Jailer OTT: வசூலில் மிரட்டி வரும் ரஜினிகாந்தின் 'ஜெயிலர்' ஓடிடி ரிலீஸ் தேதி இதுவா? கசிந்தது தகவல்!

திரையரங்குகளில் வசூலில் மாஸ் காட்டி வரும், ஜெயிலர் திரைப்படம் ஓடிடி எப்போது ரிலீஸ் ஆக வாய்ப்புள்ளது என்கிற தகவல் தற்போது சமூக வலைத்தளத்தில் பேசுபொருளாக மாறியுள்ளது. 

இயக்குனர் நெல்சன் திலீப் குமார் இயக்கத்தில், விஜய் நடித்து வெளியான 'பீஸ்ட்' மாபெரும் தோல்வி படமாக அமைந்த நிலையில், இந்த படத்தை தொடர்ந்து ரஜினிகாந்தை வைத்து இவர் இயக்கிய ஜெயிலர், மிகவும் எதிர்பார்க்கப்படும் படமாக மாறியது. ஜெயிலர் படத்தின் ஃபர்ஸ்ட் லுக் போஸ்டர் வெளியானதில் இருந்தே இந்த படம் எப்போது ரிலீஸ் ஆகும் என ரசிகர்கள் காத்திருந்த நிலையில், ஒருவழியாக 'ஜெயிலர்' கடந்த வாரம், ஆகஸ்ட் 10-ஆம் தேதி வெளியாகி தொடர்ந்து ரசிகர்கள் மத்தியில் நல்ல வரவேற்பை பெற்று வருகிறது.

உலகம் முழுவதும் ஜெயிலர் சுமார் 4000 திரையரங்குகளில் வெளியான நிலையில், அணைத்து பகுதியும் ரசிகர்கள் இந்த படத்தை கொண்டாடி வருகிறார்கள். படம் வெளியாகி 5 நாட்கள் ஆன பிறகும், இப்படம் ஹவுஸ் ஃபுல்லாக ஓடி கொண்டிருக்கிறது. அதே போல் இதுவரை சுமார் 350 கோடி வசூலித்துள்ளதாக தகவல் வெளியாகியுள்ளது. ஒருபக்கம் திரையரங்குகளில் 'ஜெயிலர்' திரைப்படம் வெற்றிநடை போட்டுக்கொண்டிருக்கும் நிலையில், மற்றொரு பக்கம் இப்படத்தின் ஓடிடி ரிலீஸ் பற்றிய தகவல்களும் வெளியாகி வருகிறது.

ஜெயிலரின் டிஜிட்டல் ஸ்ட்ரீமிங் உரிமையை கலாநிதி மாறனின் தயாரிப்பு நிறுவனமான சன் பிக்சர்ஸ் சன் நெஸ்ட் நிறுவனத்துடன் இணைந்து பெற்றுள்ளதாக கூறப்படுகிறது. எனவே படம் சன் நெஸ்ட் (Sun NXT) பிளாட்ஃபார்மில் ஒளிபரப்பாகும். மேலும், சன் நெட்வொர்க் அதன் தமிழ், தெலுங்கு, கன்னடம் மற்றும் மலையாளப் பதிப்புகளில் ஜெயிலரின் சாட்டிலைட் உரிமையைப் பெற்றுள்ளது.

ஜெயிலர், திரையரங்கில் 28 நாள் ஓடிய பின்னர்... சன் நெஸ்ட் ஓடிடி தளத்தில் வெளியாகும் என கூறப்படுகிறது. அதன்படி  செப்டம்பர் 6 அல்லது 7 ஆம் தேதி ஜெயிலர் ஓடிடி-யில் வெளியாக வாய்ப்புள்ளதாக கூறப்படுகிறது. இந்த தகவல், தலைவரின் ரசிகர்களை மேலும் உச்சாகமடைய வைத்துள்ளது. விரைவில் ஓடிடி ரிலீஸ் குறித்த தகவலும் வெளியாகும் என எதிர்பார்க்கப்படுகிறது.