Bigg boss season 9 tamil: சாண்ட்ரா அவுட்! திவ்யாவுக்கு அடித்தது ஜாக்பாட்! பிக் பாஸ் 9 மகுடம் யாருக்கு?

பிக் பாஸ் தமிழ் 9 இறுதிப்போட்டியை நெருங்குகிறது. எதிர்பாராத விதமாக சாண்ட்ரா வெளியேற்றப்பட்ட நிலையில், பணப்பெட்டியை எடுத்துக்கொண்டு வினோத் வெளியேறினார். இதனால், டைட்டில் வின்னர் ரேஸில் திவ்யா கணேஷ் முன்னிலை வகிக்கிறார்.

Image Credit : Asianet News

மகுடம் சூடப்போவது திவ்யா கணேஷா?

பிக் பாஸ் தமிழ் சீசன் 9 அதன் உச்சக்கட்டத்தை எட்டியுள்ளது. 98 நாட்களைக் கடந்து, இன்னும் சில நாட்களில் கிராண்டு ஃபினாலே நடைபெறவிருக்கும் நிலையில், எதிர்பாராத திருப்பமாக சாண்ட்ரா இந்த வாரம் வீட்டை விட்டு வெளியேற்றப்பட்டுள்ளார். இது பிக் பாஸ் ரசிகர்களிடையே பெரும் விவாதத்தை கிளப்பியுள்ளது.

Image Credit : Jio Hot Star

பணப்பெட்டியும் பாசப்போராட்டமும்

இந்த வாரத்தின் முக்கிய நிகழ்வாக 'பணப்பெட்டி' டாஸ்க் அமைந்தது. இதில் ரூ. 18 லட்சம் வரை தொகை உயர்ந்தபோது, கானா வினோத் அந்தப் பணத்தை எடுத்துக்கொண்டு போட்டியிலிருந்து விலகினார். வினோத்தின் இந்த முடிவுக்கு பின்னால் அரோராவின் மூளைச்சலவை இருப்பதாக ரசிகர்கள் விமர்சித்தாலும், வினோத்தின் மனைவி பாக்யா, "இதுவே எங்களுக்குப் போதும்" என்று பெருந்தன்மையுடன் கூறியது அனைவரின் மனதையும் வென்றது.

Image Credit : Jio Hot Star

சாண்ட்ராவின் பயணம் முடிவுக்கு வந்தது

வைல்டு கார்டு என்ட்ரியாக 28-வது நாளில் உள்ளே நுழைந்த சாண்ட்ரா, பல சவால்களைத் தாண்டி 98 நாட்கள் வரை தாக்குப்பிடித்தார். அவர் அழுதுகொண்டே நாட்களைக் கடத்துகிறார் என்ற விமர்சனம் ஒருபுறம் இருந்தாலும், அவரே டைட்டில் வின்னர் ஆகக்கூடும் என்று ஒரு தரப்பினர் கணித்தனர். ஆனால், இறுதிப்போட்டிக்கு ஒரு வாரமே உள்ள நிலையில் அவர் எவிக்ட் செய்யப்பட்டது ரசிகர்களுக்கு அதிர்ச்சியை அளித்துள்ளது. இருப்பினும், முன்னாள் போட்டியாளர்கள் விருந்தினர்களாக வரவுள்ளதால், அடுத்த வாரமே சாண்ட்ராவை மீண்டும் பிக் பாஸ் வீட்டில் பார்க்கலாம்.

Image Credit : Asianet News

திவ்யா கணேஷ் தான் வின்னரா?

இந்த சீசனில் ஒரு பெண் போட்டியாளர் தான் வெற்றி பெறுவார் என்ற பேச்சு ஆரம்பத்திலிருந்தே பலமாக உள்ளது. டைட்டில் ரேஸில் முன்னிலையில் இருந்த சாண்ட்ரா வெளியேறியதால், இப்போது ஒட்டுமொத்த பார்வையும் திவ்யா கணேஷ் மீது திரும்பியுள்ளது.

• திவ்யா ஆரம்பத்திலிருந்தே காட்டிய நிதானம்.
• டாஸ்க்குகளில் அவரது ஈடுபாடு.
• மக்களிடையே அவருக்கு இருக்கும் ஆதரவு.

இவை அனைத்தும் திவ்யாவை டைட்டில் வின்னர் மேடைக்கு மிக அருகில் கொண்டு சென்றுள்ளது. அரோரா போன்ற வலுவான போட்டியாளர்கள் இருந்தாலும், திவ்யாவுக்கு இருக்கும் 'க்ளீன் இமேஜ்' அவருக்கு வெற்றியைத் தேடித்தருமா என்பதைப் பொறுத்திருந்து தான் பார்க்க வேண்டும்.