பாக்ஸ் ஆபிஸில் மரண அடி வாங்கிய லெஜண்ட் திரைப்படம்... முதல் நாள் வசூல் இவ்வளவு தானா?

The Legend movie : ஜேடி மற்றும் ஜெர்ரி இயக்கத்தில் சரவணன் அருள் நாயகனாக நடித்துள்ள தி லெஜண்ட் படத்தின் முதல் நாள் வசூல் நிலவரம் வெளியாகி உள்ளது.

தொழிலதிபரான சரவணன் அருள், தமிழ் சினிமாவில் ஹீரோவாக அறிமுகமாகி உள்ள படம் தான் தி லெஜண்ட். இப்படத்தை அஜித்தின் உல்லாசம், ஷெரின் நடித்த விசில் போன்ற படங்களை இயக்கிய ஜேடி மற்றும் ஜெர்ரி இயக்கி உள்ளனர். இப்படத்தில் ஹீரோயினாக பாலிவுட் கவர்ச்சி நடிகை ஊர்வசி ரவ்துலா நடித்துள்ளார். வில்லனாக சுமன் நடிக்க, விவேக் மற்றும் யோகிபாபு ஆகியோர் நகைச்சுவை வேடங்களில் நடித்துள்ளனர்.

தமிழ் சினிமாவில் கடந்த சில ஆண்டுகளாக தலைகாட்டாமல் இருந்து வந்த ஹாரிஸ் ஜெயராஜ் இப்படத்தின் மூலம் ரீ-எண்ட்ரி கொடுத்துள்ளார். இப்படத்தின் பாடல்கள் நல்ல வரவேற்பை பெற்றன. இப்படத்தில் நடிகைகள் யாஷிகா மற்றும் ராய் லட்சுமி ஆகியோர் ஒரு பாடலுக்கு மட்டும் கவர்ச்சி நடனம் ஆடி உள்ளனர்.

இதையும் படியுங்கள்... பிரபல நடிகர் மேடையிலேயே மயங்கி விழுந்து மரணம்..! திரையுலகினர் அதிர்ச்சி!

பிரம்மாண்டமாக தயாரான தி லெஜண்ட் திரைப்படம் நேற்று உலகம் முழுவதும் தமிழ், தெலுங்கு, இந்தி, கன்னடம், மலையாளம் ஆகிய 5 மொழிகளில் வெளியானது. குறிப்பாக 2500 திரையரங்குகளுக்கு மேல் இப்படம் திரையிடப்பட்டது. இவ்வளவு பிரம்மாண்டமாக எடுக்கப்பட்டும் இப்படம் கலவையான விமர்சனங்களை தொடர்ந்து பெற்று வருகிறது. எனவே இனி வரும் நாட்களில் எதிர்பார்த்ததை விட வசூல் குறையும் என எதிர்பார்க்கப்படுகிறது.

இந்நிலையில், இப்படத்தின் முதல் நாள் வசூல் நிலவரம் வெளியாகி உள்ளது. அதன்படி இப்படம் முதல் நாளில் ரூ.7 கோடி மட்டுமே வசூலித்துள்ளதாகவும் கூறப்படுகிறது. மிகப்பெரிய பொருட்செலவில் ஒரு பாடலுக்கு மட்டுமே பல கோடிகளை செலவு செய்து எடுக்கப்பட்ட இப்படம், இவ்வளவு குறைவாக வசூல் செய்துள்ளது... படக்குழுவினருக்கு மிகப்பெரிய ஏமாற்றத்தை கொடுத்துள்ளது என கூறலாம்.. 

இதையும் படியுங்கள்...  ஜவான் படத்தில் ஷாருக்கானுக்கு வில்லனா நடிக்க விஜய்சேதுபதி கேட்ட சம்பளத்தால் ஜெர்க் ஆன பாலிவுட் தயாரிப்பாளர்கள்