வாடகை தாய் சர்ச்சைக்கு மத்தியில்... விக்கி - நயனை வாழ்த்தி சர்ப்ரைஸ் கிப்ட் அனுப்பிய பொன்னியின் செல்வன் நடிகர்

நடிகை நயன்தாரா - இயக்குனர் விக்னேஷ் சிவன் ஜோடிக்கு கடந்த ஜூன் மாதம் தான் திருமணம் முடிந்தது. இன்னும் திருமண வீடியோவே நெட்பிளிக்ஸில் வெளியாகாத நிலையில், அதற்குள் தங்களுக்கு இரட்டைக் குழந்தைகள் பிறந்துவிட்டதாக அறிவித்து அதிர்ச்சி கொடுத்தது இந்த ஜோடி. கல்யாணமான நான்கே மாதத்தில் குழந்தையா என அனைவரும் ஷாக் ஆகினர்.

அதுமட்டுமின்றி இவர்கள் வாடகைத் தாய் முறையில் குழந்தை பெற்றுக்கொண்டதும் பெரும் சர்ச்சையை ஏற்படுத்தியது. இவர் சட்டத்தை மீறி அந்த முறையில் குழந்தை பெற்றுள்ளதாக சமூக வலைதளங்களில் விவாதித்து வந்தனர். ஆனால் வாடகைத் தாய் தடைச் சட்டத்தால் விக்கி - நயன் ஜோடிக்கு எந்தவித பாதிப்பும் இல்லை என்பதே சட்ட வல்லுநர்களின் கருத்தாக உள்ளது.

இதையும் படியுங்கள்... Biggboss Tamil: ஜிப் போடாமல் சிக்கிய ஜிபி முத்து!அண்ணா அண்ணான்னு கூப்பிட்டு இப்படி அசிங்கப்படுத்திட்டேயே மா!

இவ்வாறு நயன் - விக்கி ஜோடியை ஒருபுறம் சர்ச்சைகள் சூழ்ந்திருந்தாலும், மறுபுறும் வாழ்த்துக்கள் குவிந்த வண்ணம் உள்ளன. அந்தவகையில் நடிகர் கார்த்தி, தற்போது அவர்களுக்கு வாழ்த்து தெரிவித்து சர்ப்ரைஸாக பூங்கொத்து ஒன்றையும் பரிசாக அனுப்பி உள்ளார். இதனை தனது இன்ஸ்டாகிராம் பக்கத்தில் பகிர்ந்து விக்னேஷ் சிவன் நன்றி தெரிவித்துள்ளார்.

நடிகர் கார்த்தியும், நயன்தாராவும் காஷ்மோரா படத்தில் இணைந்து நடித்திருந்தனர் என்பது குறிப்பிடத்தக்கது. இந்த ஆண்டு விருமன், பொன்னியின் செல்வன் என வரிசையாக ஹிட் படங்களை கொடுத்து சக்சஸ்புல் நடிகராக வலம் வரும் கார்த்தி நடிப்பில், அடுத்ததாக சர்தார் திரைப்படம் ரிலீசாக உள்ளது. இப்படம் வருகிற 21-ந் தேதி திரைக்கு வர உள்ளது.

இதையும் படியுங்கள்... ஸ்கூல் படிக்கும்போதே சொந்தமாக கார் வாங்கி கலக்கும் ‘சூப்பர் சிங்கர்’ பூவையார் - குவியும் வாழ்த்துக்கள்