Mumtaj : நடிகை மும்தாஜ் வீட்டில் டார்ச்சர் தாங்க முடியல... பணிப்பெண் பகீர் புகார் - போலீசார் தீவிர விசாரணை
Actress Mumtaj : மும்தாஜ் வீட்டு பணிப்பெண்ணான முக்தீன், இன்று காலை காவல்துறையின் அவரச உதவி எண்ணான 100க்கு தொலைபேசி மூலம் அழைத்து புகார் ஒன்றை அளித்திருக்கிறார்.
Followதமிழ் திரையுலகில் மோனிஷா என் மோனலிசா என்ற திரைப்படம் மூலம் நடிகையாக அறிமுகமானவர் மும்தாஜ். இதையடுத்து குஷி, ஸ்டார், ரோஜாக்கூட்டம், ராஜாதி ராஜா என பல திரைப்படங்களில் நடித்திருக்கும் இவர், கமல்ஹாசன் தொகுத்து வழங்கிய பிக்பாஸ் நிகழ்ச்சியின் 2-வது சீசனில் போட்டியாளராக கலந்துகொண்டார். அதில் ஷாரிக், தாடி பாலாஜியின் மனைவி நித்யா ஆகியோருடன் மும்தாஜ் சண்டையிட்டது பரபரப்பாக பேசப்பட்டது.
நடிகை மும்தாஜ், அண்ணாநகர் H பிளாக் 2வது தெருவில் குடும்பத்தினருடன் வசித்து வருகிறார். உத்தரப் பிரதேசத்தைச் சேர்ந்த முக்தீன் மற்றும் அவரது சகோதரி நடிகை மும்தாஜ் வீட்டில் கடந்த 6 வருடமாக வீட்டு வேலைகளை செய்து வந்துள்ளனர்.
இந்நிலையில், மும்தாஜ் வீட்டு பணிப்பெண்ணான முக்தீன், இன்று காலை காவல்துறையின் அவரச உதவி எண்ணான 100க்கு தொலைபேசி மூலம் அழைத்து புகார் ஒன்றை அளித்திருக்கிறார். இதனைத் தொடர்ந்து உடனடியாக, நடிகை மும்தாஜின் வீட்டிற்கு விரைந்து வந்த அண்ணா நகர் மகளிர் காவல் நிலைய போலீசார், புகார் கொடுத்த பெண்ணிடம் விசாரணை நடத்தி உள்ளனர்.
அப்போது அவர் தான் அந்த வீட்டில் இருக்க முடியாது எனவும், அங்கு தனக்கு கொடுமைகள் நடப்பதாகவும் கூறி அழுதுள்ளார். இதனைத் தொடர்ந்து அந்தப் பெண்ணை போலீசார் அரசு காப்பகத்தில் சேர்த்துள்ளனர். அரசு காப்பகத்தில் உள்ள அந்தப் பெண்ணிடம் குழந்தைகள் நல குழுவினர் விசாரணை நடத்தி வருகின்றனர். அவர்கள் சார்பில் காவல்துறையில் புகார் அளிக்கப்பட்டால் அதன் அடிப்படையில் நடவடிக்கை எடுக்கப்படும் என அண்ணா நகர் மகளிர் காவல் நிலைய போலீசார் தெரிவித்துள்ளனர்.
இதையும் படியுங்கள்... Dhanush : நீண்ட போராட்டத்திற்கு கிடைத்த வெற்றி... இதெல்லாம் நான் கனவுல கூட எதிர்பாக்கல - தனுஷ் ஹாப்பியோ ஹாப்பி
சேனலை கிளிக் செய்து பின்தொடரவும்
