Rakshan : ஒரு எபிசோடுக்கு இவ்வளவா... ரக்ஷனின் சம்பளத்தை கேட்டு ஷாக் ஆன ரசிகர்கள்
Rakshan : குக் வித் கோமாளி நிகழ்ச்சியை திறம்பட தொகுத்து வழங்கிய ரக்ஷனுக்கு அண்மையில் நடந்து முடிந்த விஜய் டெலிவிஷன் அவார்ட்ஸ் நிகழ்ச்சியில் சிறந்த தொகுப்பாளருக்கான விருது வழங்கப்பட்டது.
விஜய் டிவியில் ஒளிபரப்பான கலக்கப்போவது யாரு நிகழ்ச்சியின் மூலம் தொகுப்பளராக அறிமுகமானவர் ரக்ஷன். இந்நிகழ்ச்சியில் தொகுப்பாளராக கலக்கியதோடு, நடிப்பிலும் அசத்தினார். இதனால் அவருக்கு பட வாய்ப்புகளும் கிடைத்தன. இதையடுத்து திருட்டு ரயில் என்கிற படம்மூலம் நடிகராக அறிமுகமானார் ரக்ஷன்.
கடந்த 2020-ம் ஆண்டு தேசிங்கு பெரியசாமி இயக்கத்தில் வெளியான கண்ணும் கண்ணும் கொள்ளையடித்தால் படத்தில் துல்கர் சல்மானுக்கு நண்பனாக நடித்து அசத்தினார். அப்படத்தின் அவரது நடிப்புக்கு பாராட்டுக்களும் கிடைத்தன. இதன்பின்னர் ஒரு சில மியூசிக் வீடியோக்களில் நடித்த ரக்ஷன், குக் வித் கோமாளி நிகழ்ச்சியை கடந்த 3 சீசன்களாக தொகுத்து வழங்கி வருகிறார்.
இந்நிகழ்ச்சியை திறம்பட தொகுத்து வழங்கிய ரக்ஷனுக்கு அண்மையில் நடந்து முடிந்த விஜய் டெலிவிஷன் அவார்ட்ஸ் நிகழ்ச்சியில் சிறந்த தொகுப்பாளருக்கான விருது வழங்கப்பட்டது. இவர் பைக் ரேஸிங்கிலும் ஆர்வம் காட்டி வருகிறார். இதற்காக பிரத்யேக பயிற்சியும் மேற்கொண்டு வருகிறார்.
இந்நிலையில், ரக்ஷனின் சம்பள விவரம் வெளியாகி உள்ளது. அதன்படி இவர் ஒரு எபிசோடு தொகுத்து வழங்க 1 லட்சம் ரூபாய் சம்பளமாக பெற்று வருவதாக கூறப்படுகிறது. இதைப்பார்த்த ரசிகர்கள் ஆச்சர்யத்தில் ஆழ்ந்துள்ளனர். அவர் படங்களில் நடிக்கத் தொடங்கிய பின்னர் தனது சம்பளத்தை கூட்டிவிட்டதாக கூறப்படுகிறது.
இதையும் படியுங்கள்... Prakash raj : முதல்வருடன் திடீர் மீட்டிங்... விரைவில் எம்.பி. ஆகிறார் நடிகர் பிரகாஷ் ராஜ்?
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.