ஒரே படத்தில் ரஜினி - கமல்..வேற லெவலில் தயாராகும் லோகேஷ் கூட்டணி!

நெல்சன் இயக்கத்தில் ரஜினி நடித்து வரும் ஜெயிலர்  படத்தை அடுத்து லோகேஷ் கனகராஜ் இயக்கத்தில் சூப்பர் ஸ்டார் இணைவார் என தெரிகிறது.

vikram movie

கார்த்தியின் கைதி படத்தின் மூலம் புகழ்பெற்ற லோகேஷ் கனகராஜ் ,பின்னர்  மாஸ்டர் படத்தை இயக்கினார். டார்க் மூவியாக கருதப்படும் கைதி படம் முழுக்க இரவில் எடுக்கப்பட்டது. பாடல்கள் இன்றி மிகவும் விறுவிறுப்பாக சென்ற கைதி படம் ரசிகர்கள் மத்தியில் மிகுந்த வரவேற்பை பெற்றது.  அடுத்து விஜயின் மாஸ்டர் படத்தை லோகேஷ் தன் கையில் எடுத்தார். இந்தப் படமும் கைதிகள் சார்ந்த படமாகவே இருந்தது. ஆனால் முந்தைய படத்தை விட சற்று மாறுதல் கொடுத்து இருந்த லோகேஷ் இந்த படத்தில் கொஞ்சம் கலகலப்பையும் பாடல்களையும் சேர்த்து இருந்தார்.

மேலும் செய்திகளுக்கு...சம்பளத்தை உயர்த்திய சூர்யா?..வெளியான சுவாரஸ்ய தகவல்

 மாஸ்டரும் நல்ல வரவேற்பை பெற்றதை தொடர்ந்து கமலின் விக்ரம் படம் இயக்கும் வாய்ப்பு கிடைத்தது அந்த படத்தை ராஜ்கமல் இன்டர்நெஷனல் பிலிம்ஸ் நிறுவனம் தயாரித்திருந்தது. முன்னதாக வெளியான தெலுங்கு படங்கள் அளவிற்கு தமிழ் படங்களின் வெற்றி அமையவில்லை என விமர்சனம் எழுந்து வந்த நிலையில்  விக்ரம் அத்தனை விமர்சனங்களையும் தொம்சம் செய்து ரூபாய் 400 கோடிக்கு மேல்  வசூலை குவித்து  மாஸ் காட்டியது. விஜய் சேதுபதி, பகத் பாஸில், சூர்யா என நட்சத்திர பட்டாளங்கள் குவிந்த இந்த படத்தை ரசிகர்கள் வெகுவாக பாராட்டினர்.

மேலும் செய்திகளுக்கு...சாதிவெறி பிடித்தவள் என விமர்சிக்கிறார்கள்.. இரவின் நிழல் நாயகியின் உருக்கமான பேட்டி!

கமலின் நான்கு வருட இடைவெளிக்கு பின் வெளியான இந்த படம் அவரின் சிறந்த படங்களில் முதல் இடத்தை பிடித்து விட்டது. அதோடு உலக அளவில் 300 கோடிக்கு மேல் வசூல் பாக்ஸ் ஆபிஸ் ஹீரோக்களில் ஒருவராகிவிட்டார் கமலஹாசன். இந்த படத்தின் வெற்றியைத் தொடர்ந்து இயக்குனர் லோகேஷ் கனகராஜிற்கு விலை உயர்ந்த கார் மற்றும் துணை இயக்குனர்களுக்கு பைக்குகளை கொடுத்த கமலஹாசன் சூர்யாவிற்கு விலை உயர்ந்த ஸ்மார்ட் வாட்சை பரிசாக கொடுத்திருந்தார்.

விக்ரம் வெற்றியை தொடர்ந்து லோகேஷுக்கு மற்றுமொரு பரிசாக ரஜினியை வைத்து இயக்கும் வாய்ப்பு கிட்டியது. அது குறித்தான அதிகாரப்பூர் தகவலும் வெளியானது. இதற்கென சூப்பர் ஸ்டாரை நேரில் சந்தித்த புகைப்படங்களை வெளியிட்டு கமலும், ரஜினியும் ஒரே மாதிரியான நட்புணர்வை கொண்டவர்கள் என பதிவிட்டு இருந்தார் இயக்குனர்.

மேலும் செய்திகளுக்கு...பிளாக் அண்ட் ஒயிட்டில் போல்ட் போஸ் கொடுத்த ஷாலினி பாண்டே..வைரல் போட்டோஸ் இதோ!

rajini, lokesh kanagaraj

இந்த கூட்டணியின் புதிய தகவலாக மீண்டும் கமலுடன் லோகேஷ் கனகராஜ் இணைய உள்ளதாக தகவல் பரவி வருகிறது. ஆனால் இந்த முறை கமல் தயாரிப்பாளராக வருவார் என தெரிகிறது. அதாவது நெல்சன் இயக்கத்தில் ரஜினி நடித்து வரும் ஜெயிலர்  படத்தை அடுத்து லோகேஷ் கனகராஜ் இயக்கத்தில் சூப்பர் ஸ்டார் இணைவார் என தெரிகிறது. இந்தப் படத்தை கமலஹாசனின் ராஜ் கமல் ஃபிலிம்ஸ்  தயாரிக்க உள்ளதாக கூறப்படுகிறது.