ஷாலினி ரொம்ப கொடுத்து வைச்சுருக்கணும்! அவங்க இந்த ஒண்ணு மட்டும் செய்ய கூடாது! சபிதா ஜோசப் அட்வைஸ்

சமீபத்தில் அறுவை சிகிச்சை செய்துகொண்ட முன்னாள் நடிகையும் நடிகர் அஜித்தின் மனைவியுமான ஷாலினிக்கு சினிமா விமர்சகர் சபிதா ஜோசப் முக்கியமான அறிவுரையைக் கூறியுள்ளார்.

தமிழ் சினிமாவில் முன்னணி நடிகராக வலம் வரும் நடிகர் அஜித் தன்னுடன் நடித்த நடிகை ஷாலினியை காதலித்துத் திருமணம் செய்துகொண்டார். இன்று வரை அஜித் - ஷாலினி இருவரும் ஒரு ஐடியலான ஜோடியாகப் பார்க்கப்படுகிறார். இந்நிலையில், சினிமா விமர்சகர் சபிதா ஜோசப் அவர்களைப் பற்றி புதிய தகவல்களைப் பகிர்ந்துகொண்டிருக்கிறார்.

அண்மையில் ஷாலினிக்கு ஒரு அறுவைசிகிச்சை செய்யப்பட்டுள்ளது. 'விடாமுயற்சி' சூட்டிங்கில் இருந்த அஜித் மனைவியை கவனித்துக்கொள்வதற்காக அசர்பைஜானில் இருந்து சென்னை வந்தார். இப்படி ஒரு கணவர் கிடைக்க ஷாலினி கொடுத்து வைத்திருக்க வேண்டும் என்று சபிதா ஜோசப் கூறியுள்ளார்.

ஷாலினி போன்ற பெண் மனைவியாகக் கிடைக்க அஜித்தும் கொடுத்து வைத்திருக்க வேண்டும் எனவும் அவர் தெரிவித்துள்ளார். மனைவி மீது அளவில்லாத அன்பு கொண்ட அஜித், ஒவ்வொரு வருடமும் ஷாலினிக்கு பிறந்தநாள் வாழ்த்து சொல்ல மறந்ததில்லை என்றும் கூறியுள்ளார். சமீபத்தில் ஷாலினி தனது பிறந்தநாளை அஜித்துடன் கொண்டாடிய படங்கள் வெளியானதையும் அவர் சுட்டிக்காட்டினார்.

ஷாலினிக்கு கர்ப்பப்பை பிரச்சினை காரணமாக அறுவை சிகிச்சையை நடந்திருக்கிறது என்றும் அறுவை சிகிச்சைக்கு முடிந்த சில நாட்களில் ஷாலினி ஷாலினித் திரும்பிவிட்டார் என்றும் சபிதா ஜோசப் தெரிவிக்கிறார். ஆனால், அதிகமாக வெயிட் தூக்கக்கூடாது; அப்போதுதான் சீக்கிரம் இயல்பு வாழ்க்கைக்குத் திரும்ப முடியும் என்றும் சபிதா ஜோசப் கூறியுள்ளார்.