சமந்தாவை விவாகரத்து செய்த ஒரே வருடத்தில்... நடிகையுடன் டேட்டிங் செய்யும் நாக சைதன்யா! வைரலாகும் புகைப்படம்!

17

டோலிவுட் திரை உலகில் முன்னணி நடிகராக இருக்கும், நாகர்ஜூனாவின் மூத்த மகன் நாக சைதன்யா, தற்போது வளர்ந்து வரும் முன்னணி நடிகர்களில் ஒருவராக இருக்கிறார். இவர் தெலுங்கில் நடிகை சமந்தா ஹீரோயினாக அறிமுகமான Ye Maaya Chesave படத்தில் நடித்த போது, இருவருக்கும் ஏற்பட்ட நட்பு, பின்னர் காதலாக மாறியது. இதை தொடர்ந்து சுமார் 7 வருடங்கள் காதலித்து, பெற்றோர் சம்மதத்துடன் இருவரும் திருமணம் செய்து கொண்டனர்.

27

இவர்களுடைய திருமணம் 2017 ஆம் ஆண்டு கோவாவில் மிகவும் பிரம்மாண்டமாக நடந்தது. இதில் பல பிரபலங்கள் கலந்து கொண்டு இவர்களை வாழ்த்தினர். திருமணத்திற்கு பின்னர் மிகவும் சந்தோஷமான நட்சத்திர ஜோடிகளாக வலம் வந்து கொண்டிருந்த சமந்தா மற்றும் நாக சைதன்யா இருவருமே, தொடர்ந்து திரைப்படங்களிலும் கவனம் செலுத்தி வந்தனர். குறிப்பாக சமந்தாவிற்கு திருமணத்திற்கு பிறகு அவர் நடித்த படங்கள் நல்ல வரவேற்பை பெற்று, அவருடைய திரை உலக வாழ்க்கையில் மிகப் பெரிய திருப்புமுனையை ஏற்படுத்தியது.

37

நடிப்பு, குடும்ப வாழ்க்கை என இரண்டையும் நேர்த்தியாக கொண்டு சென்றார் சமந்தா. இந்நிலையில் திடீரென சமந்தா மற்றும் நாக சைதன்யா இருவருக்கும் இடையே ஏற்பட்ட கருத்து வேறுபாடு யாரும் எதிர்பாராத விதமாக, இவர்கள் இருவரின் பிரிவுக்கும் காரணமாக அமைந்து விட்டது. மீண்டும் இருவரையும் சமாதானம் செய்ய நண்பர்கள் மற்றும் குடும்பத்தினர் பேச்சுவார்த்தை நடத்தியபோதும், இருவருமே தங்களுடைய பிரிவில் உறுதியாக இருந்ததால் ஒரு நிலையில் இருவருமே தங்களுடைய விவாகரத்து குறித்து வெளிப்படையாக அறிவித்தனர்.

47

விவாகரத்து முடிவால் சில நாட்கள் மன அழுத்தத்தில் இருந்த சமந்தா, பின்னர் அதில் இருந்து மீண்டு  மீண்டும்  திரையுலக பணியில் கவனம் செலுத்த துவங்கினார். நாக சைதன்யாவும் தன்னுடைய அடுத்தடுத்த படங்களில் கவனம் செலுத்தி வருகிறார். 

57

குறிப்பாக நடிகை சமந்தா விவாகரத்துக்கு பின்னர்  ஹாலிவுட்  திரையுலகிலும் நடிக்கும் வாய்ப்பை பெற்றார். இவர் நடிப்பில் சமீபத்தில் வெளியான யசோதா திரைப்படமும் வசூலில் மாஸ் காட்டி வருகிறது.

67

சமீபத்தில் நடிகை சமந்தா திடீரென தனக்கு மயோசிட்டிஸ் பிரச்சனை இருப்பதாகவும் கூறி அதிர்ச்சி கொடுத்த நிலையில், ரசிகர்கள் விரைவில் அவர் குணமடைய தங்களின் வாழ்த்துக்களை தொடர்ந்து தெரிவித்து வருவதை பார்க்க முடிகிறது. அதே போல் சமந்தாவின் முன்னாள் கணவரான நாக சைதன்யாவும் சமந்தாவை நேரில் சென்று பார்த்ததாகவும், பின்னர் போன் செய்து அவருடைய உடல்நிலை குறித்து விசாரித்ததாகவும் சில தகவல்கள் பரவியது. ஆனால் சமந்தா தரப்பில் இருந்து அப்படி வெளியான தகவல்களில் எந்த உண்மையையும் இல்லை என கூறப்பட்டது.

77

தற்போது சமந்தா ஹைதராபாத்தில் உள்ள தன்னுடைய வீட்டில் ஓய்வெடுத்து வருகிறார். அதே சமயம் சமந்தாவை பிரிந்து ஒரு வருடம் கூட ஆகாத நிலையில், நடிகர் நாக சைதன்யா நடிகை சோபித்த துளிபாலாவுடன் வெளிநாட்டிற்கு டேட்டிங் செய்யும் புகைப்படங்கள் வெளியாகி ரசிகர்களை அதிர்ச்சி அடைய செய்துள்ளது. சோபிதா பொன்னியின் செல்வன் படத்தில், வானதி கதாபாத்திரத்தில், அதாவது அருண் மொழி வர்மனுக்கு ஜோடியாக நடித்துள்ளார் என்பது குறிப்பிடத்தக்கது.