து சமந்தா, காஜல் அகர்வால், தமன்னா, திரிஷா போன்ற முன்னணி நடிகைகளுக்கெல்லாம் குரல் கொடுத்து இருக்கிறார் சின்மயி.

இதையும் படியுங்கள்... மாலத்தீவு போனதும் கிளாமர் ரூட்டுக்கு தாவிய அனிகா... நீச்சல் உடையில் குட்டி நயன் நடத்திய மஜாவான போட்டோஷூட் இதோ

நடிகர் ராகுல் ரவீந்திரனை காதலித்து வந்த சின்மயி கடந்த 2014-ம் ஆண்டு அவரை திருமணம் செய்துகொண்டார். திருமணமாகி 8 ஆண்டுகளாக குழந்தை பெற்றுக்கொள்ளாமல் இருந்து வந்த இந்த ஜோடிக்கு, கடந்தாண்டு தான் இரட்டை ஆண் குழந்தைகள் பிறந்தன.

சின்மயி கர்ப்பமாக இருக்கும் தகவலை வெளியிடாமல் இருந்ததால், அவர் வாடகைத் தாய் மூலம் குழந்தை பெற்றுக்கொண்டாரா என்கிற சர்ச்சையும் எழுந்தது. பின்னர் தான் கர்ப்பமாக இருக்கும் போது எடுத்த புகைப்படங்களை பதிவிட்டு அந்த சர்ச்சைகளுக்கெல்லாம் முற்றுப்புள்ளி வைத்தார்.

குழந்தை பிறந்த பின்னர் அவர்களின் புகைப்படங்களை வெளியிடாமல் இருந்து வந்த சின்மயி, அவர்களின் முதல் பிறந்தநாளன்று முதன்முறையாக குழந்தைகளின் புகைப்படங்களை பதிவிட்டு ரசிகர்களுக்கு சர்ப்ரைஸ் கொடுத்துள்ளார். குழந்தைகளின் புகைப்படங்களை பார்த்த ரசிகர்கள் கியூட்டாக இருப்பதாக கமெண்ட் செய்து வருகின்றனர்.

இதையும் படியுங்கள்...  சிம்பு, விஷால் உள்பட 5 நடிகர்களுக்கு ரெட் கார்டு! அதிரடி ஆக்‌ஷனில் இறங்கிய தயாரிப்பாளர் சங்கம் - பின்னணி என்ன?