கர்ப்பமாக இருக்கும் தகவலை புகைப்படம் வெளியிட்டு உறுதி செய்த 'யாரடி நீ மோகினி' சீரியல் நடிகை நக்ஷத்ரா..!

'யாரடி நீ மோகினி'  சீரியல் மூலம், பிரபலமான நடிகை நக்ஷத்ரா கடந்தாண்டு தன்னுடைய காதலரை திருமணம் செய்து கொண்ட நிலையில், புகைப்படம் வெளியிட்டு கர்ப்பமாக இருக்கும் தகவலை உறுதி செய்துள்ளார்.

தமிழில் 2016 ஆம் ஆண்டு வெளியான 'கிடாரி பூசாரி மகுடி' என்கிற படத்தின் மூலம் கதாநாயகியாக அறிமுகமானவர் நக்ஷத்ரா. முதல் படத்திலேயே கிராமத்து பெண் வேடத்திற்கு பொருந்தி நடித்த இவருக்கு அடுத்தடுத்து பட வாய்ப்புகள் கிடைக்காததால், அதிரடியாக சீரியலின் உள்ளே நுழைந்தார்.

nakshatra

அந்த வகையில் ஜீ தமிழ் தொலைக்காட்சியில் இவர் நடித்த 'யாரடி நீ மோகினி' சீரியல் ரசிகர்கள் மத்தியில் இவரை மிகவும் பிரபலமாகியது. சின்னத்திரை ரசிகர்களின் மனதை கவர்ந்த வெண்ணிலாவாக மாறிய நக்ஷத்ரா, கடந்த ஆண்டு தன்னுடைய காதலர் விஷ்வா என்பவரை திடீரென ரகசிய திருமணம் செய்து கொண்டது பரபரப்பாக பேசப்பட்டது.

இது குறித்து பேட்டியளித்த நக்ஷத்ரா, தன்னுடைய தாத்தாவிற்கு உடல்நிலை சரியில்லாத காரணத்தின் காரணமாகவே... திடீரென தங்களின் திருமணம் நடந்ததாகவும், திருமணம் நடைபெற உள்ளது குறித்து தங்களுக்கே ஒரு வாரத்திற்கு முன்னர் தான் தெரியும் என்பது போல் கூறினார்.  திருமணத்திற்கு மிகவும் குறைவான நாட்களே இருந்த காரணத்தால், இதனை வெளிப்படுத்தவில்லை என கூறியிருந்தார்.

இந்நிலையில் கடந்த மாதமே நக்ஷத்ரா கர்ப்பமாக இருப்பதாகவும், எனவே இவரின் தோழிகள் அடிக்கடி அவரை சந்தித்து நலம் விசாரித்து வருவதாக கூறப்பட்ட நிலையில்,  இது குறித்து உறுதியான தகவல்கள் வெளியாகாமல் இருந்தது.

இந்த தகவலை உறுதி செய்யும் விதமாக, தற்போது நட்சத்திர தன்னுடைய பேபி பம்ப் தெரியும் புகைப்படத்தை வெளியிட்டு, கர்ப்பமாக இருக்கும் மகிழ்ச்சியான செய்தியை அறிவித்துள்ளார். இதை தொடர்ந்து, இவருக்கு ரசிகர்கள் தங்களின் வாழ்த்துக்களை தெரிவித்து வருகின்றனர்.