Hansika Marriage: தோழியின் கணவருக்கு இரண்டாவது மனைவியாகும் ஹன்சிகா..! வெளியான ஷாக்கிங் தகவல்!

நடிகை ஹன்சிகா தன்னுடைய தோழியின் கணவரை தான் இரண்டாவதாக திருமணம் செய்து கொள்ள உள்ளதாக ஒரு தகவல் சமூக வலைத்தளத்தில் தீயாக பரவி வருகிறது.  

பாலிவுட் திரையுலகில் குழந்தை நட்சத்திரமாக நடித்து, தமிழில் தனுஷுக்கு ஜோடியாக 'மாப்பிள்ளை' படத்தின் மூலம் ஹீரோயினாக அவதாரம் எடுத்தவர் ஹன்சிகா. கொழுக்கு மொழுக்கு அழகில் முதல் படத்திலேயே ரசிகர்கள் மனதை வசீகரித்த ஹன்சிகா, அடுத்தடுத்து முன்னணி நடிகர்கள் படங்களில் நடிக்கும் வாய்ப்பை பெற்றார்.

அந்த வகையில், ஜெயம் ரவி, விஜய், சூர்யா, சிம்பு என முன்னணி நடிகர்களின் படங்களில் நடித்தார். இவர் சிம்புவுடன் 'வாலு' படத்தில் நடித்த போது, இருவருக்கும் இடையே காதல் மலர்ந்தது. இதை தொடர்ந்து திருமணம் வரை இந்த விஷயம் சென்ற நிலையில், திடீர் கருத்து வேறுபாடு காரணமாக பிரேக் அப்பில் முடிந்தது.

திருமண வாழ்க்கையில் இருவரும் ஒன்று சேரவில்லை என்றாலும், சிம்பு - ஹன்சிகா இருவருமே நட்பு ரீதியில் பழகி வருகிறார்கள். ஹன்சிகா கேட்டுக்கொண்டதற்கு இணங்க, சிம்பு ஹன்சிகா கதையின் நாயகியாக நடித்த, மஹா படத்தில் சிறப்பு வேடத்தில் நடித்திருந்தார் என்பதும் குறிப்பிடத்தக்கது.

ஹன்சிகா நடிப்பில் சமீபத்தில் வெளியான திரைப்படங்கள் தொடர்ந்து தோல்வியை தழுவி வருவதால்... ஹன்சிகா திருமணம் செய்து கொண்டு, செட்டில் ஆக முடிவு செய்து விட்டார். இந்த தகவலை உறுதி செய்யும் விதமாக, சமீபத்தில்... வருங்கால கலந்தவர் சோஹைல் புரபோஸ் செய்த காதல் புகைப்படங்கள் சிலவற்றை பகிர்ந்தார்.

இதை தொடர்ந்து, ஹன்சிகாவின் திருமணம் டிசம்பர் மாதம் 4 ஆம்  நடைபெற உள்ளதாக கூறப்படுகிறது. இந்த திருமணத்தை... ராஜஸ்தான் மாநிலம் ஜெய்ப்பூரில் உள்ள 450 ஆண்டுகள் பழமை வாய்ந்த அரண்மனையில் நடத்த அவர்களது குடும்பத்தினர் திட்டமிட்டுள்ளதாகவும், எனவே இந்த அரண்மனையை புதுப்பிக்கும் பணிகளும் துவங்கியுள்ளதாக கூறப்படுகிறது.

ஹன்சிகாவின் திருமண ஏற்பாடுகள் ஒருபுறம் நடந்து வரும் நிலையில், ரசிகர்கள் பலரும் ஹன்சிகா திருமணம் செய்து கொள்ள உள்ள தொழிலதிபர் சோஹைல் கதுரியா யார் என்பதை தெரிந்து கொள்வதில் அதிக ஆர்வம் காட்டி வருகிறார்கள். 

இதுகுறித்து தற்போது வெளியாகியுள்ள தகவலின் படி, ஹன்சிகாவின் தோழி ரிக்கி என்பவரின் கணவர் தான் சோஹைல். கடந்த 2016 ஆம் ஆண்டு சோஹாலுக்கு, ரிங்கியுடன் திருமணம் நடந்த போது, அந்த திருமணத்திற்கு ஹன்சிகாவும் சென்றுள்ளார். இதுகுறித்த சில புகைப்படங்கள் மற்றும் வீடியோக்கள் வெளியாகி வருகிறது. தொழிலதிபர் சோஹைலை ஹன்சிகா இரண்டாவது திருமணம் செய்து கொள்ள உள்ள தகவல் ரசிகர்களை உச்சகட்ட அதிர்ச்சியில் ஆழ்த்தியுள்ளது குறிப்பிடத்தக்கது.