Thalapathy Fans Celebrate: விஜய் ரசிகர்களுக்கு ஜீவா கொடுத்த பொங்கல் ட்ரீட் .! கொண்டாட்டத்தில் தளபதி ரசிகர்கள்!

2026 பொங்கலுக்கு விஜய் படம் வெளியாகாத நிலையில், நடிகர் ஜீவா தனது 'தலைவர் தம்பி தலைமையில்' படத்தில் விஜய்க்காக ஒரு பிரத்யேக காட்சியை அர்ப்பணித்துள்ளார். இந்த காட்சியால் நெகிழ்ச்சியடைந்த விஜய் ரசிகர்கள், படத்திற்கு பெரும் ஆதரவளித்து

Image Credit : X

விஜய் ரசிகர்களுக்கு சர்ப்ரைஸ் ட்ரீட்.!

2026-ம் ஆண்டு பொங்கல் பண்டிகை தளபதி விஜய் ரசிகர்களுக்கு சற்று ஏமாற்றமாகவே தொடங்கியது. பெரிதும் எதிர்பார்க்கப்பட்ட 'ஜனநாயகன்' திரைப்படம் சென்சார் காரணங்களால் தள்ளிப்போனது ரசிகர்களை வாடச் செய்தது. ஆனால், அந்த ஏமாற்றத்தைப் போக்கும் வகையில், நடிகர் ஜீவா தனது ‘தலைவர் தம்பி தலைமையில்’ படத்தின் மூலம் விஜய் ரசிகர்களுக்கு ஒரு மிகப்பெரிய சர்ப்ரைஸ் ட்ரீட் கொடுத்துள்ளார்.

Image Credit : X

தளபதிக்கான பிரத்யேக சமர்ப்பணம்.!

நடிகர் ஜீவா எப்போதும் தன்னை ஒரு தீவிர விஜய் ரசிகராகவே அடையாளப்படுத்திக் கொள்பவர். 'நண்பன்' படத்தில் விஜய்யுடன் இணைந்து நடித்தது முதல், 'ஜில்லா' படத்தைத் தயாரித்தது வரை அவர்களது நட்பு திரையுலகம் அறிந்தது. தற்போது திரையரங்குகளில் வெற்றிகரமாக ஓடிக்கொண்டிருக்கும் 'தலைவர் தம்பி தலைமையில்' படத்தில், விஜய்க்காகவே ஒரு பிரத்யேகக் காட்சியை ஜீவா வைத்துள்ளார்.

சமீபத்தில் செய்தியாளர்களிடம் பேசிய ஜீவா, "இப்படத்தில் வரும் 'தேங்க்ஸ் நண்பன்' என்ற காட்சி முழுக்க முழுக்க விஜய் அண்ணாவிற்காக வைக்கப்பட்டது. அந்த காட்சியை அவருக்குத் தான் டெடிகேட் செய்கிறோம்" என்று அறிவித்துள்ளார். இது விஜய் ரசிகர்கள் மத்தியில் நெகிழ்ச்சியை ஏற்படுத்தியுள்ளது.

Image Credit : X

பாக்ஸ் ஆபீஸில் ஜீவாவின் அதிரடி

விஜய் படம் இல்லாத குறையைத் தீர்க்கும் வகையில், 'தலைவர் தம்பி தலைமையில்' படத்தை விஜய் ரசிகர்கள் தியேட்டர்களில் கொண்டாடி வருகின்றனர். இதன் விளைவாக, முதல் நாளை விட இரண்டாம் நாளில் வசூல் இரண்டு மடங்காக அதிகரித்துள்ளது. சிவகார்த்திகேயனின் 'பராசக்தி', கார்த்தியின் 'வா வாத்தியார்' ஆகிய படங்களுக்கு இணையாக விமர்சன ரீதியாக இப்படம் முதலிடத்தில் உள்ளது. குடும்ப ரசிகர்கள் மற்றும் இளைஞர்கள் என இருதரப்பினரும் படத்தை ரசிப்பதால் திரையரங்குகளின் எண்ணிக்கை அதிகரிக்கப்பட்டுள்ளது.

Image Credit : X

நெகிழ்ச்சியில் ரசிகர்கள்

சமூக வலைதளங்களில் "நன்றி ஜீவா அண்ணா" என விஜய் ரசிகர்கள் பதிவிட்டு வருகின்றனர். 'நண்பன்' படம் வெளியாகி 14 ஆண்டுகள் கழித்து, மீண்டும் ஒரு பொங்கல் சமயத்தில் தனது அன்பை வெளிப்படுத்திய ஜீவாவைத் தளபதி ரசிகர்கள் கொண்டாடித் தீர்க்கின்றனர். மொத்தத்தில், இந்த 2026 பொங்கல் நடிகர் ஜீவாவிற்கும், விஜய் ரசிகர்களுக்கும் ஒரு மறக்க முடியாத பாசிட்டிவ் பொங்கலாக அமைந்துள்ளது.