ப்ளீஸ் ‘அந்த’ போட்டோ போடுங்கனு கெஞ்சிய ரசிகர்கள்... டிமாண்ட் அதிகமானதால் டக்குனு போட்டு பக்குனு ஆக்கிய சிவானி
shivani Narayanan : பிறந்தநாள் கொண்டாட்ட வீடியோவை மட்டும் இன்ஸ்டாகிராமில் பதிவிட்டிருந்த சிவானி, அதுகுறித்த புகைப்படங்களை பதிவிடாமல் இருந்துவந்தார்.
பகல் நிலவு சீரியலில் பப்ளி பேபியாக அறிமுகமானவர் சிவானி. ஸ்கூல் படிக்கும்போதே அந்த தொடரில் சைடு ரோலில் நடிக்க ஒப்பந்தமான சிவானி, பின்னர் சிக்கென உடல் எடையை குறைத்து அதிலேயே ஹீரோயினாக நடிக்கும் அளவுக்கு உயர்ந்தார். அதற்கு பின் கடைக்குட்டி சிங்கம், ரெட்டை ரோஜா போன்ற சீரியல்களில் நடித்த சிவானி, தன்னை அடுத்தகட்டத்திற்கு கொண்டு செல்ல பிக்பாஸ் நிகழ்ச்சியை பயன்படுத்திக் கொண்டார்.
அதன்மூலம் இளசுகள் மத்தியில் பேமஸ் ஆன சிவானி, ரசிகர்களை தன்வசம் கட்டிப்போட தினந்தோறும் தனது இன்ஸ்டாகிராம் பக்கத்தில் கவர்ச்சி புகைப்படங்களை வெளியிட்டு ரசிகர்கூட்டத்தை பெருக்கினார். இதன் பயனாக அவருக்கு சினிமாவில் அடுத்தடுத்து பட வாய்ப்புகளும் குவிந்து வருகின்றன. இவரது அறிமுக படமாக கமலின் விக்ரம் அமைந்துள்ளது.
லோகேஷ் கனகராஜ் இயக்கியுள்ள அப்படத்தில் நடிகர் விஜய் சேதுபதிக்கு ஜோடியாக சிவானி நடித்துள்ளதாக கூறப்படுகிறது. இதுதவிர வெற்றிக்கு ஜோடியாக பம்பர், ஆர்.ஜே.பாலாஜி இயக்கத்தில் ஒரு படம், பொன்ராம் இயக்கத்தில் ஒரு படம், வடிவேலுவின் நாய்சேகர் என நடிகை சிவானி காட்டில் பட மழை குவிந்து கிடக்கிறது.
நடிகை சிவானி கடந்த சில தினங்களுக்கு முன்னர் தனது பிறந்தநாளை கிராண்டாக கொண்டாடினார். இதில் பிக்பாஸ் பிரபலங்கள், திரையுலக பிரபலங்கள் கலந்துகொண்டு அவருக்கு வாழ்த்துக்களை தெரிவித்தனர். பிறந்தநாள் கொண்டாட்ட வீடியோவை மட்டும் இன்ஸ்டாகிராமில் பதிவிட்டிருந்த சிவானி, அதுகுறித்த புகைப்படங்களை பதிவிடாமல் இருந்துவந்தார்.
வெள்ளை நிறத்தில் மினுமினுக்கு டைட்டான உடையணிந்து அவர் பிறந்தநாள் கொண்டாடி இருந்தார். அந்த புகைப்படங்களை வெளியிடுமாறு ரசிகர்கள் தொடர்ந்து அவரிடம் வேண்டுகோள் விடுத்து வந்துள்ளனர். ரசிகர்களின் அன்புத்தொல்லையை அடுத்து அந்த புகைப்படங்களை தற்போது பதிவேற்றி உள்ளார் சிவானி. அதில் ரொம்ப டிமாண்ட் இருந்ததால் இதனை பதிவிடுவதாக குறிப்பிட்டிருந்தார்.
இதையும் படியுங்கள்... Rakshan : ஒரு எபிசோடுக்கு இவ்வளவா... ரக்ஷனின் சம்பளத்தை கேட்டு ஷாக் ஆன ரசிகர்கள்