டிஆர்பி ரேஸில் அதிரடி மாற்றம்; இந்த வார டாப் 10 தமிழ் சீரியல்கள் லிஸ்ட் இதோ

சன் டிவியின் சிங்கப்பெண்ணே சீரியல் முதல், ஜீ தமிழின் சந்தியா ராகம் சீரியல் வரை இந்த வாரம் அதிக டிஆர்பி பெற்ற டாப் 10 சீரியல்களை பற்றி பார்க்கலாம்.

Top 10 Tamil Serial TRP Rating : சீரியல்களின் வெற்றியோ... தோல்வியோ, அதன் டிஆர்பி ரேட்டிங்கை வைத்து தான் மதிப்பிடப்படுகிறது. ஒவ்வொரு வாரமும் சீரியல்களின் டிஆர்பி பட்டியல் வெளியிடப்படும். அந்த வகையில் 2025-ம் ஆண்டின் 15வது வாரத்திற்கான டாப் 10 தமிழ் சீரியல்களின் டிஆர்பி பட்டியல் இன்று வெளியாகி உள்ளது. இதில் வழக்கம் போல் சன் டிவி சீரியல்கள் ஆதிக்கம் செலுத்தி இருந்தாலும், அதற்கு டஃப் கொடுக்கும் விதமாக விஜய் டிவி மற்றும் ஜீ தமிழ் சீரியல்களும் வரிசைகட்டி நிற்கின்றன. அதன் டாப் 10 பட்டியலை பார்க்கலாம்.

sandhiya raagam Serial

டாப் 10ல் சந்தியா ராகம்

கடந்த வாரம் ஜீ தமிழின் அண்ணா சீரியல் 10வது இடத்தை பிடித்திருந்த நிலையில், இந்த வாரம் ஜீ தமிழின் மற்றொரு சூப்பர் ஹிட் சீரியலான சந்தியா ராகம் சீரியல் 5.29 டிஆர்பி ரேட்டிங் உடன் 10ம் இடத்தை பிடித்துள்ளது. கடந்த வாரத்தை போல் இந்த வாரம் 8 மற்றும் 9வது இடங்களை விஜய் டிவியின் அய்யனார் துணை மற்றும் பாண்டியன் ஸ்டோர்ஸ் 2 சீரியல்கள் பிடித்துள்ளன. இதில் அய்யனார் துணை சீரியலுக்கு 6.70 டிஆர்பியும், பாண்டியன் ஸ்டோர்ஸ் 2 சீரியலுக்கு 6.10 டிஆர்பி புள்ளிகளும் கிடைத்துள்ளது.

இதையும் படியுங்கள்... புது சீரியல் வரவால்; 2 முக்கிய சீரியல்களின் நேரத்தை அதிரடியாக மாற்றிய விஜய் டிவி!

Serial TRP

சரிவை சந்தித்த சிறகடிக்க ஆசை சீரியல்

சன் டிவியின் அன்னம் சீரியல் கடந்த வாரம் 7-வது இடத்தில் இருந்ததை போல் இந்த வாரமும் 7.15 டிஆர்பி ரேட்டிங் உடன் அதே இடத்தை தக்கவைத்துள்ளது. அடுத்ததாக ஆறாவது இடத்தில் எதிர்நீச்சல் 2 சீரியல் உள்ளது. இந்த சீரியலுக்கு 7.20 டிஆர்பி புள்ளிகள் கிடைத்துள்ளன. கடந்த வாரம் 4ம் இடத்தில் இருந்த விஜய் டிவியின் சிறகடிக்க ஆசை சீரியல் இந்த வாரம் ஒரு இடம் பின்னுக்கு தள்ளப்பட்டு டாப் 10 பட்டியலில் 5ம் இடத்தை பிடித்துள்ளது. இந்த சீரியலுக்கு 7.52 டிஆர்பி புள்ளிகள் கிடைத்துள்ளன.

Top 10 Serial

ஆதிக்கம் செலுத்தும் சன் டிவி சீரியல்கள்

டாப் 10 ரேஸில் முதல் நான்கு இடங்களை சன் டிவி சீரியல்கள் தான் ஆக்கிரமித்து உள்ளன. கடந்த வாரம் 5ம் இடத்தில் இருந்த மருமகள் சீரியல் இந்த வாரம் ஒரு இடம் முன்னேறி 7.87 புள்ளிகளுடன் 4ம் இடத்தில் இருக்கிறது. வழக்கம்போல் சிங்கப்பெண்ணே, மூன்று முடிச்சு மற்றும் கயல் ஆகிய சீரியல்கள் தான் முதல் மூன்று இடங்களை பிடித்துள்ளது. 3ம் இடத்தில் உள்ள கயல், 8.53 டிஆர்பியையும், இரண்டாம் இடத்தில் உள்ள மூன்று முடிச்சு 8.89 புள்ளிகளையும், முதலிடத்தில் உள்ள சிங்கப்பெண்ணே சீரியல் 9.27 டிஆர்பி ரேட்டிங்கையும் பெற்றுள்ளது.

இதையும் படியுங்கள்... Pandian Stores 2: ராஜீக்கு வலுக்கும் எதிர்ப்பு? சரவணனிடம் சிக்குவாரா தங்கமயில்!